صوباعى و الباب و الميكروباص
حلو العنوان و غريب شويه :))
اه و الله الله لا يوريكوا اللحظه دى
كنت فى مشوار مع والدى فى شارع جسر السويس قرب احمد عصمت كده و كنت ماشى فى حالى و مره واحده عربيه كانت واقفه مكانها قررت تطلع فجاءه
المهم فديتها بكل ادب و كان جنبى من الشمال ميكروباص كان نص عربيتى معديه و هو كان ماشى براحه قوى الباشا او مالاقانى بقرر امشى اتحرك هو كمان
قام داخل فى باب السواق المشكله بقى مش فى الباب المشكله ان ايدى كانت بره الباب الباشا اخد ايدى بالباب و خلاهم يسلموا على بعض
انا ماحستش بوجع نهائى كان كل همى انى انزل اجيب الحيوان ده و بالفعل جيبته و فين يوجعك طبعا مش انا لوحدى كنت انا واخويا و بصراحه كنت بضربه و ماكاكنش هاين عليا خالص و كان هاين عليا اكسرله الميكروباص لولا ان ابويا قعد يشد فيها و انا بصراحه لقيت الباب الحمد لله خبطته بسيطه و ايدى كان كل اللى فيها كدمه و الحمد لله
الدروس المستفاده ماتركبش عربيات فى البلد دى نهائيا بجد و الله حسبى الله و نعم الوكيل
