عرض للطباعة
السلام عليكم ورحمه الله وبركاته
انا يا شباب عايز مساعدتكم انى اسقط موتور فى عربيتى ال 128
تنصحونى بايه عربيتى موديل 76
كنت بفكرفى موتور التمبرا 1400 سى سى
هو بتاع اللانشيا الاتنين واحد وهل هو بتكييف ولا لا مستنى رايكم
يا احلى اعضاء فى احلى منتدى
ادهم
أسهل موتور للتسقيط وبدون لعب في العربيه الريتمو ال١٥٠٠ بس متنساش الفرامل
وبعديه اللانشيا ال١٦٠٠ بس هتعدل في قواعد الموتور
وبعديه الأونو التربو بس كده هتعد في قواعد وشاسيه وفرامل ومساعدين
ان راى خليك فى مواتير الريجاتا افضل فى قطع الغيار و متوافر اكتر فى الحرفين
على العموم الريجاتا فيه منها تلات مواتير
1300 cc وده افضل موتور لل128 ومش محتاجه تعديل كبير فى الحوض
1500 cc وده باجماع الاراء شديد على العريبه وبيفتح القواعد مع الوقت بس لازم علشان تساقطه شدادت وفرامل ومساعدين وقصه يعنى
1600 cc انجكشن 110 حصان تكيف باور كل حاجه موتور تحفه بعمه زى النوابير شويه بس تقريبا ميدخلش اساسا فى حوض 128 بس بشويه تعديل تقريبا وصب رصاص وكده يدخل
المهم من الاخر اللى يشتغل سواء انت او الميكانيكى يكون فاهم بيعمل ايه علشان مياثرش على العربيه وتفتح شاسيه وكل شويه تلحم لقدر الله
او يبقى معاك عريبه ومتعرفش توقفها لقدر الله
الاسعار من سنه تقريباه من 2100 ل 3500 بالفتيس والموتور طالع من الحوض هتاخد معاه كل حاجه بالضفيره وكل حاجه
نصيحة هات موتور 128 بس 1300 خمسة غيار اهم حاجة يكون نضيف
ومتغيرش في الشاسية ولا في البتنجان الموتور هيجيب معاك 140 دا اخرة ودا كويس قوي لعربية قديمة زي دية
هيحصل تغير بسيط اوي عند العفشجي هيعلي كوتشة الميزان او حاجة زي كدا
الف شكر ياشباب على الافاده تعبتكو معايا
هو ده الكلام المظبوط .. الـ 128 مش حتستحمل أكتر من ماتور 1300 .. غير كدة حيبقى لعب في أساسيات العربية وتقويات .. وحتبقى مش مضمونة في الأخر .اقتباس:
المشاركة الأصلية كتبت بواسطة zezmograby
أنا مسقط ماتور 1300 لانشيا وشغال معايا زي الفل بقاله حوالي 3 سنين .. وكنت جايبه من عزبة شلبي بفتيس 5 غيار .. بس حتحتاج تجيب ميزان جديد بتاع عربية 1300 علشان الفتيس الخمسة غيار بيبقى أكبر شوية .
طبعا لما نتكلم عن المواتير الى بتتسقط لل 128 هنلاقى مواتير كتير طبعا لازم يكون الموتور فيات او لانشيا علشان الترخيص بيحتم ان يكون الموتور من نفس نوع العربيه علشان كده هيكون عندنا كذا اختيار لتسقيط الموتور :
فيات رتمو :1100 سى سى 55 حصان
1300 سى سى 65 حصان
1500 سى سى 75 حصان
فيات ريجاتا:
1300 سى سى 68 حصان
1500 80-85 حصان حسب الكربراتير بابين ولا باب واحد
1600 انجيكشن 100 حصان
فيات لانشيا:
1300 70 حصان يوجد به تكييف
1600 انجيكشن 90 حصان
2000 انجيكشن 130 حصان بس يحتاج الى تعديل كبير فى الشاسيه
فيات اونو:
1300 68 حصان
1300 تربو 105 حصات الموتور ده جامد جامد جامد
1400 تريو 118 حصان اجمد واجمد
دول اشهر الموتير للتسقيط فى ال 128 طبعا لازم يتركب مع كل موتور الفتيس بتاعه لان الفتيس بياثر فى السرعه والسحب وفى اداء الموتور بالنسبه لمواتير ال 128 هم :
1100 55 حصان
1290 62 حصان
1300 65 حصان
طبعا مواتير الريجاتا 1500 هى الاختيار الانسب او يعنى اقل اختيار للتسقيط الاحسن طبعا المواتير الانجيكشن طبعا موتور الريجاتا هيخلى العربيه توصل لسرعه 170 عادى جدا وهو موتور شديد وهيبقى اشد من وهو فى الريجاتا لان ال 128 اصغر حجما واخف وزنا طبعا والموتور ده بيجيب من 0 الى 100 فى 13 ثانيه طبعا رقم قياسى بالنسبه لل 128 1100 سى سى لانها بتجيب من صفر الى 100 فى 18 ثانيه وال 1300 من صفر الى 100 فى 15 ثانيه بس هنلاحظ ان ال 1100 وال 1300 السرعه القصوى ليهم واحد وهى 140 كيلو متر فى الساعه طبعا صوت موتور الريجاتا اهدى من مواتير ال 128 ده بالنسبه للصوت غير ان الريجاتا 1500 ممكن يركبلو تكييف.....
اى خدمه:36_1_40[1]:
الف شكر ياشباب بس كنت عايز اسال الاستاذ الى ركب موتور 1300 لانشيا كنتت جايبه بكام وهو بيوصل العربيه لسرعه كام
ويا هل بيتعدل فى العربيه ولا ايه ؟ والف شكر بجد ليكو يا جماعه
اقتباس:
المشاركة الأصلية كتبت بواسطة dreftage
أهلاً بحضرتك .. وتحت أمرك في أي استفسار .. انا كنت جايب الموتور من فترة ومش متذكر تمنه كام بالظبط .. بس اللي حصل معايا أني جبت الموتور وركبته على فتيس العربية الأصلي (أربعة غيار) لمدة شهرين أو تلاتة وكان طبعاً صوت الموتور بعد ال90 كم مش عاوز أقولك عالي بشكل مزعج كأنك بتحرق على غيار وأنت على الرابع ومفيش غيار أكتر من كدة وخلص في نفس الوقت الاسطوانة بتاعة الدبرياج (مجبتش المعدل بتاعها) .
فالميكانيكي قالي أنت كدة لازم فتيس 5 غيار علشان الموتور يبقى مريح معاك وأنت مزود السرعة وميبقاش حمل عليه .. وفي نفس الوقت تحافظ على طقم الدبرياج واستهلاكه يبقى في معدلاته الطبيعية .
فنزلت اشتريت الفتيس الخمسة غيار .. وهو قالي أنه لازم يتغير معاه الميزان علشان الفتيس الخمسة غيار بيبقى أطول شوية من الفتيس الأربعة غيار وعلشان ميخبطش في الميزان .. وغيرت الميزان كمان .. والقصة دي اتكلفت حوالي من 3500 إلى 4000 جنية تقريباً مش فاكر بالظبط بس في حدود الرنج ده .
وأخيراً العربية بعد تركيب الفتيس الخمسة غيار والموتور ال 1300 أكتر سرعة جبتها كانت حوالي 130 .. بس طبعاً منصحش في ال128 بصفة عامة أنك تزود عن 100 : 120 بالكتير لأنها أكتر من كدة بتكون خارج السيطرة تماماً .
الف الف شكر ربنا يباركلك فى عربيتك ويكفيك شرها
وشكرا على المساعده ياباشا
طاب اللي عايز يركب تكييف في ال128 لازم يغير الموتور بقي والا أيه !!!!!!!!!!
على الرحب والسعة :M_yes[1]:اقتباس:
المشاركة الأصلية كتبت بواسطة dreftage
يا راجل تكييف أيه .. أنت أكيد بتهرج :Zb_sor1[1]:.. وبفرض لو أنك ركبت تكييف حتحل مشكلة ان الـ 128 بيخشلها هوا جوة الصالون ومتعرفش منين مهما حاولت .. دي بتبقى خارجة من المصنع فابريكة وعاملة زي السيجارة الكيلوباترا المنفسه . :sifone:اقتباس:
المشاركة الأصلية كتبت بواسطة koki4life
انا مع كل اللي قالو موتور ريجاتا 1300 5 غيار
دي حاجة متجربة 500 مرة ومافيش اي تعديلات في العربية ويتناسب مع امكانيتها
اما لو انت عاوز تركب تكييف وباور وزينون وموتور 1600 يبقي تروح تشتري عربية جديدة احسن
اسمحلي انت كدة بتضحك علي نفسك لا يصح الا الصحيح
وبالتوفيق
افضل حل موتور ريجاتا 1300 سى سى بالفتيس الخمسه غيار و الضفيره بتاعته و ثمنه حوالى 2500 جنيه فى الحرفيين (سعر سنه 2009) و اكيد هيكون اقل فى بورسعيد
هتغير كمان قواعد الموتور بقواعد موتور جديده (موجود فى السوق تايلاندى الواحده بـ 20 او 25 جنيه و هتحتاج اثنين)
هتغير الميزان الموجود عندك بميزان 128 استيراد (او مستعمل او مخلوع حتى مش هيفرق) بتاع العربيه الـ 1300 سى سى و هيكون بحوالى 100 جنيه
الاهم من ده كله تلاقى صنايعى كويس يروح معاك و انت بتشترى الموتور و تاخده بضمان التجربه لمده اسبوع على الاقل و تاخد الورق بتاعه و تتأكد ان الورق سليم و الرقم الموجود على الموتور هو الرقم المكتوب فى الورق علشان بعد كده لما تيجى تثبته على الرخصه فى المرور ميحصلشى مشاكل
طب ليه موتور الفيات الريجاتا 1300 هو افضل حاجه
مع ان فوق مكتوب ان الاونو 1300 برضه 68 حصان زى الريجاتا
وموتور اللانشيا 1300 80 حصان
طب ال 3 مواتير ايه الى يميزهم عن بعض وايهما افضل مع المميزات
انا مركب موتور اللانشيا 1300.. ومش مقصر معايا خالص والحمد لله .. والتسارع بتاعه كويس جداً .. بس مش عارف كام حصان بالظبط بس معتقدش أنه حيزيد عن 70 حصاناقتباس:
المشاركة الأصلية كتبت بواسطة misoalex
اقتباس:
المشاركة الأصلية كتبت بواسطة ziabassem
تماااااااام اوى
هو كويس عندك ومش عامل معاك اى مشاكل
واخبار صوته ايه وهل محتاج تعديلات شاسيه وكده
وسعره كام بالفتيس
طب انا برضو معايا 128 موديل 74 1100 سى سى والفتيس بتاعى اتحرق منى الاسبوع الى الفات التروس اتكسرت المهم انا هروح اشترى فتيس ريجاتا 5 غيار اخر الشهر وكنت عاوز قدام شويه اجيب موتور لانشيا1600 بس دورت عليه مش لاقيه بس لقيت موتور ريجاتا 1600 هل فى فرق بينهم فى القواعد والوزن ؟؟؟؟؟؟
لانى ناوى على موتور ريجاتا 1600 علشان انجكشن ؟؟؟؟؟
تمام والحمد لله .. وصوته صوت مواتير الفيات بتاعة الـ 128 .. وأنا موديل عربيتي 88 .. ومحتجش أي تعديلات خالص في الحوض .. التعديل الوحيد كان تغيير الميزان فقط ... وانا ذاكر سعره التقريبي في مشاركة فوق .اقتباس:
المشاركة الأصلية كتبت بواسطة misoalex
نصيحة بلاش موتور 1600 حيبقى شديد على شاسيه العربية وحوضها .. وكمان استهلاك البنزين .. خليك في 1300 أحسن .. من غير أي تعديلات وتقويات والكلام ده .اقتباس:
المشاركة الأصلية كتبت بواسطة memononos
طب يا باشا انا عاوز موتور انجكشن حلو لل 128 اجيب ايه يا ترى ؟؟؟؟؟؟؟
والله يا باشا مش حقدر أفيدك في الموضوع ده .. ومن قال لا أعلم فقد أفتى .. بس نصيحة خليك في الموتور 1300 .. العربية مش حتستحمل أكتر من كدة .اقتباس:
المشاركة الأصلية كتبت بواسطة memononos
انا عربيتى فلوريدا .. و متسجلة فى الرخصة نصر ...
هل كده ينفع أسقطلها موتور فيات أو لانشيا؟
على ما أعتقد يا باشا ينفع .. لأن في ورق الموتور اللي جبته .. كان مكتوب موتور فيات وبس .. وكلمة "نصر" دي تعد فيات في مصر .
بس برضه اسأل مرة واتنين وعشرة .. أو لو حد يقدر يفيدك أكتر مني هنا .
لالالالالالالالالالالالال ا
نصر عند المرور مهاش دعوه بفيات
السيات ال 133 مكتوب قى الرخصه نصر ولما بتركبلها موتور فيات 127 مبيرضوش فى المرور غير بالمعلوم او واسطه حلوه والموضوع ده معروف للناس الى عندها سيات وغيرو الموتور لل 127 كلهم دفعو عشان يعدو الفحص
اظن ده دليل انهم بيعقدو الامور ويقفو على النوع
سيدي الفاضل أنت كدة كدة لازم تدفع :B4_556:.. هو فيه حد بيروح المرور وميدفعش :stink[1]:.. انا لو حكيت اللي حصل معايا في تغيير الموتور مش حيكفي المنتدى الكلام بتاعي .اقتباس:
المشاركة الأصلية كتبت بواسطة misoalex
انا خلاص ان شاء الله استقريت على موتور ريجاتا 1500 .
هروح اجيب فتيس ريجاتا 5 غيار الاسبوع الى جى ان شاء الله اركبه على الموتور 1100 بتاعى وبعدها بشهر هروح اجيب موتور 1500 ريجاتا