كاوتش العربية فرقع وانا ماشى على 80 والعربية عاملة 400 كيلو ولسة مكملتش شهر معايا... اعمل اية انا بجد اتخنقت من العربية دى.. اروح التوكيل اللى فى يوسف عباس ولا الصيانة ولا اية ؟؟؟
عرض للطباعة
كاوتش العربية فرقع وانا ماشى على 80 والعربية عاملة 400 كيلو ولسة مكملتش شهر معايا... اعمل اية انا بجد اتخنقت من العربية دى.. اروح التوكيل اللى فى يوسف عباس ولا الصيانة ولا اية ؟؟؟
معلش يا باشا قدر الله و ماشاء فعل و ماتتخنقش ولا حاجة انت لسة مالحقتش . دي العين بتاعة العربية الجديد و الحمد لله انها جت علي قد كده
قدر الله ما شاء فعل ... بس للاسف الكاوتش مالوش علاقة بالضمان او من الاجزاء اللي ضمان لا يشملها
خير فرقعت من إيه وروح الصيانه وشوف هيقولولك إيه
وأنا هكون هناك بكرة من الساعة ١
فعلا روح الصيانة وشوف ردهم هيكون ايه؟؟؟
اولا حمد لله على سلامتك
والكاوتش فرقع لوحدة كدة؟؟؟؟؟؟؟ ولا انت دوست على حاجة ولا اخدت نقرة من النقر الغبية اللى فى شوارعنا
هنشوف كده معاهم والمهم نلاقي نفس الكاوتش بنفس النقشه لإن لو مش موجود هتضتر تغير فردتين
على فكره...دة ملوش اى تفسير غير انك لبست عين محترمه...والعين تفلق البرافو قصدى الحجر
الف سلامة على حضرتك والحمد لله انه ما فرقعش على سرعة عالية
دلوقتى حضرتك شوف الكاوتش تاريخ صناعته امتى بالظبط عشان لو كان قديم يبقى ليك حق تتكلم معاهم، وزى ما الناس قالتلك، انزل الصيانة وشوف ايه الكلام هناك معاهم، ولو فعلا ماكنتش لبست نقرة او بلاعة والكاوتش فرقع لوحده يبقى اتكلم معاهم وادخل فيهم شمال (بس بالعقل) وقولهم ازاى عربية جديدة تعمل كده و ازاى يفرقع بدون سبب وكان ممكن اتقلب بيها على سرعة.
اهم حاجة ان يكون الغلط مش عليك زى ما وضحت
بس بعيدا عن الموضوع، عربية حضرتك انهى كاتيجورى؟
على ما اعتقد ان كان فيه نقاش فى حماية المستهلك علشان يدخلوا الكاوتش فى الضمان من كذا شهر فات و تقريبا الموضوع تم تفعيله
أنا كمان في فردة عندي قدام باظت بس بسبب نقرة غبية :stink[1]:
قدر الله ماشاء فعل والاهم انك بخير وان شاء الله يشوفوا الموضوع بكرة فى التوكيل
السلام عليكم قدر الله و ما شاء فعل الحمد لله ان حضرتك بخير و انها جت على اد كده و انا حصل معايا حاجه شبه كده بس ما فرقعش ولا حاجه هو النسيج بتاع الكاوتش لاقيتو اتشال من على الفرده مع العلم عربيتى مش زيرو و الكاوتش ده كان بئالو سنتين و لا حاجه بس كان كل اللى بيحصل غربله عموديه غريبه فى الدريكسيون على سرعه 60 تحديدا فممكن يكون اللى حصل عندك ان الكوتش نفسو كان متهالك و ناشف من الركنه ممكن التاريخ على الكاوتش اربع او تلات ارقام رقمين او رقم منهم اختصار للسنه و الباقى رقم الاسبوع فى السنه اللى تم فيها الصنع و الحمد لله و ما تتخنئش عادى ان شاء الله خير
الكاوتش بيبقى له ضمان على الشركة المصنعة للكاوتش على ما أعتقد
الله يباركلك فيها يا باشا
قصد حضرتك الطنابير؟؟؟ طبعا لازم حضرتك تقولهم عليها فى الصيانة.
تاريخ صناعة الكاوتش، بص على جانب الاطار ها تلاقى كود بيبتدى بكلمة dot وحوالى 12 رقم بعديها، اللى يهمنا اخر اربع ارقام من اليمين، اخر رقمين من اليمين دول السنة، والرقمين اللى قبليهم دول الاسبوع اللى متصنعين فيه.
مثال DOT XXXXXX3606
06 يعنى تبقى 2006
36 يعنى الاسبوع ال36 فى سنة 2006
يا جماعه بيقولكوا فرقع لوحده و هو ماشى على 80
دى مش عين لا
ده كشاف 500 وات :b4_444:. يا عم شوف مين مركز معاك و راضيه بقرشين كده ولا حاجه
بهزر طبعاً
ربنا يعوض عليك و الحمد لله انها مجتش فى حاجه اكبر من كده