الف مبروك و ربنا يبارك فيك وفيها
باشا سؤالين1- التوكيل خد كام 2-العربيه اوتومتك فول اوبشن ولا منويل
الف مبروك و ربنا يبارك فيك وفيها
باشا سؤالين1- التوكيل خد كام 2-العربيه اوتومتك فول اوبشن ولا منويل
حبيب قلبي الله يبارك فيك يا جميل , وانا اسف جدا على تاخيري في الرد لاني كنت مشغول شويتين فمعلش سامحني .
وبالنسبة لاسئلة سعادتك :
1- انا جربت ال 2005 و ال 2006 و ال 2007 وركبت في ال2006 ال 1600 كاملة الصراحة فظيعة جدا بس خطرة وبتجري جري غريب لكن ال 1300 ماشاء الله ((مكنة ممتازة وعفشة طرية وجميلة واقتصادية في استهلاك البنزين جدا )) انا عن نفسي جبتها 1300 على الرغم اني في الانسر مكنتش بركب غير ال 1600 لان في فرق كبير جدا جدا بين التويوتا و الانسر .
ولا يوجد اي فرق بين جميع الموديلات بخلاف ان ال 2007 شبكة ال 1300 فيها بالطول لكن بالنسبة ان موديل 2005 احسن موديل دي الصراحة اول مرة اسمعها :N_no[1]: لان الشكل دة كله فيه نفس المشكلة الي هي ضعف الثبات والاتزان بعد 120 على الطريق
ولو حضرتك بتفكر في التويوتا الشكل دة يبقي الي يهمك الحالة النضيفة وهي سعرها ماشي في الموديلات كالتالي :( انا حتكلم على الكاملة الاوتماتيك )
1-لو مو 2005 كاملة فابريكة بالكامل وعداد كويس مابين 84 ل 86 الف جنية
2- لو مو 2006 كاملة فابريكة بالكامل وعداد كويس ما بين 86 ل 89 الف جنية
3- لو مو 2007 كاملة فابريكة بالكامل وعداد كويس ما بين 90 ل 94 الف جنية
الاسعار دي الي كانت موجودة لحد يوم 16/3 يوم ما جبت العربية
وانا تحت امرك في اي حاجة اقدر افيدك بيها .
امين يااااارب العاالمين و متشكر جدا جدا والله يبارك فيك يا سعادة الباشا
متشكر جدا جدا والله يبارك فيك يا باشا
والله يا باشا انا كان في واحدة 2007 ماشية 50 الف كيلو 1300 كاملة اوتماتيك لونها اسود بس كانت غالية عليه شوية صاحبها كان بيتكلم في 94 نهائي لو تحب اشوفهالك مفيش مشاكل .
يا باشا تحت امرك في اي اسئلة :M_yes[1]:
1- بالنسبة لتوكيل تويتا عندهم كشف البيع دة طريقتين
أ- كشف من غير زوايا (صاج - عفشة - كبس ماتور - كبس فتيس ) ودة بياخد وقت ساعة ونص وبيكلف 150 جنية .
ب- كشف بزوايا ( صاج - عفشة - كشف على القنطرة - كبس ماتور - كبس فتيس - سيور - فلاتر - كهربا -الحالة العامة للسيارة - تكاليف الصيانة) + ضبط المكنة بالكمبيوتر + ظبط زوايا للسيارة ودة بياخد وقت ساعتين ونص وبيكلف 250 جنية .
2- وبالنسبة لعربيتي يا باشا فهي مو 2005 مصري 1300 اوتماتيك فول اوبشن ( باور - تكيف - زجاج كهربا - مرايات كهربا وضم كهربا ).
يا ريت يا فندم تشوفهالى لومافيهاش تعب عليك
اوجه عناية حضرتك ان التويوتا 2005 سير الكاتينة حديد مش جلد يعنى مش بيتغير اما سير الدينامو و الباور الاتنين الاصلى عاملين 250 جنيه و فيه تقليد يـ 125 جنيه و زيت الجيربوكس الاوتوماتيك الاصلى بـ 200 جنيه و المصفاة الاصلى ب 300 جنيه
أييييييييه يا رجااالة محدش راكب 2005 عندة جديد اومال كمية الكورولات اليفي الشوارع دي مع مين ؟؟ انا لو بسأل عن بي ام مكنتش حلاقي ردود خالص بقي
اصل اللي بيركب كرولا مش بيدخل منتديات عشان بفضل الله مالهاش مشاكل
شوف
كاوتش الكرولا الاصلبي ينزل 14-70-185
تشيلة ترميه في الزبالة عشان بيعوم العربيه
وتركب 15-195-60
ده نفس المقاس اللي كان بينزل في ال 1600 كاملة
نفس مقاس العربية باللملي وماضرش العفشة ويزود الثبات مش اقل من 25 % وانا بمشي بيها 170 و 180 مستريح
بس الثبات بينزل معايا بعد ال 160 عشان هيا وزنها خفيف 980 كجم والاتوماتيك تزيد 50 كجم عن المانيوال
تجيب كاوتش بيردجستون سوبي سايلانت GR80تمن الفردة 620 جنية
تركبه وتمشي بيه 80 الف لو بتعمل روتيشن في مواعيدة
يعني بتبدل العجل كل 10 الالاف كم
لو مفيش ميزانية تجيب بريدجستون برضه 01 وده تايلاندي او تايوني الفردة تعمل 430 تقريبا لنفس المقاس
لو هاتغير المقاس ل 150-205-55 هايبقي ممتاز بس الفردة دي مش توفرة بسهولة وممكن تعمل حكة بسيطة في الملفات العنيفة بس هاترفع نسبة الثبات 10% كمان على الاقل لكن هاتوزد استهلاك البنزين حاجة بسيطة لزيادة معامل الاحتكاك بالارض
سير الكاتية فعلا جنيزر وبيتظبط في صيانة ال 100 الف
لان العرية دي موتورها vvt-i
وده بيعدل وقت فتح وقفل الصمامات اتوماتيك تبعا لقوة انضغاط الحريق جوة المحرك وحاجات تانية كتير
ماتشغلش نفسك هيا بتظبط نفسها
بس اهم حاجة ابعد عن البنزينات الزبالة لان البنزين الزبالة بيخليها تسقف وده وحش على الموتور جدا
سيورها وقطع غيارها ماتشغلش نفسك حاجتها مش غالية ومعمرة وعندك اكبر 3 مستوردين قطع غيار
العالمية وعرفة جابر في شارع دمشق
وعرفة جابة والعالمية وحبلص في الحرفيين
مش بفتكر اسعار قطع غيار لكن معقولة مش غالية والحمد لله
اخر حاجة
يا ريت تغير توقيعك وصورة الافاتر
ومبروك عليك العربيه
ههههههههههههههههههههههههه ههه حبيب قلبي كريم باشا يارب يخليك يارب
اولا بجد ميرسي جدا جدا جدا على المعلومات القيمة والعظيمة الي انا في امس الحاجة اليها . بجد كتر الف خيرك وخير باقي الاعضاء .
ثانيا :shyy: بخصةص رجاء حضرتك للتوقع هو بس لو حضرتك تفتكر ان في الاول خالص اول ما انضميت للمنتدي انت طلبت مني نفس الموضوع وانا قولت لحضرتك اني :8_8_13: من عشاق الفنانة ريهام عبد الغفور وان دة توقيعي في كل المنتديات الي بحبها وبحب اشارك فيها , ومعتقدش ان الصورة فيها اي حاجة غير انها تعبير عني حبي ليها :M_yes[1]: فاياريت مايكونش الموضوع دة مضايق حضرتك لان اكيد حبي واحترامي ليك كبير بردة , وشكرا لحضرتك :vctry:
ولا يهمك
دي حاجة شخصية وتخصك لوحدك