مصر هيا خالتى
رقم العضوية : 9878
تاريخ التسجيل : 30Apr2008
المشاركات : 1,051
النوع : ذكر
الاقامة : بلاد الله
السيارة: ميتسوبيشي
السيارة[2]: بيجو
دراجة بخارية: لا يوجد
الحالة :
السي دي !! ـ عبد العزيز محمود
عبد العزيز محمود | 17-03-2010 00:41
-ماهو انا لازم اقابله يا ولية يعني لازم اقابله!!!! أنا معايا "سي دي" ممكن يوديه ورا الشمس!!!!
هكذا قال الشحط الذي اقتحم مكتب حمؤة بيه رئيس تحرير قناة "الفيل"الفضائية للسكرتيرة فأجابته:
-مستحيل يا محترم!!! دا سيادته مشغول لشوشته في بروفات البرنامج الجديد!!
-يا ولية باقول لك معايا "سي دي" يوديه في ستين داهية!!! انت البعيدة هبلة والا طرشة والا مخك تخين؟؟!!!
-ياادي المصيبة السودا!!! سي دي تاني؟؟؟ معلهش يا اخويا اصلي كنت سرحانة! طيب ثواني أما ابلغ سعادته!!
-اتفضلي يا اختي بس يا ريت تطلبي لي واحد لمون متلج في يومك الاسود ده !!!
وبمجرد دخول السكرتيرة الى مكتب حمؤة بيه صرخ فيها غاضبا:
-ايه الدوشة اللي بره دي يا نبوية؟؟ أنا مش قلتلك الف مرة أنا عايز هدوء عشان أعرف أركز !
-يا افندم فيه شحط بره عايز يقابل سعادتك وبيقول ان معاه "سي دي" يوديك في ستين داهية!!
-ما انت شايفاني متنيل على عيني باجهز بروفات البرنامج الجديد ومعايا فرقة حسب الله اللي بتساعدني !!!
-باقول لسيادتك معاه "سي دي" زي حكاية النوبة اللي فاتت!!!
-سي دي تاني!!! احنا مش قلنا موضوع السيديهات ده خلاص مات وشبع موت!! انا عملت ايه في دنيتي يا ربي عشان تبليني كل يوم والتاني بواحد مجنون معاه سي دي !!
-انا باقول سعادتك تقابله وتريحه بقرشين حلوين وتاخد منه السي دي وبعدين تطرقه !!!
-طيب خليه يتهبب يدخل!! اما نشوف ايه حكاية السي دي بتاع النهاردة!!!وانتو يا جماعة اتفضلوا انتظروني في السكرتارية اما اشوف الزفت ده عايز ايه؟؟؟؟
وفور دخول الشحط صرخ فيه حمؤة بيه:
-أؤمرني يا سيدي!!! نعم ؟؟!!!عايز ايه في يومك اللي مش فايت؟؟؟؟
-عايز اتعين معد برامج في القناة الفضائية بتاعتكم!!!
-معد برامج كده حتة واحدة؟!!! انت فاكرها ايه وكالة من غير بواب؟؟ والا متهيألك اي واحد معدي في الشارع يطلعلي مكتبي في الدور الرابع واعينه؟!
-ما هو جنابك ح تعيَني ورجلك فوق رقبتك !! وإلا ح اطربق عليك الدنيا بال"سي دي" ده ...واوديك في ستين داهية!!!
-طيب اهدا بس واشرب اللمون!!!!! ووريني ال"سي دي" اللي معاك !!!
وفور تشغيل السي دي في جهاز الكمبيوتر تغير لون حمؤة بيه واصابته حالة فزع غريبة وقال:
-طيب مش تقول كده يا راجل؟! خلاص ياسيدي ح نعينك!! يعني انت جيت على جمل؟؟
ثم رفع سماعة التليفون مخاطبا السكرتيرة : ايوه يا نبوية الاستاذ ح يجيلك عشان تخلصيله اجراءات التعيين وتختاري له البرنامج اللى نفسه فيه!! ...قلت لي اسم الكريم ايه؟؟؟
-محسوبك فطوطة!!
-عاشت الاسامي يا سي فطوطة!!! ويا ترى ايه الشهادات اللى معاك يا فطوطة بيه؟؟!
-والله انا ساقط ثانوية عامة !!
-عز الطلب!! احنا كنا بندور على واحد ساقط ثانوية عامة عشان نعينه معد برامج!! انت عارف يا اخ فطوطة ان اللي زيك النهاردة أحسن من اللي معاهم الماجستير !
-لا بصراحة مش عارف!! بس اللي اعرفه ان ال"سي دي" اللي معايا يودي اللومان!!
فواصل حمؤة بيه كلامه مع السكرتيرة وقد ازداد فزعه: انا باقول يا نبوية نعين الاستاذ فطوطة بالمرة مذيع!!!! لأنه واضح من اسلوبه وشخصيته انه اتولد زعيم !!!
بعدها باسبوعين وفي الاجتماع اليومي جلس حمؤة بيه يتهكم كعادته على المذيعين ومعدي البرامج ثم التفت الى فطوطة بيه وعلى وجهه ابتسامة عريضة:
-عامل ايه يا فطوطة بيه في البرنامج بتاعك؟؟؟؟ انشالله تكون مرتاح ومبسوط اربعة وعشرين قيراط؟؟؟!
-بصراحة كده... أنا زهقت من البرنامج الجربان ده !! وعايز برنامج دمه خفيف
-بس كده يا فطوطة بيه!! سيادتك شاور على البرنامج اللي يعجبك!!! وانا أطير لك المذيع بتاعه فورا وأمسكهولك !!!!
-خلاص انا عايز امسك برنامج المرأة!!! ده حلم حياتي من أيام ما كنت بألعب في الحارة!!!
-معقولة يا فطوطة بيه!! راجل طويل عريض وبشنب زي سعادتك يقدم برنامج المرأة؟؟؟؟؟؟
-والله ده البرنامج اللي عاجبني ومالي دماغي !! وبعدين يا اخي انا حر!!!
-طبعا سعادتك حر!!! وعشان كده انت من اللحظة دي ح تقدم برنامج المرأة!! وح أديلك كمان درجة مساعد مدير تحرير عشان تنبسط!!
-وليه مساعد؟؟انا عايز ابقى مدير تحرير خبط لزق !!هوه انا لسه ح اقف في الطابور؟؟!!
-خلاص يا فطوطة بيه!!!! انت من دلوقتي مدير تحرير!! عليا النعمة انت فعلا اتولدت زعيم !!!!
وبعد شهر التقى حمؤة بيه بالصدفة فطوطة بيه في طرقة القناة فأخذه بالحضن ودعاه الى فنجال قهوة بمكتبه:
-ياريت يا فطوطة بيه تكون راضي عننا!! سيادتك مش عايز مني اي حاجة قبل ما اسافر لندن أعمل عملية الفتاق!!
-بصراحة أنا نفسي غامة عليا بقا لي يومين!!!!!! وبأتوحم أقدم برنامج جديد عن رجال الأعمال!!
-ايوه يا فطوطة بيه بس انا باقدم برنامج عن رجال الأعمال!! وما ينفعش القناة تقدم برنامجين عن رجال الأعمال في وقت واحد!!
-والله الكلام ده ما يلزمنيش!! انا لو ما قدمتش البرنامج ده ح اطًلع السي دي !!
-لا وعلي ايه!! من بكرة يا فطوطة بيه جنابك تقدم البرنامج بتاعي وانا اشوف لي حاجة تانية ألعب فيها !!!
وفي ظل الصعود الصاروخي لفطوطة بيه في القناة الفضائية انتشرت التعليقات:
-هوه ايه حكاية حمؤة بيه وفطوطة بيه!! همه قرايب والا نسايب والا "حبايب" ....والا ايه الموضوع!!؟؟؟
-ابدا وحياتك !! دا حمؤة بيه مش طايق سيرة فطوطة بيه وعايز يولع فيه بجاز !!
-امال ازاي يا راجل يعينه وهو ساقط ثانوية عامة؟؟؟ ويرقيه ويخليه مدير تحريرالقناة؟؟؟ ويديله البرنامج الملاكي بتاعه؟!!
-يا جماعة فطوطة بيه ماسك على حمؤة بيه "سي دي" يوديه في ستين داهية!! وبسبب الحكاية دي لهف منه لغاية دلوقتي شقة المهندسين وشاليه الساحل الشمالي وارض المنصورية ......والعربية المرسيدس الفوشيا !!!!
-يا دي المصيبة !! وازاي حمؤة بيه ماحاولش يلطش السي دي الأصلي من فطوطة؟؟؟!!!!
-لأن فطوطة عامل نسخ كتيرة وواخد احتياطاته !!
-طيب ما تعرفش يا زنبلاوي يا اخويا ال"سي دي " ده فيه ايه !؟؟
-لأ والله معرفش!! بس واضح انها مسألة تودي اللومان !!!
وبعد فترة غير محددة من الزمن اقتحم شحط آخر مكتب حمؤة بيه بكل صفاقة وهو يجعر باعلى صوته :
-ما اهو انا لازم أقابله يعني لازم أقابله!!! انا معايا "سي دي" أنقح من كل السيديهات التانية وح أوديه في ستين داهية!!
-ارجوك يا افندم ما تحرجنيش!! سيادته ع الهوا دلوقتي وبيعمل حوار مع الموسيقار العالمي فانتومان!!!
-بيعمل حوار والا بيعمل حمار ده مش شغلي!! انتي تقولي له يسيب اللي في ايده فورا ويقابلني!!! والا وشرف امي ح أوزع "السي دي" الجديد!!!
استمع إلى هذا المقطع
قالوا زمان "لما كلب الباشا مات الناس كلها راحت تعزيه ولما الباشا مات حتى الكلاب ماعزيتش فيه"
رقم العضوية : 15576
تاريخ التسجيل : 01Aug2008
المشاركات : 2,890
النوع : ذكر
الاقامة : Egypt
السيارة: لا يوجد
السيارة[2]: mazda 323
دراجة بخارية: مابحبهاش
الحالة :
مصر هيا خالتى
رقم العضوية : 1021
تاريخ التسجيل : 19Jun2007
المشاركات : 762
النوع : ذكر
الاقامة : القاهرة
السيارة: لا يوجد
السيارة[2]: Yaris 08\AT\HO
دراجة بخارية: لا يوجد
الحالة :
الطنطاوى بك
هو السى دى ده
سكته ايه ؟؟
رقم العضوية : 22719
تاريخ التسجيل : 20Oct2008
المشاركات : 3,543
النوع : ذكر
الاقامة : Egypt
السيارة: none
السيارة[2]: Accent rb
دراجة بخارية: none
الحالة :
رقم العضوية : 996
تاريخ التسجيل : 17Jun2007
المشاركات : 1,565
النوع : ذكر
الاقامة : TANTA
السيارة: B.M.W. 318i model 2001
السيارة[2]: دايو لانوس 2003
الحالة :
هى قناة الفيل ترددها كام
وافقى ولا راسى
..
بدون توقيع
رقم العضوية : 5254
تاريخ التسجيل : 05Feb2008
المشاركات : 1,186
النوع : ذكر
الاقامة : القاهرة
السيارة: يا مسهل يارب
السيارة[2]: هيونداي
دراجة بخارية: لا
الحالة :
موضوع جميل جدا تسلم ايدك وجزاك الله كل خير
المفضلات