تقرير و تجربة صيانة 20.000 نيو اكسنت
كنت حاجز النهاردة ميعاد صيانة ال20.000 الساعة 9 صباحا كان رقمى 26
رحت فى ميعادى بالظبط قابلنى الامن اللى على الباب طلب الرخصة و اتاكد من الحجز و لزق الرقم على المراية و قالى مع حضرتك المهندسة نهى - لقيتها واقفة جنبى .
رحت اركن العربية و المهندسة ماشية جنبى لغاية ما ركنت - اخدت المفتاح و الرخصة و سألتنى لو فى ملاحظات قلتلها مفيش قالتلى حضرتك هتعمل صيانة العشرين يبقى هنغير بوجيهات و فلتر الهواء و فلتر البنزين قلت اوكية .
طيب حضرتك هتغير زيت 5 و لا 10 قلتلها انا معايا صيانة مجانية لغاية 20000 شاملة الزيوت و المصنعيات قالتلى يبقى هتغير زيت 10000 طبعا ( اكيد فى بالها قالت - طبعا ابو بلاش كتر منة ) .
المهم خلصت و قالتلى هتستلم الساعة 2.30 قلت ماشى - طلعت على كارفور قلت اضيع الوقت لفيت هناك شوية و رجعت على الساعة 12 .
دخلت على الورشة عشان اشوف عملوا اية و انا داخل لقيت الامن بيسألنى رايح فين ( هو ممنوع من زمان بس مكانش حد بيسأل ) قلتلة نسيت حاجة فى العربية و داخل اجيبها - تنح شوية و قالى اتفضل و لقيتة ماشى معايا - ندور على العربية - مفيش عربية ، راح سأل بالرقم لقيتة بيقولى العربية خلصت و واقفة برة .
رحت لقيتها فعلا خلصانة و جواها قطع الغيار القديمة
دى البوجيهات
http://img26.imageshack.us/img26/4135/99293392.jpg