حد جرب يحط جاز بدل البنزين فى اللوجان ؟؟؟
عرض للطباعة
حد جرب يحط جاز بدل البنزين فى اللوجان ؟؟؟
بعد الناس ما قالت انهم بيحطوا بنزين 80 ممكن حد يطلع يقول انه بيحط سولار من ساعة ما جابها و مفيش مشاكل
و كمان ممكن يطلع مسئول يقول ان أزمة السولار سببها اللوجان !!!!!
يا سيدي وانت زعلان ليه ؟ هي مش عربيته ؟؟
الي عياز يحط جاز يحط و الي عايز يحط ماء يحط .
انا عن نفسي بمون بيبسي من محطة بيبيسكو مصر و باخد 3 شفاط هدية مع كل تموينة و معطر بريحة ميرندا برتقال .
و العربية ماشية عادي .
كل واحد حر في عربيته .. و كل " مخ " يقدر يستوعب و يفهم و يترجم و يتصرف .
الحقيقه سؤال غريب
لكن طبعا ما ينفعش تحط سولار
على ما اعتقد ان اللوجان انجيكشن والبنزين 80 دة يسد الرشاشات
ولما واحد يطلع يقول انا بحط 80 والعربية زى الفل وواحد فهمه على اده زى ما حضرتك بتقول يروح يحط بنزين 80
وشوية و المشاكل تبدأ ... العربية مكتومة ... العربية مابتسحبش ... العربية بتكركر
وساعتها حيبقى دخوله على منتدى نايل موتورز السبب فى ازيته بدل ما يستفاد ويعرف الصح
حتكون مبسوط ساعتها ... انا شايف انك انت اللى زعلان مش الراجل اللى بيقول الصح
ويا ريت نسيب الناس تنصح بعض للصح مش ندافع عن الغلط
+100000
ههههههههههههه موضوع جامد
الي فهمه على اده و دافع دم قلبه في عربية عمره ماحيعمل حاجة من غير مايسال مرة واتنين
طب ماالف واحد بيخش يفتي و يقولك انا عربيتي جابت 220 و كانت ثابتة جدا و هر راكب 128 مثلا .. كل بقى الي دماغتخم على ادهم .. حيقلدوا و ينتحروا .. يبقى كدة المنتدى السبب ؟
انا لا زعلان ولا اي حاجة .. ولحد دلوقتي انتوا ماجبتوش دليل يثبت ان الراجل كذب او حاجة (بتاع البنزين ال 80 ) و مش فاهم ايه المشكلة !
يااخي انا حشيل سقف عربيتي ! انا حر ! و دخلت هنا اقول تجربتي ... حتقولي بنصح غلط !
ربينا يهدينا جميعا .
العقل نعمة .