الأول باحب اوجة شكرى لتامر
العربية يوم الخميس اللى فات المروحة قفشت عادى البلية قفشت و كنت مغيرها قريب مش مشكله
رحت لكهربائى قللى هو مين غير البلية و لقيت بيتطنط قلت بلاها رحت لخراط صاحبى و غيرت البلية بايدى فى 5 ساعات منهم ساعتين عشان ادور على البلية 608 زد سرعات عالية لغاية مالقيت skf ايطالى اصلى ب 10 جنيه و المروحة بقت فابريكه و الحمد لله بس بسبب الغبا المروحة رفت منى عشان فكيتها من الأول غلط بس شغاله
لقيت الحرارة عليت شوية بس بتنزل كويس و فيه رفه عادى
يوم الأحد نازل من كوبرى الجيزة العربية 95 و طالعه وقفت بعد الكوبرى عند الكنيسه و يا لهول الصاعقة الجويد بتاع المروحة فك من الأكس و بوش خالص
ادور على حد مفيش بالصدفة البحتة لقيت كهربائى لف مواتير خليته لحم الفيشة عشان فكت من مكانها و تمام قوى
دورت على حد لغاية ما وصلت لواحد ورا سيما فانتازيو فى الجيزة عنده لحام و خد 3 جنيه عشان يلحم الجويد فى الأكس عشان اعرف امشى بسيطه
بس بقيت قلقان
نزلت الوكاله ادور على مروحة - مفيش - مروحة الفيكترا ال 7 ريشة اختفاء تام
بعد معاناه و بحث دقيق و تليفونات و حواديت عرفت ان المروحة ال 5 ريشة احسن و تبريدها اقوى و عمرها اطول
اتكلت على الله رحت لسوسو قاللى 250 جنيه عشان ده موسم و دخلنا فى الصيف ( الكلام بالنص ) قلت الف وصلت لواحد اسمه احمد حسن لقيت عنده مروحة الماظ بتاعت اوميجا و بالضالين 175 جنيه هنا كلمت تامر و خدت رأية الراجل قاللى لو زى بتاعتها خدها غير كده بلاش عشان الأوميجا مواتيرها عالية و اكيد تبريدها اقوى
خدت المروحة ركبتها السرعه واطية مش شغاله بس العالية صاروخ و البطارية بتريح اتاريها شغاله 12 فولت بس الكتاوت اللى عندى ميشغلهاش غير ان استهلاكها قمة الغباء فى الكهربا
رحت رجعتها طلع بتاع 10 مراوح و لا مروحه دخلت دماغى يشكر ادانى فلوسى و مشيت و انا قرفان ان المروحة اللى عندى تبريدها بطئ
خارج لقيت محل مكتوب عليه اوبل و معلق مراوح 5 ريشة بتاع واحد اسمه محمود ابو سمسم لقيت واحده بالقميص الحديد زى اللى عندى الراجل هلهلى قوى و مكنش حد واقف من ولاده قاللى عايزها بكام قلتله قول قاللى 200 جنيه قلتله امانة ربنا انا جبتها ب 175 جنيه قاللى خلاص خليها 170 قلتله ماشى جرب زى الفل
ركبتها و الحمد لله
التغيير لغاية دلوقتى
1. تبريد العربية افضل بكتيييييييييييييييييييييي ييييييييييييير
2. التكييف رفع كفاءة 10-20% تقريباً
و دى قصة مروحة الفيكترا