دى بروتوكولات ابناء صهيون
ماركة ودع اهلك
رقم العضوية : 38300
تاريخ التسجيل : 17Apr2009
المشاركات : 2,671
النوع : ذكر
الاقامة : egYpt - Cairo
السيارة: Pride 1.1 M\T 1999
السيارة[2]: Lancer 1.3 M\T 2008
دراجة بخارية: 000
الحالة :
الاشاره بتنور وتطفى , ممكن تتحرق !! , متشغلهاش تانى
اول صف فى اليوتيرن دايما واقف , خليك ناصح وخش انت من جنبهم ومتبقاش عقبه فى طريق السيوله المروريه
الناس فى مصر عاده بتمشى نايمه , حاول توضح دايما مكانك على الخريطه سواء بتقليب النور او الكلكسه طول الوقت
اييييه , الله يرحم ايام شيك على العالى وشيك على الواطى , اى حد تشوفه نزل من على الرصيف دى دعوه صريحه للعب حاول تمسكه او تخبطه علشان مينكرش انه كان على الواطى
منزل الكوبرى هو انسب مكان تنزل فيه حد من اصحابك يجيب سجاير , المهم بس تشغل الانتظار وتقفل الشباك اللى جنبك
مفيش مانع انك تدخل ما بين صفين المرور على كوبرى اكتوبر وهو واقف , دى اسمها توزيع الضغط على عده محاور وملهاش اى علاقه بالخط اللى على الارض
حكايه ان الحاره الشمال دايما ماشى فيها الناس البطيئه والنقل ملوش علاقه بأننا بنسوق عكس انجلترا , امشى فى اى حته وخليك فى حالك
محاوله تقليب النور لحد علشان يوسعلك ما هى الا قله حيله , الوقت اللى هتضيعه فى تقليب النور ممكن تستغله انك تمشى قصاد اللى مرخم عليك على التانى مثلا وتخنق عليه اكتر
الحادثه حاجه ممتعه جدا , خد وقتك فى التأمل واتخاذ العبره من غيرك واهو برده تدى فرصه للى وراك يتفرج بحجه ( ما اللى قدامى واقف )
القياده فن وذوق واخلاق , وانت ولا بتعرف ترسم ولا حد بيصبر عليك علشان تصبر عليه وحتى الاخلاق مبتقولش انك تتاخر على ميعادك
العربيات المانيوال مش عمليه نهائى فى مصر , تبقى سايق ومستعجل وبتشرب القهوه وبتدخن السيجاره وبتقرى الجرنان ويجيلك تليفون متعرفش ترد عليه علشان بتظبط اوبشن الكاسيت وعايز تجيب الرابع لحسن اللى بتشد معاه يطلع منك
الصوت العالى جوا العربيه اكيد مع الوقت هيأذى ودانك , حاول تفتح الشبابيك وبكدا تقدر تعلى براحتك من غير ما الصوت يتعبك واهو برده تنضف ودان الناس
البيز لو مكانش بيهز مرايه صالون العربيه اللى جنبك يبقى اتضحك عليك فى الصب ال 22 بوصه ده يا بيزو
الطفايه حاجه بيئه قوى فى العربيه , ممكن تجيب طفايه سبور وتحط فيها برفان واهو منه يخلى ريحه العربيه حلوه ومنه ينفجر ويعمل اصوات كووول لو العربيه ولعت
لو اللى قدامك بيوسع لعربيه الاسعاف تعدى منه حاول تدخل بسرعه مكان ما هو وسع علشان عربيه الاسعاف لو دخلت قصادك ممكن النور يوجع عينك
لو عربيه صاحبها بيقول انها استيراد وعايز تتأكد , بص جوا لو لقيت كل الزراير ممسوحه عدا دراع الاشارات وزرار الانتظار لسه بيلمعو تبقى مصريه صميميه ومخرجتش برا حدود القاهره
النور درجتين , مطفى ومنور , حكايه عالى وواطى دى بس علشان لما تكون داخل على صحابك بالعربيه وهما قاعدين زى المتسولين على الارض النور ميوجعش عينيهم
عالم الحيوان ليه فضل كبير قوى على معظم السواقين فى تعلم كيفيه التعامل مع سواقين النقل والميكروباص والاوتوبيسات , وعالم الحشرات كمان بس ده كان تخصص ملاكى
انك تلزق وش عربيتك فى العربيه اللى قدامك يعتبر فى حد ذاته عبقريه , استهلاك بنزين اقل وتسارع افضل وكمان لو هو خبط وفرمل فجأه مش هيبقى فى فرق بينك وبينه يؤدى الى اصطدامك بيه بسرعه
ان الشارع الرئيسى يبقى واقف وتخرم انت من شارع جانبى وبعدين تطلع على الرئيسى تانى وعايز تقطع الصف وتدخل قصاد الناس ده جميل مش هتنساهولك مصر
حاول تفصل نور الفرامل التحذيرى فى عربيتك , الفرمله فجأه عامل مساعد على رفع تركيز السواق اللى وراك واختبار حقيقى اذا كان صاحى ولا لا وبالتأكيد الاجابه هتوصلك فى اول اشاره
لما العربيه اللى وراك تكون بتضرب سارينه شرطه وسعلها بسرعه , دا اكيد راجل البيت جايب خص وخيار وفى طريقه لأستعماله ... فى السلطه طبعا
الزينون مش محتاج عدسه ولا فانوس مخصوص , كل ما يكون على طبيعته كل ما يكون نوره احسن وهتلاحظ الموضوع ده من اعجاب الناس بنورك اللى هتشوفه من فوانسيهم وتسمعه من شبابيكهم وحتى تقراه من اشارتهم
الشكمان الديفل بالتأكيد بيرفع الهورس باور حوالى 60 حصان ده غير ان صوته دايما بيفكرك بالوابور الجاز ايام الغسيل وهى فرصه رائعه لأستعاده حاله الهدوء النفسى اللى كان بيسببها لك الوابور
حاول دايما لما ترجع الشارع الفجر تفتح الباب ربع ساعه وانت معلى الاغانى علشان مديحه بنت الحج سليم تعرف انك كنت بتسمع تموره فى الطريق , ومتنساش ترزع الباب يجى 36 مره وتقفل الانذار الوولف وتفتحه يجى 44 مره علشان نعرف انك مركب سنتر ومحدش يقلب العربيه لما تطلع
العلاقه بين بعد الكرسى عن الدركسيون ونوم الظهر على الكنبه اللى ورا علاقه طرديه مع مهاراتك القياديه يعززها دايما انك تحط عداد RPM مقاس 9 بوصه وعداد سرعه للمحور الامامى وواحد تانى للخلفى وسبحه ودبدوب ومصحف وعروسه واستيكرات على جنب البرابيز وبانر دعائى ل Super dirt clean للعنايه بالشعر الجاف على نص البرابيز العلوى
لازم برده تعرفنا قد ايه انت مسجل خطر ومطلوب فى كل كمين بشعارات مطلوب ومطلوب بجد ومطلوب والله العظيم والعربيه اتحجزت قبل كدا وتعالى شد معاى لو راجل بجانب النزعه الطفوليه البريئه فى بادج عيل عبيط جوا !! , وده كله لا يتعارض اطلاقا مع ان البوكسر ابو شمسيات اللى انت لابسه ده جامد هبل
من قله الذوق ان لما حد يكون جنبك فى العربيه وبيكلمك تبقى انت باصص قصادك , قعده الرجاله متتعوضش وايا كان اللى هيحصل قصادك اكيد معتز اللى قاعد جنبك هيقف معاك وقت الحادثه
لما حد يقف قصادك او يرمى عليك من اليمين اسهل من انك تفرمل ممكن تاخد الحاره اللى شمالك ولو اللى جاى وراك فى الشمال لقيته بيقلب نور بسرعه بعد ما دخلت قصاده حاول تهدى تشوف اذا كان عايز حاجه
إفـلــت زمـام امـالــك
رقم العضوية : 996
تاريخ التسجيل : 17Jun2007
المشاركات : 1,565
النوع : ذكر
الاقامة : TANTA
السيارة: B.M.W. 318i model 2001
السيارة[2]: دايو لانوس 2003
الحالة :
دى بروتوكولات ابناء صهيون
ماركة ودع اهلك
بدون توقيع
رقم العضوية : 43413
تاريخ التسجيل : 12Jul2009
المشاركات : 2,039
الاقامة : Elmansoura City
الحالة :
هههههههههه جامدين جداا وخصوصا اخر واحده اذا عايز حاجه
رقم العضوية : 23065
تاريخ التسجيل : 24Oct2008
المشاركات : 6,831
النوع : ذكر
الاقامة : Egyptian highways
السيارة: -------
السيارة[2]: Hyundai Verna 2007
الحالة :
حقيقي فنان
هو دا الشارع المصري بجد
هو دا اللي بنشوفه و نسمعه
حتى تحت البيت ..لازم السرينة و الصوت العالي و الإنذار (السيمفوني) مش الوولف :p
شعب رخم!!
رقم العضوية : 10089
تاريخ التسجيل : 04May2008
المشاركات : 2,939
النوع : ذكر
الاقامة : أول فيصل ( مصنع الرجال و عرين الأبطال )
السيارة: تغـور من وش منصـور
السيارة[2]: Chevrolet Aveo 2008
دراجة بخارية: Non
الحالة :
رقم العضوية : 17601
تاريخ التسجيل : 31Aug2008
المشاركات : 6,564
النوع : ذكر
الاقامة : Certainly .. In My House !
السيارة: NA
السيارة[2]: Corolla 1.3
الحالة :
نسيت حاجة مهمة ..
الشباب الصايع هو اللى يقدر يعمل " غرزة " من قدام محطة الركاب , مهارة فائقة انه يسيب الشارع كله و يروح ياخد غرزة من قدام الناس علشان الشمال واقف :)
كمان نوع الاغنية اللى الشخص بيسمعها بياثر فى الناس " اوى " , و ممكن يجيله احباط لو عرف ان فى حد فى الشارع مسمعش هو مشغل ايه ..
و فى وجهة نظره ان الاحتفاظ باى شيء ملهش لازمة داخل العربية " شغل ناس فافي " , يعنى مينفعش انه يصبر لحد ما يلاقى سله مهملات يرمي فيها بواقى الاكل او السناكس او علبة السجائر .
رقم العضوية : 33656
تاريخ التسجيل : 22Feb2009
المشاركات : 20,472
النوع : ذكر
الاقامة : مصر الجديدة
السيارة: Fiat 128
السيارة[2]: Fiat Linea
دراجة بخارية: no
الحالة :
ههههههههههههههههههههه يخرب بيت عقلك يا نوح بس والله بعد كل ده الواحد بيعمل حوالي نص الحاجات ديه متضر والنص التاني شويه السواقة الصح الي إتعلمتها بره مانعاني إني أعملها
[img3]http://img21.imageshack.us/img21/3957/28138510150332809507433.jpg[/img3]
رقم العضوية : 1021
تاريخ التسجيل : 19Jun2007
المشاركات : 762
النوع : ذكر
الاقامة : القاهرة
السيارة: لا يوجد
السيارة[2]: Yaris 08\AT\HO
دراجة بخارية: لا يوجد
الحالة :
وثائقية ساخرة رائعة ...
![]()
رقم العضوية : 8654
تاريخ التسجيل : 09Apr2008
المشاركات : 1,736
النوع : ذكر
الاقامة : Cairo
السيارة: بعد الملكة ما فيش عربيات
السيارة[2]: Toyota corolla 94
دراجة بخارية: لا
الحالة :
السواقة فى مصر و القاهرة تحديدا بقت حرب و لما بارجع البيت باتشاهد على روحى اننى رجعت سليم بدنيا لكن انا عارف ان الضغط و القلب و السكر هايبقوا صديق السواق المصرى (الملاكى) زى ابو قردان صديق الفلاح (و تروحى فين يا شمس من على قفا الفلاح-بهظ بيه-الكيف)
رقم العضوية : 28890
تاريخ التسجيل : 31Dec2008
المشاركات : 1,005
النوع : ذكر
الاقامة : alexandria
السيارة: اسبيرانزا A 620
السيارة[2]: النترا اوتوماتيك 2008
دراجة بخارية: no
الحالة :
ههههههههههههههههههههه
زى ما قال العضو الفاضل دى بورتوكولات صهيون ههههههههههه
سؤال كده على الماشى
هى بورتو كولات تبع بورتو مارينا وبورتو غالب وبورتو السخنة
هههههههههههههههههههههههه
اضحكتونى وانا ماليش نفس اضحك
............................
محمود عينو
المفضلات