الفيات الجراند بونتو ولا الجين تو
عرض للطباعة
الفيات الجراند بونتو ولا الجين تو
بالنسبلي أنا جراند بونتو مع العلم إن جين 2 مطورها أجمد بس أنا هختار الجراند
لو موتور يبقى جين ٢
لو تقفيل وخامات يبقى جراند
بالظبط الناس جابت من الأخر
ماتور 1600 2 كامة 16 صباب للجين تو
ماتور 1400 كامة واحدة 8 صباب للجراند
اسم و خامات و قوة تحمل اعتقد البونتو تكسب
كمان اعتقد الجراند اشيك كتير و بنت ناس و مش منتشرة قوي زي الجين تو و شباب النواكل و الكاسيت العالي و المود دة
ردود اكثر بليز
الايطالى افضل طبعا
جراندبونتو ولا جين تو
ارجوكم بالتفصيل ولو فيه صور
أنا بحب الجين 2 جدا بس نظلمها لو اتقارنت مع الجراند
فرق الامكانيات و التقفيل والسمعة كلهم لصالح الجراند
قطع غيار (موجودة استيراد)وموتور لصالح الجين
و لو سألت في قسم بروتون هيقولولك لو معاك تمن الجراند هاتها
هيا مفيش جراند تربو ولا ايه؟؟؟!!!
لا مفيش الجراند تربو
بس بما ان 2010 اخر سنه للجراند قول هات جين2 و لو سألت قبل ما اللينيا تغلي كنت قولك لينيا بس المنطق بيقول جين2
والله من غير عواطف .. ولا تحية .. ولا أى حد :)
جين تو
علشان أنا كنت بعمل نفس المقارنة بتاعتك .. قبل ما أشترى
فى شهر يونية اللى فات
سعر + شكل + عوامل أمان + كماليات + موتور ... إلخ
بالنسبة للتفاصيل والصور .. ممكن الأخوة يساعدوا
تقفيل و ثبات و خامات و امان اكيد الجراند
سرعة و موتور اكيد الجين 2
بس اعتقد ان الجراند تكسب ودة اكيد حسب محتيجاتك
http://www.nilemotors.net/Nile/44556...ore-words.html
شوف الموضوع ده يا باشا هيفيدك بالنسبة للصور
ديت مقارنه بين البيرسونا والبروتون جين تو موش الجراند بونتو
جين 2 طبعا
بونتو طبعا,
تقفيل - اعتمادية - أمان - شكل (اذواق طبعا)
من غير تفكير, عربية حلال فيها الفلوس.
متاااااااااااااااااابع
باشا لو قصدك على البونتو تى جيت تربو
يبئا طبعا هى احسن بدون تفكير بس لو معاك فلوسها
انما لو معاك تمن الجين او البونتو العاديه ال77 حصان يبئا طبعا الجين 2
مفيش مقارنه بين البونتو العاديه والجين 2 فعلا فى التسارع والاداء وقوة الموتور
والشكل فى رأيى الجين تكسب جدا
انما البونتو التربو دى موتورها روعه بجد بس ب100 الف تقريبا
جراند بونتو افضل طبعا عربية محترمة جدا بس هو موتورها ضعيف شوية بس مش مهم يعنى عيب فى وسط مليون ميزة
جراند بونتو طبعا
انا من راى برضه الجراند بونتو....عربيه شيك جدا وايطالى وتقفيلها احسن من البروتون وجوده العربيه اعلى بكتير وموتورها اهدى وانعم واسهل فى القياده ودى حاجه هتفرق معاك مع الوقت....بالاضافه انها متقنه عن البروتون وايطاليا عندها خبره فى العربيات....وفنفس الوقت هتكون معاك عربيه مميزه عن الجين 2
معلش يا مومو , انا مش عايز افتي بس تقريبا انت متلغبط بينها وبين اللينيا ,, انا اللي اعرفه ان جراند بونتو في منها 77 حصان بس ,, مافيش 120 حصان زي اللينيا ..
بالنسبه لصاحب الموضوع ,انا لا افضل سياره 77 حصان فقط ,الجين 2 افضل بمراحل
وربنا يوفقك للاختيار الافضل
جدعان
هيا من امتي الجين 2 منتشرة؟؟؟؟؟؟؟
هوا انا في بلد تانية ولا ايه؟؟
امال السيراتو واللانسر تبقي ايه لو الجين منتشرة؟؟؟؟؟؟؟؟؟؟؟؟؟؟
جين 2 !!! منتشرة!
الجين2 منتشرة جدا بالنسبة للجراند بونتو
بس يعيبها فعلا ضعف موتورها
الجراند بونتو التربو بحوالي 130 الف تقريبا
اللينيا انا مش عارف فيه منها دلوقت ولا لأ بس كانت التربو بتعمل اظن 96 او 100 ألف , و يفضل السؤال عنها في قسم فيات لو هي في الاعتبار
فى حد بينده ؟؟؟
:))
أنا بالنسبلي الجرند سواء ال 77 أو el-120 بس طبعا الجين حلوة بس أنا بفضل el-grand
والله شيء جميل انها بقت منتشرة
بص الجين 2 اوسع شويه وماتورها اقوى اما الجراند الخامات والجوده اعلى بكتير من الجين2 انا معايا الجراند2010 وواحد صحبى معه جين 2010 اتوماتيك وانا جربتها الجراند افضل فى الخامات والعفشه والباور اخف بكتير حتى الفرامل الجراند احسن بكتييييييييييييير اعتقد ان الجراند افضل من الجين2 فى كل حاجه اللى ان سحب الجين اعلى شويه وده خارج المدينه وانا جيبت بالجراند 130 وعادى جدا ثبات ماشاء الله انا طبعا خفت ازود عن كده اصل العربيه ماشيه 1500 كيلو بس وانا قلت خلى السحب بعد ال5000
جين 2 من وجهه نظري
بالنسبالى الجين2 افضل ..
بص يا باشا ، اولا السلام عليكم ،
انا معايا جين2 ، العربية ماشاء الله جميله جدا الطريق وحش ، في نص البلد و التكييف ذي الفل مش مضيقاني غير في ان اسرتي كبرت و محتاج مكان زيادة للشنط ، بس لو انت مش متجوز حلوة ليك جدا لغاية زوجة و طفل مثلا علشان حاجات الاطفال و شنطهم كتير ، المهم
قطع الغيار الحمد لله ما غيرتش حاجة كبيرة فيها بس الصيانات العادية سعرها عادي زي كل التوكيلات مثلا اخر حاجة كنت في صيانة 35000 كم و دفعت 345 جنيه بالزيت الماتور علي فكره .
بس المشكلة اللي فيها مع مقارنتها مع البونتو ان الباور بتاع البونتو حلو اوي غير الجين2 الباور ضيق شوية و تكييف الجراند بونتو اقوي شوية ، بس خلي بالك ان سعر البونتو اغلي بكتير من الجين حوالي 15000 زيادة للاتوماتيك مثلا عن الجن و برده صيانتها نفس الاسعار عالية بارده .
اخيرا سيدي الفاضل ...
السيارتين جميلة جداااااا ،،بس انا شايف الجن2 الموديلات الجديدة شالو منها بعض الحاجت زي مثبت السرعة إتشال - العتب و الكساحات الامامية كمان إتشالت - الساعة الداخلية و كانت جميلة جدا برده إتشالت - الفرش الداخلي بقي كله رمادي و الخامات رديئة شوية - فالحاجات ده زعلتني انهم شالوها لانها محليه العربية اوي ...و بالنسبة للجراند زي الفل و طبلوه بتعاها الجديد جميل جدا .
بالنسبة لاستهلاك البنزين عدلو في الجن الاستهلاك و لسه صاحبي جايبه و بتعمل معاه في الصفيحة 20 لتر بتعمل 300 - 320 كم فزي الفل و اكيد برده الجراند استهلاكها حلو و علي فكره التوكيل غيرو التعامل فيه خالص و بقي زي الفل و اي حد عنده اي شكوي من تقفيل او فرامل او اي حاجه بيغيروها فعلا و في الضمان .
شوف بقة رأي الشخصي في النهاية لفئة الاتوماتيك للاتنين :
1- لو معاك حق الجراند بونتو الهاي لاين يبقي هيه تكسب علي شان فعلا حتحس انك جبت عربية جامدة جداا
2- لو معاك 90000 و مش هتقدر تزود هات الجن2 و مش هتندم .
انا رايي لو جوا المدينة معظم مشاويرك هات بونتو.....
لو بتسافر كتير هات جين2 احلي بكتير عالطريق و اثبت و اقوي