+1
المواضيع دي بيحصل فيها قرف من هنا لبكرة ....... آخر حاجة ....... بجد بلاش ..... و صدقني لو حصل حاجة هتتلط في الموضوع و مالهاش لازمة
عرض للطباعة
يوسف
سؤال من اخ ليك
انت بتفكر تتزوجها ولا بتساعد لوجه الله بس
لو الجزء الاول
اعرف انك هتدخل فى شوية مشاكل طبعا
كمان تربية البنت بعيد عن ابيها مش حلو
والام نفسها ممكن تفكر ترجعله بعد شوية علشان كدة
لو بتساعد لوجه الله
يبقى خليك بره الكادر
علشان ما تدخلش فى مشاكل
الأخ العزيز المحترم صحاب الموضوع
أرجو ان يتسع صدرك للنقد الموجه لك ، فأنا سأعلق مرة أخرى على نفس الموضوع، وذلك لأننا لا نريد أن ينتشر في ثقافتنا مساعدة الأجنبية التي هى ليست قريبة لك فهي ليست أختك أو حتى بنت عمك أو خالك،
ويجب أن تسأل نفسك سؤالينك
الأول: هل كنت ستقبل لو أن أختك في نفس موقف هذه السيدة ، هل كنت ستقبل أنها تحكي وتستفيض في الحكاية مع جار لها او زميل.
الثاني: ماذا لو أنت مكان هذا الزوج، ولك بنت مثله لا تعرف ماذا ينتظرها
كما انه أود ان الفت نظرك لشئ هام ، وهو الا تنخدع في شكوى المرأة فيه غالبا إما ان ترتدي نظارة مكبرة لتضخم من الأمور بشكل لأنت ولا غيرك يستطيع كشفه أو نظارة تصغير لأمور هى تحبها وتريدها
لذا سامحنى لا نريد ان نقبل مثل هذه المواقف علنيا حتى لو كانت موجودة في الخفاء
أرجو الا تغضب من كلامي
لالالالا اغضب منك ايه ده انت كلامك صفوة الحكمة كلها ده مش نقض ده نصح والله بارك الله فيك
بس هى فضفضة معايا بكل حاجة وانهارت من البكاء لدرجة انى اتأثرت فحبيت اخد رأيكم
انت فعلا نبهتنى على نقطة انا مكنتش واخد بالى منها وهى موضوع (النظارة المكبرة) انا سمعت منها بس وما سمعتش من اهلها ...:majd(4):
بارك الله فيك وجزاك الله خيرا
اخوكم يوسف
ساعدها فى حدود
يعنى بلاش المساعدة اللى تخليك تيجى على نفسك وتحط نفسك فى مشاكل انت فى غنى عنها
ياريت لو ناوى تتجوزها
فكر مليون لاء مليون قليل
مليار مره قبل الاقدام على الخطوة دى
والله الموفق
أنت فعلا - ولا أزكيك على الله - إنسان محترم وناضج
وعاشان كده ، أنا هأطلبك منك وأرجوك أن تبعد عن هذه السيدة وتخرج من الموضوع تماما ، فأنت لا تعلم بكل الأمور ، وأعتقد ما خفى كان أعظم ، ولهذه الأخت تسأل من تشاء وتستشير من تريد من اهلها وصديقاتها ، ويكفيك الله الشرور وذنب خراب البيوت وتشريد طفلة ، لأن لهذه الطفلة سيكون لها ذنب سواء على الأب أو الأم أو الإثنين معا، فلا تلقي بنفسك في الطريق فتصيبك دعوة ربما لا تنجو منها طوال حياتك
أرجو أن تتقبل مني خالص التحية والتقدير وكامل الإحترام لشخصكم الكريم
شوف انا ماعرفش هو صح انك تساعدها و لا لا
انت و نيتك لو نيتك لله يبقي ربنا يكرمك و لو نيتك مش ولابد يبقي اتقي الله لان في يوم من الايام هيترد في اهل بيتك
بس قبل ما تساعدها تاكده من اهلها هل فعلا زوجها مثل ما قالت عنه؟
لانه لو فعلا كده , دا يبقي زاني و معترف كمان يعني ما ينفعش تقعد مع واحد زاني
للاسف فيه فكر عند النساء و الرجاله كمان ان طالما الزوج بيخون و يصاحب يبقي الست لازم تستحمل علشان بيتها و لو وصل الامر للزنا نعوذ بالله من ذلك و ربنا يحفظ الجميع و يثبت القلوب لكن لو فكر الراجل انه يتجوز يبقي نهاره اسود عليه و علي اللي جابوه و اهلها هما اول ناس هيمشوا في موضوع الطلاق لكن مادام زاني بس هيقولوا يا بنتي ماتخربيش بيتك و لا من شاف و لا من دري
يعني حرمنا الحلال و حللنا الحرام
من الاخر لو فعلا هو كده يبقي راجل مايستهلش انه يكون له زوجه و لا ذريه
دا لو كلامها صح و مش بتالف و تفتري علي زوجها