الموضوع: تكايف الترخيص لمدة سنة + غرامة التأخير.. كام ؟

المشاركة الأصلية كتبت بواسطة megosoft

بالنسبة للجزء الخاص بنقل الملكية- يعني التسجيل في الشهر العقاري-في نقطة مهمة جدا- وهي إن معظم اللانوس الموجودة في مصر من سنة 2000 حتى السنة دي هي إنتاج محلي-وده بيفرق في رسوم التسجيل حوالي 300 ج. بس الموضوع محتاج شهادة بيانات موجهه للشهر العقاري لإثبات بلد المنشأ.
أما رسوم التسجيل على اساس المنتج مستورد فبتكون تقريبا مو2005 حوالي 1150ج------ مو2004 حواي 1050ج--- وهكذا ...
ولو جبت شهادة البييانات المبغ ده ح يقل بقيمة 300 ج.

اما المرور 760 ضريبة3 سنين+230 التامين الإجباري 3 سنين +دوسية وشوية ورق واكراميات شاملة الفحص قول 120 ج +طفايه (لو مش ح تعرف تسلك أمورك) حوالي 120 ج.
ما فيش مانع الواد اللي واقف بره ياخد العربيه وش بالجردل والبله ح تحط في ايده 5 ج.
تقريبا دي كل المصاريف. وأعذرني لو كنت نسيت حاجة...
ملاحظة : لاتنسى المخالفات
إذا كنت من سكان القاهرة المحظوظين ممكن تكشف عليها الأول عن طريق الموقع ده:
https://www.masr.gov.eg/arabic/servi...ction=citizens

والله يا باشا الواحد مش عارف يعمل مع ذوقكم إيه ؟
أنا عربيتي ملاكي جيزة .. إمبابة على ما أتذكر ..
مش فاكر رقمها طبعا لأن أرقام اللوحات القديمة بتاعة الجيزة دي مليانة أرقام ومستحيلة الحفظ .
وبالتبعية لا رقم شاسيه ولا رقم موتور .
اللي أنا عاوز أعرفه .. هو أنا بجيب منين شهادة المنشأ .. أنا عارف إن عربيتي مصرية .. بس الدليل الوحيد على كده مطبوع على باب تنك البنزين من جوه !
كمنا أنا عاوز أخليها ملاكي المنيا أو ملاكي القاهرة (حبايبي في القاهرة كتير وأعرف أسلك في القاهرة عن المنيا) .

بالنسبة لصاحبي أبو 5000 جنيه ..
فهواسمه : هيثم محمودعبد الفتاح محمد إبراهيم الشريف !
لو عاوزين تروحوا تتأكدوا منه عيادته (طبيب أسنان هو) في ش سكة تلة .. وهو غلباااااااااااااااااان وبريء لحد السذاجة وطيب على الآخر.. ممكن تقنعه ـ بقليل من الجهد ـ إن المنيا فيها آبار بترول والحكومة مخبية علينا عشان ماننهبش الآبار دي ! وهو هايصدقك على طول

محدش قاللي يعني أجيب شهادة المنشأ دي منين ؟