الموضوع: التاكسى الأبيض أكثر شعبية من الأسود

انا و الحمد للة بكرة التاكسي بكل الوانة و اسمائه لية معرفش و لما العربية بتعطل بقضيها ب الميكروباص التويوتا(ربنا يخليهولنا)و الميني باص ابو جنية و نص

المشاركة الأصلية كتبت بواسطة MMamdouh

انا ركبت تاكسى ابيض... شاورت للراجل وقف... فتح الباب و ركبت و قولتلة ودينى شارع الجلاء و كنا فى عز الضهر و الزحام... و بعد ما مشى خطوتين قولتلة افتح التكييف و فتحة من غير فصال... بعد ما وصلت العداد كان عامل 13.75 و الراجل مطلبش مليم زيادة عن الاجرة

تقريبا الاستاذ عبد الرحمن كان راكب حاجة تانية غير التاكسى الابيض

MMamdouh

ساعات وساعات، على حسب السواق واخلاقه

المشاركة الأصلية كتبت بواسطة MMamdouh

كسرة العداد ب 2.5 جنية

الكيلو ب 1.25 جنية

فى حالة التوقف عن الحركة تحتسب الساعة بعشرة جنيهات

MMamdouh

على فكرة، فى برضة حركة مش مظبوبة بيعملوها، وهو انه يشغل الأنتظار (Waiting) وكل ما يقف فى أشارة او زحمة العداد برضة يفضل شغال وبيحسب، على اساس انه واقف مستنيك، وطبعا دة ممنوع

ودة خبر من contactcars


إحذر .. سائقو الأجرة يعاملون المصريين كالسياح!

الأحد، 7 فبراير 2010 - 16:32 | (5158)
6

التلاعب موجود حتى مع التاكسي الجديد
كشف مصدر مسئول عن أن بعض موديلات سيارات التاكسي الجديد "الأبيض" بها زر يحول التعريفة التي يعمل بها التاكسي إلى تعريفة مختلفة تعرف بالتعريفة السياحية وهي أكثر من العادية بعدة جنيهات.

وقال المهندس عبد النبي -مهندس في صيانة العدادات بإحدى الشركات الخاصة للموقع الرسمي لقطاع الأخبار باتحاد الإذاعة والتليفزيون يوم الأحد إن "التعريفة السياحية" هي تعريفة للتعامل مع السائحين لكن لم يتم التعامل بها رسميا حتى الآن، وتبدأ هذه التعريفة بـ6 جنيهات لأول كيلو، ثم 2.5 جنيها لكل كيلو.

وأضاف "أن نوعا من السيارات موجود بالسوق به خاصية التعريفة السياحية، بحيث يمكن للسائق استعمالها إذا ركب معه سائح أجنبي عن طريق الضغط على مفتاح بعينه موجود في العداد، مضيفا "لكن لأن قانون وجود تعريفة سياحية لم يطبق حتى الآن، فالمفترض ألا يستعملها السائق وعليه أن يتوجه إلى الشركة المختصة لإلغائها. وهذا قليل ما يحدث".

كما أشار عبد النبي إلى أن العدادات الجديدة رقمية، أي أنها تعمل بالكمبيوتر ومثلها مثل أي جهاز حاسب آلي يمكن إعادة برمجتها، موضحا أن السائقين يستلمون سيارات التاكسي الأبيض بعدادات مجهزة وتم اختبارها جيدا بحيث لا يترك مجالا للأخطاء، ولكن البعض يتلاعب بها فتتغير التعريفة.
أصحاب النفوس الضعيفة يبحثون عن المال بأي طريقة


البعض يتلاعب في العداد

وكشف بعض السائقين عن أنه على الرغم من أن الحكومة لم تقر حتى الآن العمل بالتعريفة السياحية إلا أن بعض السائقين يعملون بها بطريقة غير شرعية.

وأوضح أحد السائقين أن السائق يبدأ بالبنديرة العادية (2.5 جنيها)، ثم وبخفة يد وهو يلعب في الراديو يقوم بالضغط على مفتاح تحويل البنديرة لتصبح بالتعريفة السياحية (2.5 جنيها بدلا من 1.25 جنيها لكل كيلو). وبهذا يمكن للسائق التلاعب في البنديرة بكل سهولة دون أن يحتاج إلى إعادة البرمجة.

من جانب آخر، قال اللواء حسن البرديسي من الإدارة العامة للمرور إن تعريفة العداد للتاكسي الأبيض محددة ولا يجب التلاعب بها، وهي 2.5 جنيها لفتح العداد والكيلو الأول، ثم 1.25 لكل كيلو، و15 جنيها مقابل ساعة الانتظار الأولى، ثم 5 جنيهات لكل ساعة انتظار.

وأعلن اللواء البرديسي عن وجود خط ساخن هو "126" خصصته الإدارة العامة لمرور القاهرة للإبلاغ عن أي تلاعب بتعريفة العداد المقررة من السائقين.

المصدر ContactCars | إحذر .. سائقو الأجرة يعاملون المصريين كالسياح!

انا شخصيا بفضله على التاكسى القديم , قد يكون فى فرق من جنيه ل 3 جنيه فى المشاوير الصغيره والمتوسطه بس هدفع من غير ما افاصل واوجع داغى وهركب عربيه نضيفه لا فيها صاج يقطع هدومى ولا شحم وزيت يبهدلنى

ياجماعة ماينفعش كد والله ، احنا اللي بنعودهم على كده ، زمان كان الوحد بيوقف التاكسي ويقوله رايح كذا والسواق يقعد يذل فالواحد ، لكن دلوقتي انا اول لما باقي تاكسي ابيض بركب الاول وبعدين اقوله انا رايح فين ، دانا حتى ساعات بقعد اتكلم مع الراجل شوية قبل ماقوله رايح فين ، وعلى فكرة طول ماهما ملتزمين بالعداد يبقى المصلحة ليه انه يركب اي زبون بدل ماهو ماشي فاضي ، لأن كده العداد هايعد ، وكمان كل التاكسي الابيض بيشتغل بالغاز ، يعني بيلف مصر طول اليوم ب 10 جنيه بالكتير.

موضوع مهم جددا فعلا
انا شخصيا استفدت منه جدا