Test drive for chrysler 300 2010
أنا قرأت مشاركات عن تجارب قيادة وكانت ممتعة ومفيده في حبيت اشارك معاكو تجربتي مع إل Chrysler 300
أنا كنت واخد أسرتي لزيارة بلد على بعد 250 كيلو وقولت أقوم بتأجير سيارة من باب التغيير والراحه .
مواصفات العربية :
موتور 6 سيلندر 3500 سي سي 250 حصان .
باقي الكماليات كلها العادي (باور جروب ) اتوماتيك أربع نقلات من غير ستيبترونك .من غير فتحت سقف . الجنوط 17 بوصة .
العربيه من برة فخمة جداً وليها احترامها في كندا وأمريكا . من الداخل السيارة واسعة جداً أكبر من إل Eclass بس مش أد إل Sclaas .
العزل كويس ومتحسش إن العربيه ماشية ولا ليها صوت .
التقفيل من جوا فقير جداً وممكن أقول تعبان.
القيادة معقولة جداً بس مش ده المتوقع من عربية هي في التوب american cars . بس وانا على الطريق حاسس بوضعي والهوى مش مؤثر خالص (الهوى ده مهم جداً في الشتاء وقبل كدة كنت سايق سيفك 2009 وكانت خفيفه جداً في الشتاء بتاع كندا وكانت عامله زي الفزبة ).
الموتور مقوم العربيه بس مش حمل شد وحرق وإستهلاك البنزين كان عالي على الطريق . أنا كنت ماشي 120 وجبت بيها لحد 170 بس العربيه معجبتنيش في المناورات على السرعات بعد 120 .
تقييم العربيه 6.5 من 10 . أنا جربت إل دودج شارجر أحسن منها وكان أدائها رياضي .
دي ممكن أقول عليها عربية راجل عنده 60 سنة وعايز ركوبة محترمة وبس .
التقرير القادم فيه تقييم ال-BMW 323i إن شاء الله . أرجو أني أكون نقلت تجربتي بطريقه واضحة وتليق بإحترام المنتدي الجميل . أنا أضفت صورتين أرجو أنهم يكونو طالعين عشان دي أول مرة .
أخوكم
د محمود
http://www6.0zz0.com/2010/03/17/21/911897437.jpg
http://www14.0zz0.com/thumbs/2010/03.../569580724.jpg