الجيتا هاى لاين ولا اسكودا فانتازيا كامله.....؟

ايهما افضل من حيث كل شىء اعلى فئه من الجيتا ولا اعلى فئه من الفانتازيا.
ياريت الكل يقول رأيه بصراحه ووجهه نظره فى المقارنه دى
عشان انا شايف انها مقارنه مش سهله خصوصا ان العربيتين بيتشبهوا فى حاجات كتير
واسف على الاطاله وشكرااا

http://www.nilemotors.net/Nile/36567-a5.html

شوف الرابط ده

بصراحه موضوع محير العربيتين حلوين وبالاخص انهم هاي لاين والاثنين من اصل الماني لكن انا لو حختار حجيب الجيتا مش عارف ليه لكن ميل ليها أكثر والله الموفق

الفنتازيا طبعا بحس انها اكبر و افخم من الجيتا

لو انا مكانك هجيب الجيتا بدون تردد لانى بشوف ان الفانتازيا شكلها وحش قوى من الخارج والاثنين تقريبا نفس الكماليات بس شكل الجيتا اجمد بكتير

جيتا من وجهة نظري..... مع كامل احترامي للفانتازيا

الجيتا بدون تردد

الفانتازيا الهاى لاين

مقارنة صعبة فعلا ، لو هاتشتري مايفصلش فيها إلا الوكيل الافضل وقطع الغيار الاكتر انتشارا والارخص سعرا .

في مواضيع كتير في المقارنة دي

من وجهة نظري المتواضعة الجيتا افضل

افضل الجيتا

هي الفانتازيا مناسبة اكتر للطرق المصرية علشان عالية شوية عن الجيتا بس تصميم الجيتا من برة اجمل بكتير.

جيتا بحس انها شبابي

هو انا لو اتكلمت حنحاز للفنتازيا بس انا مقرنتى كانت على اساس ال 170,000 فكانت الجيتا فاضيه خالص و كان فيه حاجه كمان بسيطه جداً جداً ان نور طابلوه الجيتا احمر و ده بيزغللنى بليل لكن الفنتازيا ابيض و ربنا يوفقق يا باشا و تختار الانسب الاثنين محترمين

شكراا على مشاركتكم انا قولت ان انتو اللى هتفصلوا المنافسه دى
عشان انا كنت ميال اكتر للفانتازيا لانى حاسس ان شكلها افخم من الجيتا مع احترامى للجيتا بس بحس ان شكلها من قدام مش متناسق مع شكلها من ورا نقدر نقول انها من قدام شكل الجولف 5 ومن ورا شكلها كلاسك هى دى النقطه الوحيده اللى محيرانى فى الجيتا شكلها من قدام مش عاجبنى اما العربيه كلها تحفه بجد .
وبردوا انا مجرب الاوكتافيا عشان معايا a5 موديل 2006 وبصراحه هى عربيه ممتازه جداا وقليله العيوب والاعطال يعنى هى اللى بتعملوا مجرد تغيير زيت بس وانا كمان اللى بغيره بنفسى .
وشكراا تانى مرة واسف على الاطاله.