السلام عليكم .. اخباركو ايه يارجاله المنتدى ...
كنت عاوز اشترى لانسر 2001 1300 سى سى
كامله اوتوماتيك رشه بره نظافه
محتاج اعرف شويه معلومات عنها :-
1 - سعرها يتراوح من قد ايه لقد ايه
2 - معدل استهلاك البنزين قد ايه
3 - موتورها ايه اخباره قوى ولا ضعيف
4 - العفشه والثبات على الطريق
5 - اقصى سرعه لها قد ايه وياريت لو حددنا تجبهم فى كام ثانيه
... معلش يارجاله عارف اننا متقل عليكو الاستفسارات بس هتعملوا ايه انا باخد كلمكو ثقه وبخد قرارى كمان على نصايحكو...
تعملها يا باشا حوالى 62 الف
اولا ياباشا تسلم على سرعه الرد
بس 62 الف كتير قووووى ولا انتا شايف ايه
وياريت لو تعرف حضرتك باقى الحجات الى سألت عليه ؟
الثبات واستهلاك البنزين تمام 1300 سى سى بس انت لازم تشيك كويس على المكنه و العفشه يا باشا
بالنسبه للسعر ده على ما اخر كنت سامع
استنى انا بكلم واحد صاحبى هساله وارد عليك باالحاله دى
السعر يا باشا من 57 ل 60 وانت وشطارتك
بس شيك على العربيه كويس شوف الكاوتش والاستبن واهم حاجه المكنه وصوتها والعفشه
وربنا يكرمك ان شاء الله
تسلم يابوب على التعاون ده
وشكرا على اتصالك ياباشا معلش غرمتك مكالمه
وياريت لو اى حد من الاعضاء عنده اراء تانيه يشارك معانا
انا معي 2003 بس المنيوال
ماشى تقريبا الموتور فى 2001 زى موتور 2003
بتعمل معاك كام ياباشا فى الصفيحه وبتحطلها بنزين نوعه ايه ؟
وياريت حضرتك تقرا الموضوع من اوله وتقولى رايك والعربيه دى ايه مميزاتها وايه عيوبها ؟؟؟؟؟؟
مستنى ردك .............
عربية ممتازة شكلها مميز و ماسكة سعر
بتعمل فعلا لو 2003 كاملة اتوماتيك 57-58 الف
بس منصحكش بالاتوماتيك فيها ثقيل جدا
استهلاك البنزين اعلى من البومة لان العربية كالربراتير بتعمل حوالي 200-220 كيلو في الصفيحة
الموتور نفس البومة و العفشة بس فية اختلافات بسيطة بينهم
و معرفش حكاية اقصى سرعة دية
بالنسبه لاسفساراتك بما انى من ملاك لانسر 2001
1 - سعرها يتراوح من قد ايه لقد ايه
من 57 ل 62 الف حسب حالة العربيه وكماليتها وشطارتك واللى بيبيع
2 - معدل استهلاك البنزين قد ايه
احسن حاجه فيها بجد استهلاك البنزين واستهلاكها اقل من البومه بكتير جدا مع انها كربراتير مش انجكشن
انا معايا العربيه 2001 بتعمل فى الصفحيه 300 كيلو تقريبا او اكتر فى السفر.. كذا واحد كان مسافر معايا مصدقوش ان فى صفيحه نمشى بيها اد كدا
3 - موتورها ايه اخباره قوى ولا ضعيف
الموتور جيد مش ضعيف ولا حاجه وسحبها جيد جدا
4 - العفشه والثبات على الطريق
عفشه قويه جدا ومش ناشفه لو اخدت اى مطب او نقره ولا كانك خدت حاجه مره وقعت فى بلاعه مفتوحه بالعجلتين فى الجانب الايمن فى العربيه اللى ورا واللى قدام طبعا البلاعه كانت مصبوبه اسمنت يعنى بلاعه ناشفه جدا وعمقها متر ونص بس علشان ماشى بسرعه العربيه طلعت لما طلعت منها قلت العربيه زمانها ادمرت ووالله ولا حصل فيها اى شىء ولا حتا حصل اى تطبيق فى الاعتاب الحمد لله
والعربيه ثابته جدا بمشى بيها على 170 بحس بثبات جيد فيها
5 - اقصى سرعه لها قد ايه وياريت لو حددنا تجبهم فى كام ثانيه
اقصى سرعه ليها 170 فى عربيتى ومش بيزيد عن كدا صراحه مع ان الامبير بتاعها 220 :) اعتقد دا علشان الموتور 1300 وحالة المكنه اكيد مش 100% زى مكانت زيرو من 9 سنين
ملاحظات اخرى:
العربيه شكلها شياكه جدا نسخه من البومه من الداخل الصالون والتابلوه ووو... اما من الخارج مختلفه بشكلها المعروف قابله للتظبيط بشكل رائع
يوم متفكر وتقول عايز ابيع هتلاقى 300 واحد بيتنافس عليها مطلوبه جدا
قطع غيار متوافره وسعرها معقول واى ميكانيكى يفهم فيها
اولا تسلموا ياشباب على الردود
ثانيا اخص بالذكر الاستاذ/zoro007 على توضيحه الكامل
وادعولى ربنا يوفقنى واجيب حاجه حلوه وان شاء الله اول اما اجيب هعرفكو .........
:Ob_mak1[1]:اقتباس:
المشاركة الأصلية كتبت بواسطة zoro007;3872468641 [B
انا واحد صاحبس معاه واحده 2003 اوتوماتيك 1300 هو بيشنكي ان سحب العربيه ضعيف و انها بتاكل بنزين جامد بس انا مقدرش احكم علي العربيه دي بشكل عام لان بتاعت صاحبس دي ماشيه 175 الف و حالتها وحشه بصراحه بس عموما انصحك بمنوال و اقصي سرعه للعربيه 170 علي ما اعتقد و هي عربيه مش وحشه بس دور كويس عشان تجيب حاجه نضيفه
زورو جاب المفيد
.......
العربية كاربيراتير ..والغريب إن إستهلاكها في البنزين ضعيف جدا
يعني أنا مش بسافر بيها ..وكل مشيي وسط المدن
في السفر بتعمل حوالي 270 كيلو للصفيحة
وبتاخد كل أنواع البنزين ومابتقولش لأ
وعفشتها مريحة
بس ماتجبش منها الأتوماتيك مع مكنة 1300 ..مش هتحس بالسحب خالص
وطبعا من الداخل ..البومة نسخة منها
وعربية قابلة للتظبيط بشكل خرافي ..كفايا إن إختها أيفوووو عربية سباقات
.
والسعر في حدود الـ 60
شوية فوق ..شوية تحت حسب الحالة
وربنا يوفقك وتجيب حاجة نظيفة