لو حد عندة فكرة فى الموضوع دة ياريت يدينى رأية

صحيح ياهندسة افتكرت حاجة مهمة ممكن تفيدنا فى تشخيص المشكلة
كانت مرة عندى الكارتة بتاعت العربية قاطعة رشاشات
فا الميكانيكى قالى فية واحد بيصلح العيب دة هما 2 اى سية بيغيرهم وبتشتغل تانى. خصوصا انى قبليها كنت قبليها مغير واحدة باظت من مياة الغسيل فالراجل كتر خيرة بدل ما يغرمنى 500 ج دلنى على الراجل دة .
وروحت غيرت الايسيهات واشتغلت تانى ومن وقتها متلعتش على الصحراوى ولا العربية عدت ال100 او 120 غير لما سافرت .
السؤال بقى هل ممكن الايسيهات اللى ركبت دى تكون مقفولة على حاجة معينة غير الاصلى بتاعت الكارتة (لأن طبعا عمر ماهتكون قطعة الكترونية متشالة هتركب زيها اختها غير لو من توكيل مثلا)
لو كدة انا عندى الكارتة القديمة اللى كنت مغيرها كان فيها عيب الار بى ام بيعلى ويوطى لو الايسيهات دى شغالة اشيلها من الكارتة القديمة واركبها فى اللى راكبة دلوقتى ولا اية.

ارجو من حضرتك متكونش اضايقت منى
والاخوة الاعضاء لو حد عندة فكرة على حاجة فى الموضوع دة ياريت يدينى رأية والف شكر ليكم.

أنت بتتكلم بجد ياسامح
ولا كده وكده

أنت عملت شغل فى وحدة التحكم هنا فى مصر .........؟



أيوه أيوه

أفتكرت
أنت كان فى وحدة تحكم باظت عندك بسبب غسيلك للعربيه

اقتباس:

---

وروحت غيرت الايسيهات واشتغلت تانى ومن وقتها متلعتش على الصحراوى ولا العربية عدت ال100 او 120 غير لما سافرت .

---

هو فيه حاجه مهمه

دا على فرض أن الراجل عمل صيانه لوحدة التحكم زى الكتاب مابيقول

أحتمال أنك تكون محتاج عمل سوفت وير جديد لوحدة التحكم
بعد ما عملتلها صيانه .....وده المنطقى

وكده يبقى الدبرياج ( عشره على عشره )

ومعندكش عيوب ميكانيكيه

ولا انا فاهم اى حاجه

:)

اقتباس:

---

المشاركة الأصلية كتبت بواسطة samirayad

أنت بتتكلم بجد ياسامح
ولا كده وكده

أنت عملت شغل فى وحدة التحكم هنا فى مصر .........؟



أيوه أيوه

أفتكرت
أنت كان فى وحدة تحكم باظت عندك بسبب غسيلك للعربيه

---

بتكلم بجد طبعا ياهندسة
عندنا فى الاسكندرية فى ميامى ش 45 فى محل فية مهندس اسمة رفيق هو اللى بيشتغل فى الكرتات
فعلا ياهندسة عندى واحدة باظت من الغسيل ودى اللى فى البيت ( الار بى ام بيعلى ويوطى على السلانسية) وجبت مكانها اللى فى العربية اللى قطعت رشاشات والميكانيكى اللى بعتنى للمهندس دة وغير الايسيهات واشتغلت تانى.

اقتباس:

---

المشاركة الأصلية كتبت بواسطة samirayad

هو فيه حاجه مهمه

دا على فرض أن الراجل عمل صيانه لوحدة التحكم زى الكتاب مابيقول

أحتمال أنك تكون محتاج عمل سوفت وير جديد لوحدة التحكم
بعد ما عملتلها صيانه .....وده المنطقى

وكده يبقى الدبرياج ( عشره على عشره )

ومعندكش عيوب ميكانيكيه

---

طيب اتأكد ازاى من موضوع السوفت وير دة
وبيتعمل ازاى وفين .
انا فعلا متأكد ان العربية بحمد ربنا مفهاش حاجة فى الدبرياج ( اصلى موضوع الدبراج دة معاشرة كتير ومجربة فى عربيات ايجار وكام عربية واحد صحبى) دة اقل حاجة الغيارات هتعض مع النقلات وريحة شياط وصوت المكنة بيعلى ومفيش سحب وغيرة وغيرة .

اقتباس:

---

المشاركة الأصلية كتبت بواسطة 3ateef

ولا انا فاهم اى حاجه

:)

---

بص ياباشا الموضوع بما فية ان الكلام دة كان فى مشاركة منى فى موضوع
الباشس مهندس سميرلا كتر خيرة حس ان المشاركة دى ممكن تفيد حد ( صح كدة تحليلى ياهندسة)
فانقلها فى موضوع مستقل وحب يتأكد الاول ان كان الكلام دة فعلا بجد ولا كدة وكدة .
وعشان تفهم اكتر الموضوع بيتكلم عن
(الكارتة عندى كانت قاطعة رشاشات والميكانيكى دلنى على حد بيصلحهم ) بس كدة
وانا كنت بستفسر هل الايسيهات بتاعت الرشاشات اللى اتغيروا دول مقفولين على حد معين او بديل ليهم ولا زى اللى اتغيرو بالظبت عشان عندى حاجة بتأكد منها .
ارجو حضرتك تكون فهمت اليلة المكعبرة دى.
واسف على الاطالة .........

اقتباس:

---

المشاركة الأصلية كتبت بواسطة zocor742

طيب اتأكد ازاى من موضوع السوفت وير دة
وبيتعمل ازاى وفين .
انا فعلا متأكد ان العربية بحمد ربنا مفهاش حاجة فى الدبرياج ( اصلى موضوع الدبراج دة معاشرة كتير ومجربة فى عربيات ايجار وكام عربية واحد صحبى) دة اقل حاجة الغيارات هتعض مع النقلات وريحة شياط وصوت المكنة بيعلى ومفيش سحب وغيرة وغيرة .




بص ياباشا الموضوع بما فية ان الكلام دة كان فى مشاركة منى فى موضوع
الباشس مهندس سميرلا كتر خيرة حس ان المشاركة دى ممكن تفيد حد ( صح كدة تحليلى ياهندسة)
فانقلها فى موضوع مستقل وحب يتأكد الاول ان كان الكلام دة فعلا بجد ولا كدة وكدة .
وعشان تفهم اكتر الموضوع بيتكلم عن
(الكارتة عندى كانت قاطعة رشاشات والميكانيكى دلنى على حد بيصلحهم ) بس كدة
وانا كنت بستفسر هل الايسيهات بتاعت الرشاشات اللى اتغيروا دول مقفولين على حد معين او بديل ليهم ولا زى اللى اتغيرو بالظبت عشان عندى حاجة بتأكد منها .
ارجو حضرتك تكون فهمت اليلة المكعبرة دى.
واسف على الاطالة .........

---

مكدبش عليك انا ححاول افهم
بس عموما ربنا يوفقك فى اللى انت بتعمله
:))