الموضوع: سؤال بسيط لخبراء الفرامل

المشاركة الأصلية كتبت بواسطة mmamdouh

دواسة الدبرياج التقيلة ---> الدسك مجهد

دواسة الفرامل اللى بتهدى فقط ---> رجلاش تيل خلفى (بفرض ان الماستر العمومى سليم)

mmamdouh

يعني معنى كده إن تغيير الدسك هيخلي الدواسة هتكون خفيفة


وبالنسبة للفرامل هي بتكلبش لما اضغط عليها جامد للآخر لكن لو ضغطت نص دوسة بتهدي بس وحركتها تقيلة شوية
لكن عربيات الدايو اللي جربتها أول ما ألمس دواسة الفرامل العربية بتكلبش ودواسة الفرامل بتاعتها خفيفة جدااااا ، أنا مرجلش التيل الخلفي ومفيش تحسن بالنسبة لحساسية الفرامل ، والتيل الأمامي مليان

المشاركة الأصلية كتبت بواسطة samirayad

هى خفيفه ولا تقيله

عندي في العربية
الدبرياج خفيف جداااااااااااااا لكن الفرامل تقيلة واستجابتها سيئة نوعا

في كل عربيات الدايو (لانوس نوبيرا جوليت ) اللي جربتها العكس دبرياج تقيل ودواسة فرامل خيفية وقوية جدااا بالنسبة لي

المشاركة الأصلية كتبت بواسطة esamghanayem

نضف الاربع عجلات ونضف الاربع مساتر الفرعيه
لو مفيش تحسن
شيك على السيرفو
لو مفيش تحسن
غير الماستر العمومى

هو أخد هواء من العجل ولكن بدون تحسن هخليه يجرب ينظف كل العجل والمساتر

المشاركة الأصلية كتبت بواسطة samirayad

فيه علاقه فعلا

وعلشان كده عاوز أسألك

الملاحظه دى بتظهر معاك أمتى

وأنت بتستعملهم فى نفس الوقت ( دبرياج وفرامل )

ولا كل دواسه لوحدها

لما باستعملهم سواء مع بعض أو كل دواسة لوحدها بيظهر نفس النتيجة

أنا مرة ديتها لميكانيكي قاللي احتمال وجود مياه دخلت على زيت الفرامل أثناء الغسيل بالضغط العالي

فكان هيغير الزيت وهيفك مسمار من كل عجلة لتغيير زيت الفرامل كله


في معلومة تانية

1- لو فضلت ماشي 80 مسافة طويلة بدون تبديل في الغيارات وسرعة منتظمة الدواسة بتكون في أقل نقطة (مش بتهرب لكن هي تحت شوية ، الدواسة بتنزل لتحت لغاية مستوى معين وبتثبت مش بتنزل تاني بعدها ولو ضغطت جامد العربية بتكلبش)

ولو ماشي على سرعات مختلفة وبانقل على 4000 مثلا الدواسة بتعلى جداااااااا وبتكون القروة الفرملية جبارة وقوية جداااااااا

المشاركة الأصلية كتبت بواسطة mmamdouh

ممكن يكون السيرفو عندك مش كويس.... انت مركب تيل نوعة ايه؟؟
mmamdouh

جولد

المشاركة الأصلية كتبت بواسطة samirayad

هو دخول ميه للزيت صعبه شويه

وياريت تسمع كلام الميكانيكى وغير الزيت كله

زمان كان غطا علبة الفرامل مكسور وغيرته ، فهو ممكن يكون ربط الموضوعين ببعض، لكن مش فاكر قبل ما يتكسر كان وضع الفرامل ايه كويسة ولا زي كده ، كل اللي فاكره إني مكنتش باشتكي منها وكانت بتفرمل كويس

لكن حاليا ملاحظ حاجتين مختلفيت عن باقي الدايو (إذا مكنش كل العربيات اللي أنا جربتهم)
1- ساعات اضغط فرامل جامد مرة واحدة على سرعة هادية والعربية مش بتهدي ولا بتتأثر كإن مفيش حاجة أما السرعات العالية فالعجل بيقف كويس والفرملة بتكون كويس

2- مشوار الدواسة طول شوية لتحت

أنا جربت أمشي 130 وابدأ أضغط الفرامل بقوة نسبيا لغاية الوقوف أكتر من مرة الفرامل بتبدأ تلقط بسرعة وبتكون زي باقي الدايو تقريبا لكن سرعان ما ترجع لوضعها السيء بعد مشي بسيط على سرعة هادية


وألف شكر على تعب الجميع معايا لكن نفسي الفرامل تكون كويسة وأحس بأمان وأنا ماشي ، أنا فكرت كتير أغير السيرفو والماستر مع بعض وأجرب بس خايف ملقاش نتيجة كويسة وفرق كويس ، غير كده اللي بيفك حاجة غالبا بيكسر حاجة معاها وفي التقفيل مش بترجع زي ما كانت