زجاج السياره الامامى انكسر
السلام عليكم
انا عندى صينى 2010 عمله 10000 كيلو وكنت ركنها تحت البيت ونزلت يوم الجمعه لقيت الزجاج الامامى انكسر وسبحان الله الكسر شكله غريب جدا - تحت المساحه اليمين بالظبط مش عارف ازى انكسر
المهم انا مامين على العربيه فى شركة رويال من فرع مودرن موتورز ابو رواش - روحتلهم وشفها المهندس احمد السعيد - وقال اول الكلام هدفع ال 250 جنيه الاول من المطلبه على حسب العقد بينى وبين شركة التامين وبعدين هدفع 10 % من قيمة الزجاج حوالى 40 جنيه لان الزجاج ثمنه 400 جنيه وكمان فى ضريبه - يعنى انا هدفع حوالى 300 جنيه وشركة التامين هدفع الباقى حوالى 100 جنيه - وكمان فى مشكله تانيه انى لزم اسيب العربيه حوالى يومين علشان المهندس التامين لزم يشوفها الاول
طبعا انا سئلت بره التوكيل وعرفت ان الزجاج الامامى ثمنه 350 جنيه بالتركيب - طبعا مشيت من التوكيل وقلت ان شاء الله هركبه بره - انا عاوز اعرف هو في فرق لما اركبه بره التوكيل ولا لزم عند التوكيل وانا سئلت المهندس احمد السعيد قالى الاحسن اعمله بره لانها مش فرقه كتير