ربنا يبارك لك فيها
عرض للطباعة
ربنا يبارك لك فيها
مبروك
MMamdouh
يا nasroo اولا شكرا يا باشا على ردك الجميل
ثانيا العربيه دى من بورسعيد بتبقى استيراد كورى 100% بس بتبقى نازله للمعاقين فقط وتبقى معفاه من الجمارك فتببقى رخيصه تمام....بس فى مشكله ان العربيه بيبقى عليها حظر ان المعاق اللى اشتراها ميقدرش يبعها الا بعد 3 سنين بعد الحظر ده مايتفك ...بس طبعا المصريين معروفين بالذكاء الخارق واستغلال المواقف....ههههه.. بيبقى فى مكاتب معينه فى بورسعيد اللى عايز يشترى العربيه بيروح للمكاتب دى وهما بيبجيبو المعاق اللى بيشترى العربيه على اسمو وبياخد منك مبلغ مقابل كده وانت طبعا بتاخد عليه ضمانات عشان بعد كده يعملك تنازل عن العربيه بعد مايرخصها ويبقى كده انت استفدت انك جبت عربيه رخيصه ونضيفه جدا والمعاق بردو استفاد بالفولس اللى اخدها
ارجو ان المسأله تكون بقت واضحه ولو حد عايز حاجه تانيه انا موجود
ملحوظه/ العربيات الاستيراد دى معظمها بيبقى حالته كويسه جدا لانها بتبقى تقفيل الخارج مش تقفيل مصرى طبعا
فعلا الاول كان 5 سنين بس دلوقتى بقى الحظر بيتفك بعد 3 سنين والرخصه اللى بتنزل بتاعت العربيه بيبقى مكتوب عليها (لا يقودها الا صاحبها ) اللى هو المعاق يعنى بس حوار بيتعمل انا مش فاهمو بالظبط لان ورق العربيه بتاعتى لسه مطلعش من الجمرك ولسه مترخصتش
الخلاصه ان الحوار ده تقريبا بعد لما الرخصه الاولانيه تطلع بتاعت العربيه اللى هيا مكتوب فيها لا يقودها ال صاحبها ممكن المعوق يروح تانى يوم يعمل بدل فاقد اكن الرخصه القديمه ضاعت وبعد كده بياخد رخصه تانيه بيسموها رخصه بيضا زى رخصه اى عربيه عاديه وفى الحاله دى بيقدر يعملك توكيل بالرخصه التانيه وتمشى بيها عادى جدا زى اى عربيه
ويبقى ماك بردو الرخصه الاولانيه مكن تعملها ماديله مثلا.....ههههه
مبروك عليك ويا رب تكون وش السعد عليك
عقبالى يا رب
:)))
الف مبروك ربنا يعطيك خيرها ويبعد عنك شرها
واحدة واحدة عاليا وفهمنى اكتر موضوع بدل الفاقد دة بالظبت ..... وهل فعلا متأكد منة
لأن الموضوع دة هيفيد واحد صحبى معاة اوكتافيا معوقين
بس اعرف ان القانون الجديد بيقول ان بعد 3سنين فك الحظر بيتفك ب 9000 وشوية
وبعد 3سنين الحظر بيتفك ب50ج . حضرتك بتقول ان الكلام دة اتغير وبقى بعد 3 سنين الحظر بيتفك ياترى بقى بيتفك بفلوس ولا خلاص كدة بيتفك حظرها ببلاش زى الاول خالص .
لما كان بيعدى على العربية 3سنين بيتفك حظرها من غير فلوس وقبل ال3سنين كان ب9000 ج تقريبا .
اسف للأطالة بس ارجو منك تفهمنى اليلة
مبروك يا باشاااااااا
بص يا باشا
فك الحظر دلوقتى بيتفك بعد 3 سنين بمبلغ اهبل تقريبا 50 ج ...اما بقى لو انت عايز نفك الحظر قبل 3 سنين بتدفع 9500ج ..بس فى حوار التجار بتوع سيارات المعوقين قالو لى عليه وهو ان لما رخصه العربيه بتطلع بتبقى باسم المعاق ولا يقودها الا المعاق بعد كده ممكن المعاق يروح يعمل بدل فاقد ويطلع رخصه تانيه مش بيبقى مكتوب فيها حاجه ويعمل منها توكيل لاى حد
الف مبروك وربنا يكفيك شرها انا معايا اختها بس جايبها من سنتين ونص نظام معاقين برده بس كان نفسى اعرف منك جبتها بكام عشان اعرف الاسعار اخبارها ايه وشكرا مقدما