كسر بعمود الكامة بالانوس

**kassasmsd** · 08-01-2008 01:34 AM

أخواني الأعضاء برجاء الأفادة اسيارة دايو لانوس 2001 كسر عمود الكامة على طريق مصر الأسكندرية الزراعي في شهر يوليو وتم تغييره بعمود كامة جديد +طقم صبابات وكاوتش صبابات جديد وخراطة وجوانات جديدة ثم حدث نفس الموقف فشهر أكتوبر وغيرت الموتور بواحد أستيراد بس أناخايف يحصلي اللى حصل تاني

**noni67** · 08-01-2008 08:10 AM

تغير موتور علشان عامود كامة مكسور
حرام عليك
شوف يا مان
الكسر ده مش هيخرج من الاتى
ربط زيادة على كراسى الكامة
عدم استواء الكراسى وفى الحالة دى محتاج تعمل بورينج عند خراط محترم للوش
اعوجاج صباب
تلف كوستبان
اعوجاج ترس الكامة
غير كده مافيش
بس بجد انت صرفت فلوس بلا داعى
كنت جبت وش استيراد وخلص الموضوع
على العموم ربنا يعوض عليك ويجاذى الميكانيكى بتاعك لانة مش امين ولا صنيعى

**badblood** · 08-01-2008 12:46 PM

طب ايه هي اسباب تلف كل الحاجات دي يا نوني باشا
وازاي ممكن اعرفها واتفداها

**ahmedezzat78** · 08-01-2008 10:16 PM

المشاركة الأصلية كتبت بواسطة badblood

طب ايه هي اسباب تلف كل الحاجات دي يا نوني باشا
وازاي ممكن اعرفها واتفداها

انا سالت التوكيل على ضبط المتور قالولى اكوستيبانات دى ما لهش ضبط و هتسيبها طول العمر

ازاى اشخص عيب الكوستيبانات؟ من الصوت؟
و ايضا ترس الكامه؟

وبعدين دى المرة التانيه هنا فى المنتدى الاقى حد يتكسر عمود الكامة عندو

يعنى المفروض نتلافى المضوع ده ازاى؟

على فكره انا عرفت ان فيه منه صبنى يمكن هوه جاب الصينى وكان وحش !!!!!!!! مش عارف

**kassasmsd** · 08-01-2008 10:36 PM

أخويا أحمد عزت شكرا لك على الرد وشكرا لباقي أعضاء المنتدى وعلىفكرة أناكنت شاري الأصلي ب395 جنية

**moody2002** · 10-01-2008 04:16 PM

انم طبعا فاكرين انا حصل معاى نفس الموضوع ده ان عمود الكامه اتكسر والسبب ايه مش عارف بردك ياريت حد متخصص يفدنا انا اشتريت عمود الكامه الاصلى ب 350 جنيه
بسص علشان انا مش عارف السبب اللى انكسر علشانه محتار جدا ومقلتش اى مشكله عندى خالص وركبت الجديد وخلاص وربنا يستر بص الموضوع ده مش لازم يعدى كده لو حد يعرف حد متخصص يسال ليه اتكسر حاجه غريبه

**kassasmsd** · 11-01-2008 02:38 AM

شكرا noni67بس أنا قلق جدا على الموتور الجديد لحسن يحصلوه أللي حصل للي قابلوة مع أني من منتظمي تغيير الزيت على 1500 كم موبيل سوبرxhp والفلتر الزيت كل 6000 كم وسير الكاتينة والبلية (الشداد) كل 25000كم

**noni67** · 12-01-2008 08:21 AM

شوف
موبيل Xhp بيتغير كل 5 الف كيلو
والفلتر كل 10 الاف كيلو
سير الكاتينة مع البلية كل 50 الف
يعنى اللى انت بتعملة ده اهدار لمالك بدون داعى
وبعدين مين قال ان الكستبانات بتنضبط
مالهاش ضبط فعلا
لكن هيه فيها ثقب صغير بيدخل منه الزيت المضغوط بفعل طلمبة الزيت
بيرفع العمود الموجود فيه علشان يسند الشاكوش بتاع التاكيه علشان يضغط على الصباب يفتحة
يبقى كل ما زاد سرعه المحرك كلما زاد ضغط الزيت كلما فتح الصباب اكثر دى فكرة الكستبان او التابيت زى ما بنسمية