-
نباتات الزينه الصناعيه
السلام عليكم
ازيكم جميعا , يا رب تكونوا بخير
الموضوع اللى بسأل عليه النهارده هو نباتات الزينه الصناعيه , الفكره انى عندى احواض فى مدخل العماره وعاوز ازرعها , ولما جبت حد جناينى و سالته عن تكلفه زراعتها بنباتات طبيعيه قالى ان الزرع حيتكلف 650 جنيه و هو ياخد 100 جنيه شهريا لمراعاتها شامله زياره كل اسبوع , ده غير ان نور المدخل كله لازم يكون منور يعنى استهلاك كهرباء كمان و ده انا شفت انه كتير شويه .
علشان كده فكرت فى النباتات الصناعيه الكويسه اللى بتكون شبه الطبيعى اوى, رحت مشتل عندنا فى مدينه نصر بسال عليهم و فوجئت باسعار خياليه , اصغر حاجه كانت ب 45 جنيه و الاحجام اللى انا محتاجها طبعا كلها من اول 200 جنيه لغايه 500 جنيه , عينى علشان ازرع الكام حوض دول حدفع حوالى 2000 جنيه , علشان كده انا قلت اكيد فى مكان او منطقه معينه متخصصه فى الحاجات دى و تكون اسعارها مناسبه و فى تشكيله كبير فياريت لو حد يعرف حاجه زى كده يفيدنى و لكم جزيل الشكر
-
لحقت الموضوع قبل ما يروح فى الصفحه التانيه و محدش يرد عليا :wink:
-
شوف الي انا سمعتوا وانا لست من سكان القاهره ان الحاجات دي ممكن تلاقيه في منطقه اسمها درب البرابره واعتقد دي في العتبه تلاقيها باسعار كويسه وممكن حد من سكان القاهره يفيدك
-
الحمد لله اخيرا حد رد , انا فعلا رحت درب البرابره بس ملقتش هناك غير 2 كشك كده و مفيش عندهم تشكيله كبيره اوى و برضه اسعارهم مش رخيصه , يعنى الشجره كانت بحوالى 85 جنيه
Content Relevant URLs by
vBSEO 3.6.0 PL2