هي الميه بتروح فين

**araberphilosoph** · 07-01-2008 07:42 PM

يا شباب انا لسه مغير الميه بتاعه العربيه كلها ومركب وش سلندر جديد بس دايما بلاقي القربه فاضيه مش عارف ليه مليتها الصبح وعملت بيها بتاع 80 كم لقيتها فاضيه تاني وممفيش سخونه عادي جدا يبقي ايه طيب

**MoMohsen** · 08-01-2008 12:37 AM

روح لميكانيكى و خلية يتأكد من طلمبة المية و الماسورة اللى واصلة على حوض الموتور

**forpop** · 09-01-2008 02:39 AM

هيا العربية نوعها ايه وبص على الشكمان وده اكيد عيب وش سلندر وياريت تذكر السيارة مكسيفة ولا لا

**araberphilosoph** · 09-01-2008 12:38 PM

العربيه سكودا فيفوريت 1994 مش مكيفه بس النهارده الفتيس لقيت نازل منه زيت كتير لما وقفت ووش السلندر انا جايب واحد زيرو جديد بكرتونته مغيره من 4 ايام العربيه طول ما هي واقفه مبتسربش ميه بس لما امشي بيه واركن االاقيها منزله ميه كتيره وزيت الفتيس ده مش عارف من ايه ممكن يكونوا موصلين على بعض ولا ايه

**ahmedsrs** · 09-01-2008 12:38 PM

من اكثر عيوب الأسكودا تكرار تلف وش السلندر كانت عند واحد صاحبى غيرلها وش السلندر اربع مرات فى سنة واحدة

**araberphilosoph** · 09-01-2008 12:39 PM

استاذ fotpop انت من دمياط الجديده انا من هناك برده وساكن هناك (اهلي هناك يعني ) ممكن اتعرف عليك اكتر

**araberphilosoph** · 09-01-2008 12:41 PM

بس ده اكيد مش وش سلندر العربيه مبتسخنش تماما بالعكس كويسه جدا بل صوتها بقى اوطي من الاول كتير ومشيها احسن بس بجد عايز اعرف الميه بتروح فين؟ ومش واثق في الميكانيكي اللي هنا
حرامي درجه اولي

**thatha** · 09-01-2008 01:06 PM

بص انا كان عندي نفس المشكلة. في حاجة في دورة التبريد و ده الي خلى وش سلندر الي عندك ضرب و غيرته . غالبا في خراطيم بتسرب مياه و مش مظبوطة . عشان كدة وانت ماشي باالعربية و دورة المياة تشتغل .المياة بتتسرب. وعلي العموم روح لحد و اتاكد

**ahmed1981** · 10-01-2008 10:17 AM

لو المية بتنقص لمستوى معين وتثبت بعد كده يبقى عادي
يعني لو المية بتنقص لغاية لما يفضل شوية في قاع القربة ولا تنقص أكثر من ذلك مهما مشيت أو وقفت يبقى عادي ومتزودهاش عن هذا الحد

طريقة التجربة إنك تزود المياه وتمشي مشاويرك عادي وكل لما تقف تبص على مدى نقصان مستوى المياه ولا تزودها
لو بعد كذا مشوار وجدت إنها ثابتة عند نقصان معين ولا تزيد عنه يبقى عادي ومتزودهاش إلا لو قلت عن هذا المستوى

ولما تبطل العربية وترجع تلاقيها موقعة مياه كثير يبقى ممكن في القربة مية زيادة وعند التوقف يخرج هذا الماء الزائد من صمام غطاء الردياتير أو القربة
لذلك عليك أن تتأكد هل مصدر هذا الماء هو غطاء القربة والردياتير أم هناك تسريب من مكان آخر
فعيك أن تتأكد من ذلك وأخبرنا بالنتيجة

**kimo-nubira** · 10-01-2008 10:39 AM

بص ياباشا اتاكد من الزيت بتاع المتور شوفه لونه طبيعي ولا لاءه علشان ممكن تكون الميه بتدخل علي الزيت لو الجوان بتاع وش السلندر مركبش صح هايدخل الميه علي زيت الماتور