فارغة محرك الإسكودا الفورمان مشروخ ايه الحل؟

**abdullah_yousof** · 17-03-2010 12:39 AM

السلام عليكم

محرك سيارة فورمان بيسرب المياه بسبب شرخ في فارغة المحرك من أسفل

هل ممكن حل لها ولا لازم أغير المحرك كله؟

المحرك من تحت الومنيوم والتسريب كبير

**Ahmed Galal** · 17-03-2010 04:04 AM

اعتقد ان ما فيش لحام للالمونيا و الا كنت عملته و بتقول حضرتك تسريب كبير يبقا مش هاينفع تمشى بالعربية الحل ماتور استيراد من الحرفيين او بورسعيد
و الله اعلم

**Ellawai** · 17-03-2010 09:49 AM

احسن حل ليك موتور استيراد .. هات موتور استيراد يكون شورتبلوك بمعني بلوك + ما بداخله + راكب عليه وش السلندر ماتفكش , فك الباقي كله اللي هو الفتيس و مجموعه الانجكشن + الرشاشات و الكونترول و الكلام ده .. + الدينامو و المارش و الباور و التكيف و كده. ركب اللي عندك ووفر فلوس.
انما ماتفكش الموتور ولا تلحم ولا تعمل اي خاجه في الموتور علشان هاتصرف ومش هاترجح زي الاول.

**abdullah_yousof** · 18-03-2010 12:09 AM

المشاركة الأصلية كتبت بواسطة ellawai

احسن حل ليك موتور استيراد .. هات موتور استيراد يكون شورتبلوك بمعني بلوك + ما بداخله + راكب عليه وش السلندر ماتفكش , فك الباقي كله اللي هو الفتيس و مجموعه الانجكشن + الرشاشات و الكونترول و الكلام ده .. + الدينامو و المارش و الباور و التكيف و كده. ركب اللي عندك ووفر فلوس.
انما ماتفكش الموتور ولا تلحم ولا تعمل اي خاجه في الموتور علشان هاتصرف ومش هاترجح زي الاول.

متشكر جدا

لكن هل أحد يعرف يعمل كام موتور الفورمان 1300 سي سي استيراد ؟

**abdullah_yousof** · 18-03-2010 12:11 AM

المشاركة الأصلية كتبت بواسطة agmgranturismo2006

اعتقد ان ما فيش لحام للالمونيا و الا كنت عملته و بتقول حضرتك تسريب كبير يبقا مش هاينفع تمشى بالعربية الحل ماتور استيراد من الحرفيين او بورسعيد
و الله اعلم

يعني مفيش أمل في اللحام!

معلش تقصد من اللي كان عمل اللحام تقصدني أنا ولا حضرتك حصل معاك نفس الموضوع ومنفعش تلحمه

**sameh127** · 27-03-2010 11:00 PM

لحام الألومنيوم موجود بإستخدام لحام كهرباء من نوع TIG welding و هو اختصار ل Tungsten inert gas electric arc welding و صنايعي دماغه نظيفة في اللحام و حيبقى زي الأول بس المهم مش اي لحام كهرباء حيستخدم ،لازم اللي قلته فوق هو اللى يستخدم فقط ويتلحم بتجانس عالي على طول الكسر او الشرخ و حيرجع الموتور 10/10

**exact** · 06-05-2010 04:33 PM

انا جربت لحام المونيوم عادي خالص وزي الفل بلمبة وقضيب المونيوم والموضوع 100 100

**mohamed777** · 06-05-2010 06:47 PM

و اية فارغ المحرك ده؟

**samirayad** · 07-05-2010 08:40 AM

البلوك سلندر

**abdullah_yousof** · 08-05-2010 12:52 AM

المشاركة الأصلية كتبت بواسطة sameh127

لحام الألومنيوم موجود بإستخدام لحام كهرباء من نوع tig welding و هو اختصار ل tungsten inert gas electric arc welding و صنايعي دماغه نظيفة في اللحام و حيبقى زي الأول بس المهم مش اي لحام كهرباء حيستخدم ،لازم اللي قلته فوق هو اللى يستخدم فقط ويتلحم بتجانس عالي على طول الكسر او الشرخ و حيرجع الموتور 10/10

متشكر جدا على المعلومة بس هل هذا النوع من اللحام مشهور ومعروف؟