انا عندى العربية لما اجيب الاول لازم اقف واجيب الاو ل اية السسب مينفعش وانا ماشى اجيب الاول وهى اصلا مبتجبش الاول خالص وانا ماشى حتى على 5
عرض للطباعة
انا عندى العربية لما اجيب الاول لازم اقف واجيب الاو ل اية السسب مينفعش وانا ماشى اجيب الاول وهى اصلا مبتجبش الاول خالص وانا ماشى حتى على 5
كل العربيات الدايو كدة ودي ميزة ...علشان ده نظام جماية
انا برضه عندي كده لازم عشان تاخد الاول تقريبا تكون العربيه واقفه
انا كمان عندى نفس الشئ وكنت فاكره عيب عندى اناا بس وقولت ده دسك واسطوانة وحوارات:C_laugh[1]:
الموضوع محتاج بس شوية دقة من ايدك...دوس دبرياج و حرك العصاية فى اتجاة الترس الاول بس متقرصش علية لمدة ثانية... فى الفترة دى مخايط التزامن فى الفتيس بتبداء تضبط سرعاتها مع بعض و بعد كدة كمل حركة العصاية عشان النقلة تعشق... طبعا يفضل انك تكبس كبسة بنزين اول ما تدوس دبرياج عشان تسهل عملية التزامن بين التروس
MMamdouh
بس على مااعتقد معظم العربيات الجديدة بيكون صعب تدي الغيار الاول وانت ماشي لاحظته في كذا نوع غير الدايوا واعتقد انه فعلا نظام حماية
والله اعلم
فعلا عملية أن الواحد يجيب الأول والسياره متحركه
مش صح على المدى البعيد على غويشة الأول والتانى
ونفس الوضع مع عملية تسقيط النقلات كهوايه لدى بعض السواقين بتبوظ الغوايش
أما لو حصلت مره أو مرات قلائل فمفيش مشكله
بس التعود على هذه العاده غير مطلوب ( حفاظا على غوايش الفتيس )
يا جماعة الفكرة فى تضبيط لفات الموتور قبل ما تنزل نقلة... لو ضبطت لفات الموتور صح حتنزل نقلة عادى جدا
التضبيط الصح تعرفة من انك لو نزلت النقلة و شلت رجلك من على التبرياج العربية لا حتفرمل (لفات الموتور اقل من اللازم) ولا حتنط لقدام (لفات الموتور ازيد من اللازم)
MMamdouh
يا ريت اعرف ايه الهدف انى اجيب اول وانا ماشي على سرعة التاني او التالت انا بعتبر ان الاول لتحريك العربيه من السكون وبعد كدة طالما العربيه ماشية وعايز اغير اشوف الغيار المناسب وااقلهم التانى طالما العربيه بتتحرك بسرعه معقوله
احيانا بتحتاج تسارع قوى للتخطى و التانى مش حيسعفك
اخر مرة عملت كدة كنت متذنب ورا عربية كارو فى شارع اتجاهين و كان الاتجاة التانى فيه مكروباصات كتير ماشية بالتالى كنت على التانى و ماشى تاتا تاتا... اول ما لقيت مساحة تسمح بالتخطى حطيت اول و كبست عشان الحق اعدى قبل ما الاقى صف مكروباصات تانى بخللى افضل متذنب ورا الكارو
MMamdouh
وانا كمان بجيب الاول على 30 ....بدليل انك تكون ماشي على 60 وواحد يدخل قدامك فتضر وتوصل ل 20 وتروح نازل من التالت للاولاني وعادي
بس برضة دة نظام حماية لان العربيات القديمة ممكن تكون ماشي 100 وتدي الاول وترس الاول يتحرق منك .....لكن الدايو بتحميك من الكلام دة ومش تخليك تدي الاولاني بالذات الا اذا هتكون مهدي خالص او هتقف:hlopaet_prv:
معتقدش انة نظام حماية... هى فى الغالب صعوبة من الناحية الميكانيكية فى تعشيق ترسين الفرق فى سرعاتهم كبير جدا
نظام الحماية اللى بجد هو الحماية من تعشيق المارشدير... غالبا حتلاقى المارشدير اما بسوستة او بسقاطة و كان فيه واحد صاحبى معاه عربية يابانى (مشفاكر مازدا ولا تويوتا) كان المارشدير فيها تحت الخامس و مكنش ينفع تخطف المارشدير من الخامس الا لو روحت لوضع المور الاول
MMamdouh
فعلا ده الكلام السليم....ومفيش حمايه ولاغيرهاقتباس:
معتقدش انة نظام حماية... هى فى الغالب صعوبة من الناحية الميكانيكية فى تعشيق ترسين الفرق فى سرعاتهم كبير جدا
ده فتيس مانيوال عادى ( وهو ده نظامه )
وعملية الصعوبه فى التعشيق دى
اللى بتبوظ غوايش التوافق بين ترسى المجموعه الواحده ( زى الأول مثلا )
وممكن تعور مدخل التعشيق للترسين
المهم أن فيه حاجه ممكن تتأثر
الغويشه أو المجموعه ( القائد والمنقاد كتروس مجموعه )
طبعا مفيش كلام يتقال بعد كلامك يا كبير الدايوية
انا كنت معتقد كدة ....لاني في اول بداياتي لما كنت بتعلم السواقة كانت على عربية يباني قديمة ...وكنت عايز اسقط النقلة من الرابع للتالت فرحت مدي الاولاني بدل التالت ....وترس الاولاني اتحرق بس هو دة الموقف الي حصل معاي ولما ركبت الدايو كنت مبسوط ان العربية مبتديش الاولاني الا لما تكون ماشي على مهلك:hlopaet_prv: