هو اية حكاية TopGear مع الـDacia Sandero ..؟؟ فهموني اصلي مش فاهم!

عرض للطباعة

17-03-2010, 05:45 PM
M.Osman

هو اية حكاية TopGear مع الـDacia Sandero ..؟؟ فهموني اصلي مش فاهم!

لازم في كل موسم من مواسم TopGear اسمع تريقة غير مفهومة عن الداتشيا سانديرو (اللي هي الرينو لوحان او "داسيا" زي ما بيقولوا )

اترجوا على الفيديوز دي و شوفوا كدا .. انا بجد مش فاهم .. هي اية الحكاية بالظبط !!؟ ولا هما اي حاجة رخيصة لازم يمسكوها تريقة بالمنظر دا..

[youtube]http://www.youtube.com/watch?v=q0J35f0XjAM[/youtube]

[youtube]http://www.youtube.com/watch?v=hLw1lFwwVZ8&feature=related[/youtube]

ملحوظة .. انا عارف ان البرنامج دا لا يعتبر مصدر موثوق لنصيحة شراء سيارة بل هو برنامج "اصبح" فكاهي اكتر ... لكن بس حب إستطلاع .. عايز افهم ....
17-03-2010, 05:46 PM
M.Osman

[youtube]http://www.youtube.com/watch?v=hLw1lFwwVZ8&feature=related[/youtube]
17-03-2010, 06:07 PM
shouk_1987

يا راجل دول مابيعجبهومش العجب
مش فاهم ياعنى الناس كلها بتركب لامبورجينى
و كمان الناس اللى بتعد تضحك دول معاهم ايه ياعنى
17-03-2010, 06:08 PM
M.Osman

اقتباس:

المشاركة الأصلية كتبت بواسطة shouk_1987

يا راجل دول مابيعجبهومش العجب
مش فاهم ياعنى الناس كلها بتركب لامبورجينى
و كمان الناس اللى بتعد تضحك دول معاهم ايه ياعنى

اصلهم معلقين مع العربية دي كتير اوي !!
17-03-2010, 06:14 PM
Johnny82

اقتباس:

المشاركة الأصلية كتبت بواسطة shouk_1987

يا راجل دول مابيعجبهومش العجب
مش فاهم ياعنى الناس كلها بتركب لامبورجينى
و كمان الناس اللى بتعد تضحك دول معاهم ايه ياعنى

لاء عادى دول بيتريقوا على ال BMW عشان كثر المنيوز والتعقيد اللى فى الكمبيوتر اللى جواها, وبيتريقوا على الفرنسيويين والالمان على طووول هههه :khd:

بس دمهم خفيف, مرة كانوا بيتريقوا على العربية اللادا وبيخبطوا فيها بالشواكيش لانها جامدة وصناعة روسى بس طبعا هى كانت بتنتج من 30 سنة او حاجة كدة.
17-03-2010, 06:21 PM
chato_eg

علشان هى مثال نموذجى للسيارة الاقتصادية
بالنسبة لعشاق السيارات فى البلدان المتقدمة زى إنجلترا...مش دى العربية إللى ممكن يكوت عندك فكرة عن وجودها فى السوق من عدمه
لا تقيس علينا فى مصر....احنا غلابة و بندفع 135 ألف فى لانسر و 150 فى كرولا و 120 فى سيراتو و بنعتبر الجيتا سيارة الرفاهية ...!!!!..
مع إن الجولف دى اتعملت علشان الشباب إللى لسه بيشق طريقه فى الحياة و الانطلاق و بتاع...
طبعا عندنا الواحد شعره بيكون أبيض على ما يعرف يجيبها....
17-03-2010, 06:24 PM
M.Osman

اقتباس:

المشاركة الأصلية كتبت بواسطة chato_eg

علشان هى مثال نموذجى للسيارة الاقتصادية
بالنسبة لعشاق السيارات فى البلدان المتقدمة زى إنجلترا...مش دى العربية إللى ممكن يكوت عندك فكرة عن وجودها فى السوق من عدمه
لا تقيس علينا فى مصر....احنا غلابة و بندفع 135 ألف فى لانسر و 150 فى كرولا و 120 فى سيراتو و بنعتبر الجيتا سيارة الرفاهية ...!!!!..
مع إن الجولف دى اتعملت علشان الشباب إللى لسه بيشق طريقه فى الحياة و الانطلاق و بتاع...
طبعا عندنا الواحد شعره بيكون أبيض على ما يعرف يجيبها....

كلام منطقي فعلاً .. بدليل تريقتهم على العربيات الكهربائية و الصديقة للبيئة بسبب ادائها المنخفض
17-03-2010, 06:27 PM
slim_shika

ماسكين العربية تريقة علشان ديه العربية اللي James May هيموت وتنزل انجلترا, ولما عملها الريفيو عجبته أكتر , راحوا مكسرينها....
الحلقة ديه كانت صباح الكوميديا....
17-03-2010, 09:48 PM
Imhotep

ده العادى بتاعهم..... و بالذات ابو طويلة اكتر واحد فيهم لسانه طويل..... و ميعجبوش العجب..... بس ده مفهوم لان دى ناس متعودة على الرفاهية و ميهمهمش غير القوة و السرعة و الفخامة و اى حاجة اقل من كده تبقى كخة
18-03-2010, 12:55 AM
aelhossan

المشكله انهم محبوبين جدا
مره مسحوا بكرامة الجين2 الارض
مبيحبوش غير العربيات السوبر
18-03-2010, 02:26 AM
wawoo

اقتباس:

المشاركة الأصلية كتبت بواسطة m.osman

[youtube]http://www.youtube.com/watch?v=hlw1lfwwvz8&feature=related[/youtube]

انا الحقيقة مش فاهم انت زعلان لية ..دول مهتمين جدا بالعربية و ذكروها اكتر من مرة ..

و فى الفيديو دة جيمس مى بيشكر فيها جدا و بيقول بنفسة انة كانت يتمنى يسقوها من سنتين و اخيرا تحقق حلمة .
و بيقول انها المقصود تكون هدية مزعجة بس لما جربها وجدها العكس تماما و بعض ما سقها قال عليها "رائعة " و لما رجع كمان قال انها سيارة صغيرة و عملية و مريحة و ممتازة

و الحادث اللى فى الاخر دة اعتبرة نوع من اختبرات التصادم بس على الطبيعة ...يعنى فعلا هى اختيار ممتاز للعايزة الفئة دى بالسعر دة ..

اما الطبيعة الساخرة اللى فى البرنامج دى لجذب المشاهد مش اكتر ..بدليل انهم بيتريقو على سيارات انجليزية و على حاجات فى انجلترا كمان و بيتريقو على بعض طول الوقت , و عادى يعنى محدش فيهم قفش من التانى
18-03-2010, 08:35 AM
أحمد كمال

اقتباس:

المشاركة الأصلية كتبت بواسطة wawoo

انا الحقيقة مش فاهم انت زعلان لية ..دول مهتمين جدا بالعربية و ذكروها اكتر من مرة ..

يا باشا دول كانوا واخدينها مسخرتهم ...... ما خدتش بالك من اسلوبهم؟

اقتباس:

المشاركة الأصلية كتبت بواسطة wawoo

و فى الفيديو دة جيمس مى بيشكر فيها جدا و بيقول بنفسة انة كانت يتمنى يسقوها من سنتين و اخيرا تحقق حلمة .

برضه كان بيتتريق !!

اقتباس:

المشاركة الأصلية كتبت بواسطة wawoo

و بيقول انها المقصود تكون هدية مزعجة بس لما جربها وجدها العكس تماما و بعض ما سقها قال عليها "رائعة " و لما رجع كمان قال انها سيارة صغيرة و عملية و مريحة و ممتازة

برضه بيتتريق
18-03-2010, 09:10 AM
slim_shika

اقتباس:

المشاركة الأصلية كتبت بواسطة aelhossan

المشكله انهم محبوبين جدا
مره مسحوا بكرامة الجين2 الارض
مبيحبوش غير العربيات السوبر

لو قصدك على الحلقة 3 موسم 13 ديه ماكانتش جن 2, ديه كانت Proton Satria Neo , هتشباك و حجمها اصغر من الجن 2 - ABS - EBD - 2Air bags , كانت النسخة السبورت كمان.
18-03-2010, 09:53 AM
aly_hosny

بس ال في الفيديو شبه السيمبول اكتر من اللوجان
18-03-2010, 10:24 AM
shaddadfalcon1

ياباشا الناس دي محبوبين جدا
واسلوبهم الساخر ده من احلي الحاجات اللي بحبها فيهم

دوول مره كانو بيتريقو علي الملكه بتاعتهم مش عايزهم يتريقو علي عربيه صغيره

امال لوشفته وهو بيتكلم علي ال x6 ولا x5m ولا الكايدلاك كنت هتقول ايه؟

يعني ده بيقول علي عربيات منحلمش نشوفها مصر انها مش عاجباه

بس لو تدقق في وجهة نظره هتلاقيها صح في معظم الأوقات وان كان في شيء من التحيز
18-03-2010, 02:35 PM
Hany.ElBaathy

ماتاخودش أوي على كلامهم دول دماغهم تعبانة و اغلب كلامهم تخليص مصالح زي بتاع اخبار السيارات إياه
18-03-2010, 06:42 PM
aly_hosny

اقتباس:

المشاركة الأصلية كتبت بواسطة hany.elbaathy

ماتاخودش أوي على كلامهم دول دماغهم تعبانة و اغلب كلامهم تخليص مصالح زي بتاع اخبار السيارات إياه

؟؟؟؟؟؟؟؟؟؟؟
عمرهم ما كان كلامهم تخليص مصالح
دول بيقولو وجهة نظرهم في كل عربية
صحيح بيبقى في سخرية بس دا اسلوبهم
18-03-2010, 07:05 PM
slim_shika

اقتباس:

المشاركة الأصلية كتبت بواسطة hany.elbaathy

ماتاخودش أوي على كلامهم دول دماغهم تعبانة و اغلب كلامهم تخليص مصالح زي بتاع اخبار السيارات إياه

انا عمري ماحسيت كده خالص على فكرة, بأحس إنهم معندهمش عزيز - انجليز..
18-03-2010, 09:21 PM
chato_eg

اقتباس:

المشاركة الأصلية كتبت بواسطة M.Osman

كلام منطقي فعلاً .. بدليل تريقتهم على العربيات الكهربائية و الصديقة للبيئة بسبب ادائها المنخفض

بص .....هما موضوعيين جدا
عربية ما...بيشوفوا إيه الغرض منها...و بتحققه بنسبة كام...و بعدين بتغطى باقى الجوانب بأى نسبة
مسألة السعر دى بقى آخر حاجة...لإنهم مش عاملين برنامج " نصائح و جوائز "
لأ...ده إسمه " Top Gear "..الاهتمام كله على الصناعة و المنتج و احنا وصلنا لإيه...مسألة بكام دى بتتحل مع الوقت و كل واحد يمد رجله على قد لحافه و المفروض إننا مش قاعدين نتفرج علشان نعرف بكام ( مسألة هامشية حتى بالنسبة للانجليز إللى أكيد يعنى مش كل ركوبهم بورشه و فيرارى و أستن )
Top Gear is the best fix for petrol Heads....:36_1_40[1]:
18-03-2010, 10:49 PM
bishoy02010

اقتباس:

المشاركة الأصلية كتبت بواسطة slim_shika

انا عمري ماحسيت كده خالص على فكرة, بأحس إنهم معندهمش عزيز - انجليز..

+11111
19-03-2010, 12:10 AM
M.Osman

يا جماعة انا مش زعلان من حاجة ...
لية كل ما اتكلم عن top gear معرفش اوصل للناس فكرتي ..؟

انا كنت عايز اعرف لية ماسكينه تريقة بالمنظر العجيب دا ...

كل شوية في نص الحلقة ...

oh
great news
what?
the dacia sandero

oh
bad news
what?
the dacia sandero...

بس يظل TopGear افضل برنامج سيارات فعلاً و الحقيقة الأخ chato_eg جاب الخلاصة في الموضوع...

و تحياتي ليكم جميعاً :)