السلام عليكم
عربيتى سيراتو كوبيه .عندى مشوار سفر الجمعة اللى جاية على طريق العين السخنة (حد السرعة 120 كيلو)
تنصحونى باقصى سرعة كام خصوصا انى مكملتش لسه 1000 كيلو (480 كيلو) و هل افتح التكييف ام لا
و شكرا
عرض للطباعة
السلام عليكم
عربيتى سيراتو كوبيه .عندى مشوار سفر الجمعة اللى جاية على طريق العين السخنة (حد السرعة 120 كيلو)
تنصحونى باقصى سرعة كام خصوصا انى مكملتش لسه 1000 كيلو (480 كيلو) و هل افتح التكييف ام لا
و شكرا
مينفعش 120 فى فتره التلين
وجهه نظرى السفر بيها دلوقتى صعب
لأن مطلوب منك
متعديش الميه
ومسبتش على سرعه معينه يعنى حبه 70 وبعدين 90 صعودا نزولا كدا
تقدر تعمل كده!
توكل على الله ياباشا
و افتح التكيف عادى و خليك ماشى ف حدود اربى ام 3 والله اعلم ..
متخليش ال أر بى إم ينزل عن ال 2 و ميعلاش عن 4 زى ما هو مكتوب فى الكتالوج ... و حاول طول ما انتى ماشى جوة البلد تغير كذا سرعة مرة التانى مرة التالت و مرة الرابع ... و يحبذ بلاش الستبترونيك دلوقتى ... و حكاية التكييف دى ملهاش أساس من الصحة ... الكلام ده لو انت عامل عمرة للموتور و هتلينه من أول و جديد إنما المفروض إن الموتور متلين جاهز بس انت بتكمل التليين ... انت بس خلى التكييف على واحد و هى هتبقى تلاجة بإذن الله
و بلاش تقرص على الفرامل .... و بلاش جرى يعنى 100 110 حلو و الأر بى إم مش هيعدى ال 4 بإذن الله .... و ربنا يكفيك شر الطريق
بص يا باشا انصحك بتقرير جامد على الكوبية هههههههههههههههه
بص بلاش تروح المشوار بى عربيتك عشان حرام العربية لسة فى التلين لو تعرف تروح بعربية حد تانى يبقى احسن
متعديش ال100
والى أهم من كده أنك متسبتش على السرعه
متمشيش على طول على ال100
ولاعلى طول على 80
أنما تغير سرعتك كل شويه
المتور فعلا متلين
لكن أنا مش بقولك لين
أنا بقولك ربى الموتور
تعاملك معاه دلوقتى هو الى هيحدد أداءه قدام
أنا عملت الى أنا قلتلك عليه والى أنا سمعته من بشمهندس غازى ود. أحمد
والحمد لله عربيتى دلوقتى سريعه الاستجابه جدا مع التلين الكويس والتفتيح بعد ال1500
زى مقلولى :)
بص مش عارف أقولك أيه بس لو ينفع تستنى بعد ال1000
ياريت تستنى أفضل لمتور العربيه
حا حاول ان شاء الله و ان كنت افضل الأجابة على الأستفسارات لأنى مليش قوى فى موضوع التقارير ده :)
انا محتار بصراحة . شايف نص الناس مش معترفة بموضوع التليين ده و ناس متشددة فيه جدا
ياريت الأفادة مع الأخذ فى الأعتبار انى مش بشد بالعربية و ممكن حتى مشغلش التكييف فى الفترة دى الا نادر قوى
شكرا
أنا من سوهاج و أول ما جبت العربية من القاهرة سافرت بيها تاني يوم على سوهاج يعني 490 كيلو و العربية زيرو يعني مكنتش عاملة 50 كيلو على بعض من المشي بيها داخل القاهرة .
و بصراحة مكنتش أعرف موضوع التليين ده وفتحت بيها و الله مابين 130 ل 180 حسب ظروف الطريق .
المهم محصلش حاجة , دلوقتي العربية عاملة معايا 12000 كيلو تقريبا و عملتلها صيانة ال 1000 و ال 10000 و مالحظتش عليها أي حاجة وحشة من اللي أنا عملتة .
اتوكيل على الله و ميهمكش .
ده عن تجربة شخصية بس أكيد في أعضاء هنا عندهم خبرة أكتر مني ممكن يقولولك
وياريت لو حد يقولنا اللي ممكن يحصل للعربية لو فتحنا بيها على سرعه كبيرة في فترة التليين .
طيب يا باشا انا عاوز اعرف منك معلومات على العربية ممكن
1-الكنبة الخلفية واسعة زى السيراتو العدية ولة ضيقة شوية
2-العربية واطية يعنى لو ركبت 3 او4 تحك ولة لا
3-الثبات عامل اة معاك
4- اهم حاجة بقى العفشة ناشفة وى العدية ولة اللكوبية التصميم بيفرق
5- جبتها خليجى ولة توكيل وبكاام
معلش انا عارف انى تعبتك معايا اصل العربية دى دخلة دماغى وانشاء الله يا رب اجيبها وشكراااا
تروح و ترجع بي السلامة انشاء الله ربنا يحفظك من شر الطريق
:36_1_37[1]:سافر على بركة اللة ومتخافش انت معاك وحش تحت رجليك ... بس محتاج ترويض ( تليين ) وفرصة انك تكمل التليين مادمت لم تتعدى ال 1000 كيلو ..واليك الطريقة المثلى لذلك ... المسافة من اول الطريق الى البوابة الاولى حوالى 11 كيلو ابدأ بالسير بسرعة متزايدة حتى تصل لسرعة 100كيلو \ساعة ثم ارفع قدمك عن البنزين واترك السيارة تسير تحت تأثير وزنها مع عدم فك الغيار وهو فى حالتك ( D ) حتى سرعة 40 كيلو \ساعة ... ثم ابدأ بزيادة السرعة مرة اخرى الى 100 كيلو ثم اتركها حتى 40 كيلو ... وهكذا كرر العملية السابقة عدد ( من 10 الى 15 ) مرة ... طبعا المسافة الى البوابة الاولى تسمح لك بذلك حوالى 5 مرات فقط ويتم استكمال العدد بعد البوابة ... هكذا ينتهى التليين ... ولكنى افضل الا تتعدى السرعة 100 كيلو \ساعة خلال 1500كيلو الاولى ...وال 120كيلو \ساعة خلال ال3000 كيلو وبعدها تكون قد قمت بتليين الموتور بالطريقة الصحيحة والتى معها يتحمل اى ضغوط واحمال مفاجئة مثل الغرز والطلعات العنيفة ... واللة من وراء القصد والسبيل ... والسلام عليكم ورحمة اللة وبركاتة .:hlopaet_prv::biggrin2:
انا رأيي بلاش تسافر بيها دلوقتي لسبب ... الطريق مغري اوي واكيد مش هتمسك نفسك وهتجري واحتمال يطلع في دماغك انك تشوف اخرها كام !!
لو متأكد انك هتعمل كونترول وماحدش هيسخنك يبقى توكل على الله وماتعديش 120 و ماتثبتش على سرعه واحده زي مالاخوه الافاضل قالو بالظبط و اكيد السفر افضل في التليين 100 مره من المشي في الزحمه المقرفه بتاعت القاهره اللي بتخنق الموتور والفتيس واكيد فيها كيك داون كتير
وربنا يباركلك فيها وتروح وترجع بالسلامه
طب ازاى وكيل 136
امال التوكيل بيبعها بكام الكاملة
معلش اصل نويت خلاص وهتعب حضرتك معايا
الناس ردت وجابت من الاخر