اعلان عقد مقابلة استثنائيه الجمعة القادمة 11 يناير 2008

السلام عليكم ورحمه الله
اشارة الى موضوع حادث زميلنا محمد ممدوح
http://www.nilemotors.net/Nile/showthread.php?t=13209

تقرر عقد لقاء استثنائي عشان نطمن كلنا على محمد وان شاء الله يقدر يجي المقابلة
وكمان عشان نقدر نلم الفلوس لاهل المتوفي رحمه الله ان شاء
http://www.nilemotors.net/Nile/showthread.php?t=13267
والموضوع اختياري يا جماعة مش اجباري
والفلوس هاتتحط في كيس اسود محدش هايشوف انت دفعت ايه غير اللي خلقك عشان نخلص من شبهة الرياء والعياذ بالله
ونجمع مبلغ كويس ونوديه لاهل المتوفى حاجة بسيطة
وتذكرة لينا جميعا عشان نمشي بالراحة
المقابلة في الربوة في زهراء مدينة نصر بعد صلاة الجمعة مباشرة
ونتمنى نشوف الناس كلها
واللي مش هايقدر يجي مهندس طارق وضح كيفية ايصال الفلوس
ولا تنسو المتوفي ومحمد وسائر المسلمين من صالح دعائكم
وتحروا اوقات الاجابة
اخوكم في الله
كريم منير
يوم لا ينفع مال ولا بنون الا من اتى الله بقلب سليم

خلاص ان شاء الله جاي . بس لازم تأكد علي محمود يجي :)

إيه يا كريبتون التوقيع بتاعك ده مالك يا حبيبى مين مزعلك كده عشان تموت نفسك كده هههههههههههههه

إنت بتقول يأكد عليا أنا ولا تقصد محمد ممدوح ؟

أنا جاى إن شاء الله

انا جاي إن شاء لله
_________
تم تعديل لفظ الجلالة بمعرفة الادارة.

وانا كمان جى ان شاء الله
اتمنى اشوفكم كلكم

ان شاء الله جاى

خلف فى الطريق كلة يوسع

ان شاء الله انا كمان اجي
اخلص شويه حاجات في العربيه واحاول اجي

أنا جاي بإذن الله بس ليا سؤال هي المساعدة ديه هنوصلها لأهل المتوفي إزاي ؟
فيه حد جاب نمرتهم ؟ ومين اللي هيروحلهم ؟

سؤال كويس يا اسلام ممكن نتفق على اجابته في المقابلة



بخصوص حوالات الأعضاء ربنا يبارك فيهم ، فيه واحد عمل الحوالة خلاص وهاستلمها الخميس صباحا باذن الله لكن فيه أربعة اخدوا رقم صندوق البريد لعمل الحوالة البريدية وده معناه ان غالبا انها هتتعمل الخميس صباحا ومش هالحق اروح مكتب البريد من الشغل قبل الساعة 2 الظهر لو كانت بتوصل في نفس اليوم


المهم عايز اقول ان لو فيه فلوس جات بعد المقابلة مش مشكلة وفي المقابلة نتفق على أن يكون موعد زيارة اهل المتوفي على نص الاسبوع القادم علشان كل التحويلات تكون وصلت

اقتباس:

---

يكون موعد زيارة اهل المتوفي على نص الاسبوع القادم

---

طب أنا عايز أعرف موعد الزيارة امتى علشان يبقى مشوار واحد فى يوم واحد وممكن يا جماعة نحط العنوان بتاع المرحوم فى الموضوع علشان لو حد عايز يديلهم حاجة بريفيت يبقى ممكن

اقتباس:

---

ومين اللي هيروحلهم

---

مندوبين من المنتدى وإى حد عايز يجى مفيشى مشكلة أنا عن نفسى عايز أروح

اقتباس:

---

المشاركة الأصلية كتبت بواسطة memo_hefnawy

إيه يا كريبتون التوقيع بتاعك ده مالك يا حبيبى مين مزعلك كده عشان تموت نفسك كده هههههههههههههه

إنت بتقول يأكد عليا أنا ولا تقصد محمد ممدوح ؟

---

lol
انا حاسس ان ده حيبقى انا في ا لاخر :)

انا قصدي علي ممدوح صاحب الحاذثة علشان نطمن عليه و علشان نفسي اقابله من زمان :)
و طبعا سيادتك غصبا عنك جاي اصلا !!! انت بتهرج ! :P

محمد يا خلف ماينفعش يا حبيبي الحاجات اللي بتقول عليها دي
معلش يا جماعة الحوار ده لازم يتم عن طريق محمد ممدوح وبعد ما يدلهم فلوسه
مش في وقتها
لازم يكون ليه ترتيبات وانا لما اقترحت عمل فلوس لاهل المتوفى كان الغرض نديهمله في موعد اقصاه شهر
مش واحد يروح ومعاه تلاتة اربع
طب انت مين وصفتك ايه وجاي تدينا صدقة ولا ايه
احنا ما بنشحتش وحاجات كدة الموضوع ده بيجرح قوي قوي قوي يا خونا ما بيتعملش كدة خالص
{لِلْفُقَرَاء الَّذِينَ أُحصِرُواْ فِي سَبِيلِ اللّهِ لاَ يَسْتَطِيعُونَ ضَرْباً فِي الأَرْضِ يَحْسَبُهُمُ الْجَاهِلُ أَغْنِيَاء مِنَ التَّعَفُّفِ تَعْرِفُهُم بِسِيمَاهُمْ لاَ يَسْأَلُونَ النَّاسَ إِلْحَافاً وَمَا تُنفِقُواْ مِنْ خَيْرٍ فَإِنَّ اللّهَ بِهِ عَلِيمٌ }

واخد بالك من لا يسالون الناس إلحافا
عشان كدة بعيد وبكرر لازم ممدوح يكون موجود ومعاه واحد كمان من المنتدي

انا يا جماعة كان عندى اقتراح

دلوقت المتوفى ده مات, و ممكن يكون عليه التزامات او اقساط و ديون, و الحاجات دى ممكن تعمل مشاكل لاهله

فممكن تستعملوا الفلوس دى انكم تسدوا عنه الحاجات دى

لو منفعش تحصلوا على المعلومات , يستحسن تقسموا الفلوس اللى هتتجمع على مرتين تلاتة, علشان تتصرف فى حاجات صح و ضرورية

و ده مجرد رأى

أنا مش عارف انت قولت لية كدة يا كريم - اولا لية هما هيخدوها على مبداء سىء لية - هما أصلا مطالبوشى حاجة أحنا رايحين برجلينا وبنتحايل عليهم يخدوا الحاجة دية يعنى أنا مش شايف احراج
وكمان أفرض مثلا حد مننا عايز يعمل حاجة بريفت ليهم ومش عايز حد يعرفها غيرة - يعمل أية - أفرض مثلا أبن المرحوم أو بنتة من غير شغل وحد معانا عندة وظيفة كويسة لية - يبقى هيروح ليهم أزاى ودة مثل يعنى

انا مشترك جديد وعايز اعرف مكان المقابله فين

فى الربوة يوم الجمعة بعد الصلاة - والربوة دية عبارة عن كافتريا جنب موقف العاشر عالطول

يا محمد الراجل ماكنش كبير ده اواخر تلاتينات تقريبا
وولادة صغيرين
واللي عايز يعمل حاجة برايفت يبقي يكلم ممدوح ياخد تفاصيل ويروحلهم مباشرة
بس انا بقولك من كتر ما اتعاملت في المواضيع دي
بتسبب احراج كبير
معلش انت مش متخيل عشان انت اللي الايد اللي فوق
لكن مش هاتتخيل احساس الايد اللي بتاخد
ربنا ما يكتبها على حد

يا كريم باشا أنتا أحساسك بالناس عالى أوى
جزاك الله خيرا

ربنا يعزك يا حمادة بس بحط نفسي مكان الطرف الاخر
واشوف هاتقبل الوضع ازاي

أنا جاى إن شاء الله

انا جاى باذن الله من شرم مساء الخميس

و هاجى باذن الله لانى نفسى اتعرف على الناس الجميله قوى قوى اللى فى المنتدا

اقتباس:

---

المشاركة الأصلية كتبت بواسطة ahmedezzat78

انا جاى باذن الله من شرم مساء الخميس

و هاجى باذن الله لانى نفسى اتعرف على الناس الجميله قوى قوى اللى فى المنتدا

---

for the love of God drive safley

MMamdouh

أعتذر بشدة لجميع الأخوة الأعضاء الأفاضل لعدم حضورى هذه المقابلة :( ان شاء الله المرة القادمة لن أتخلف عن الحضور.

كان نفسي اشوفك يا اسلام0المقلبلة الجاية مش حاكون موجود شفت بقي

يا جماعة المقابلة كانت جميلة رغم البررررررررررررررد الشديد
فعلا كان الجو تلج مش طبيعي
ودخلنا نقعد جوة
القعدة كانت جميلة رغم ان في ناس كتير اتخلفت لكن ناس كتير جت
محمد ممدوح مقدرش يجي عشان حالة الوفاة اللي كانت عنده
الدوام لله يا محمد وربنا يجعلها اخر الاحزان
سعيد مقابلة عمرو الطوانسي اول مرة نشوفو معانا
استاذ مدحت منيب متشكرين على الواجب ونورتنا فعلا وسعداء بوجودك معانا
اسلام المصري نجم كل المقابلات زعلت قوي انك ماجتش لعل المانع خير
استاذ اشرف عبد القادر الحمد لله اننا شوفناك والله ليك وحشة
حمادة عزو قال جاي وماجاش لعل المانع خير
حبيب قلبي هاني ادام ربنا يعينك على شغلك وتوضيب الشقة ويملهالك ذرية صالحة
الفريق السكندري كله محدش جه منهم وعاذرهم عشان الجو
بس ان شاء الله يكونوا معانا في مقابلة فبراير وعلى راسهم احمد جنيدي لانه واحشنا هو واحمد جودويف
دكتور احمد عبد الغني نورنا بعد طول غياب ومستنينك كل مقابلة ان شاء الله
شكرا لكل اللي حضر
شكرا لكل اللي دعا للمتوفي بضهر الغيب
شكرا لكل اللي ساهم بحاجة لاولاد المتوفي

اخوكم في الله
كريم منير

اقتباس:

---

المشاركة الأصلية كتبت بواسطة Ashraf A.Kader

كان نفسي اشوفك يا اسلام0المقلبلة الجاية مش حاكون موجود شفت بقي

---

و أنا كمان كان نفسى أشوفك يا أشرف :) ان شاء الله تتعوض فى أقرب فرصة :)
خسارة بجد :(

اقتباس:

---

المشاركة الأصلية كتبت بواسطة karim_monir

يا جماعة المقابلة كانت جميلة رغم البررررررررررررررد الشديد
فعلا كان الجو تلج مش طبيعي
ودخلنا نقعد جوة
القعدة كانت جميلة رغم ان في ناس كتير اتخلفت لكن ناس كتير جت

اسلام المصري نجم كل المقابلات زعلت قوي انك ماجتش لعل المانع خير

دكتور احمد عبد الغني نورنا بعد طول غياب ومستنينك كل مقابلة ان شاء الله
شكرا لكل اللي حضر
شكرا لكل اللي دعا للمتوفي بضهر الغيب
شكرا لكل اللي ساهم بحاجة لاولاد المتوفي
اخوكم في الله
كريم منير

---

الحمد لله يا كريم المانع كان خير , كان واجب زيارة لا يمكن تأجيله و كان معايا "الفريق" :D ان شاء الله المرة الجاية أكون موجود.
خسارة كان نفسى أشوف د. أحمد عبد الغنى :(
شكرا جزيلا ليك يا كريم الفكرة كانت فكرتك , جزاك الله خيرا :)

الله يسامحكم ياللى ما جيتوش..
الكام مقابلة اللى فاتوا كان لازم يحصل ظرف أو شغل وماقدرش آجى.. لكن المرة دية أجلت الشغل علشان أعرف أقابلكم وكان نفسى أشوف كل الناس اللى واحشنّى واللى نفسى أقابلهم...
سعدت وشرفت بمقابلة المهندس طارق زويل والأستاذ أشرف والأستاذ مدحت منيب وطبعا كريبتون (كريم2) وجميعهم أسعد بالتعرف عليهم وجها لوجه لأول مرة وخلاص حفروا مكانهم وسط أفضل من أعرفهم..
كما سعدت بمقابلة أحبائى كريم وإسلام شاهين وأحمد شاركى والمهندس محمد المصرى والمقدم حازم وأخى الكبير د/ أحمد سمير..
وأنا الوحيد اللى لم أشتكى من البرد ربما لدفء الحضور...
المقابلة لم تكن فيها تجارب سيارات كتير لكن كان فيها تجربة الصاعق الجديد ومقارنته بالقديم (الطرقعة جذبت انتباه الكثيرين حولنا) + مشاهدة اختراع جديد للمبة تركب على بلف الكاوتش تضئ مع السير+صلاة العصر+ تجميع الأمانة التى ستصل لأهل المتوفى بإذن الله.. وأظن أننا نسينا نلتقط صور للمقابلة..

أتمنى أن أراكم جميعا فى أقرب وقت وفى أفضل حال وخاصة أخى الفاضل إسلام المصرى..

والله انا اللي اتشرفت بلقائكم جميعا ومعلش يا عمرو باشا مقدرناش نقعد مع بعض كتير علشان حضرتك جيت متأخر شوية وسعدت ان قعدتك كانت جنبي وكمان اول مرة اقابل الدكتور احمد ربنا يجمعنا دائما علي الخير وطبعا باقي الموجودين والصحبة الجميلة من الدكتور احمد سمير والكريمين منير وكريبتون والاستاذ محمد الصري وحازم باشا والاستاذ مدحت اللي قعدته عسل وطبعا شاركي باشا والميجان والمهندس طارق فعلا يا جماعة اللي مجاش فاتته قاعدة لذيذة جدا
وكل سنة وانتم طيبين

كان نفسي اجي و اتعرف عليكووووووووووووووووو :(

اقتباس:

---

المشاركة الأصلية كتبت بواسطة Dr Ahmed

الله يسامحكم ياللى ما جيتوش..
الكام مقابلة اللى فاتوا كان لازم يحصل ظرف أو شغل وماقدرش آجى.. لكن المرة دية أجلت الشغل علشان أعرف أقابلكم وكان نفسى أشوف كل الناس اللى واحشنّى واللى نفسى أقابلهم...
سعدت وشرفت بمقابلة المهندس طارق زويل والأستاذ أشرف والأستاذ مدحت منيب وطبعا كريبتون (كريم2) وجميعهم أسعد بالتعرف عليهم وجها لوجه لأول مرة وخلاص حفروا مكانهم وسط أفضل من أعرفهم..
كما سعدت بمقابلة أحبائى كريم وإسلام شاهين وأحمد شاركى والمهندس محمد المصرى والمقدم حازم وأخى الكبير د/ أحمد سمير..
وأنا الوحيد اللى لم أشتكى من البرد ربما لدفء الحضور...
المقابلة لم تكن فيها تجارب سيارات كتير لكن كان فيها تجربة الصاعق الجديد ومقارنته بالقديم (الطرقعة جذبت انتباه الكثيرين حولنا) + مشاهدة اختراع جديد للمبة تركب على بلف الكاوتش تضئ مع السير+صلاة العصر+ تجميع الأمانة التى ستصل لأهل المتوفى بإذن الله.. وأظن أننا نسينا نلتقط صور للمقابلة..

أتمنى أن أراكم جميعا فى أقرب وقت وفى أفضل حال وخاصة أخى الفاضل إسلام المصرى..

---

انا الي اتشرفت بوجود حضرتك , و ياريت متحرمناش منه المرات القادمة :)

اقتباس:

---

المشاركة الأصلية كتبت بواسطة Ashraf A.Kader

والله انا اللي اتشرفت بلقائكم جميعا ومعلش يا عمرو باشا مقدرناش نقعد مع بعض كتير علشان حضرتك جيت متأخر شوية وسعدت ان قعدتك كانت جنبي وكمان اول مرة اقابل الدكتور احمد ربنا يجمعنا دائما علي الخير وطبعا باقي الموجودين والصحبة الجميلة من الدكتور احمد سمير والكريمين منير وكريبتون والاستاذ محمد الصري وحازم باشا والاستاذ مدحت اللي قعدته عسل وطبعا شاركي باشا والميجان والمهندس طارق فعلا يا جماعة اللي مجاش فاتته قاعدة لذيذة جدا
وكل سنة وانتم طيبين

---

و انا اتشرفت بمقابلة حضرتك لو انك كنت عايز تموتني :) بس ملحوقة المرات الجاية :)

كانت فعدة حلوة فعلا .. و انا شخصيا انبسطت كالعادة :)
و الي فاته كان في حرب بين الالماني و الياباني ( نقاش ) و كان لذيذ اوي
lol :D

كان نفسي اجي و حماده عزو قالي اروح معاه لكن ما رحش و انا كنت مش قادر اسوق و لا اركب مواصلات لظروف البرد مش عارف اعمل اي مجهود:(

والله كنت ناوى احضر بس مكنتش متأكد من الظروف.......

عفوا..
والبركة فيكم ودائما مجتمعين فى الخير

كانت مقابلة ظريفة وفرصة انى قدرت احضر بعد طول غياب
بس العدد كان محدود برضه والبرد منعنا من الخروج.

نشوفكم على خير ان شاء الله فى المرات القادمة

اقتباس:

---

المشاركة الأصلية كتبت بواسطة Dr Ahmed

الله يسامحكم ياللى ما جيتوش..
الكام مقابلة اللى فاتوا كان لازم يحصل ظرف أو شغل وماقدرش آجى.. لكن المرة دية أجلت الشغل علشان أعرف أقابلكم وكان نفسى أشوف كل الناس اللى واحشنّى واللى نفسى أقابلهم...
أتمنى أن أراكم جميعا فى أقرب وقت وفى أفضل حال وخاصة أخى الفاضل إسلام المصرى..

---

ان شاء الله نتقابل على خير و فى أقرب وقت يا د. أحمد :)

انا اسف جدا

لظروف عمليه جراحيه طارئه لوالدى جيت القاهره السبت اللى بعد المقابله عشان اقعد معاه اطول فترة ممكنه

ان شاء الله تتعوض المرات اللى جايه