صح كده
وبعدين تمن العجول دى مين دفعها
رئيس الشركه من جيبه ولا من بند مصاريف نثريه
طب مرسمش كف على الطيارة بالدم ولا اى حاجة علشان العين
يا جماعة الموضوع لو معمول بنيه دينيه إسلاميه عادى جدا مفيهاش مشكلة و المفروض منزعلش بالعكس المفروض احنا نفتخر بكدة يعنى العجول دى ولا الأرواح إلى كانت هتموت , كنا ساعتها هنتريق أزاى ؟
أنا فى البدايه أستغربت جدا و قولت أية الكلام العجيب دة بس لو هنتكلم على العقليه المصريه فأنا أحترمها لأنها مؤسسة الدول العربيه من مشرقها لمغربها و على الأقل مش زى فرنسا أو أمريكا أو أنجلترا لما بيعملوا أى حاجة تلاقى أزايز الخمره و الفوتيكا و التكيلا فى أيدهم و فخورين بكدة للأحتفال
اولا موضوع غريب واول مرة اسمعة ومش كل اللى بيتكتب فى الجرايد صدق بيقى فى كلام فبركة على شوية بهارات لتزويق الخبر
ثانيا الطيارة اللى فى الصورة دى مش 777 دى 737
ثالثا قصة الارتطام الطفيف اللى اتكتب من غير توضيح ان اطيارة فى اول رحلة لها واثناء توصيل التيوب (الانبوب اللى بيطلع على جسم الطيارة لتوصيل الركاب .. زى اللى فى الصورة) العامل اخطأ واصطدم التيوب بأسفل باب الركاب (خبطة خفيفة جدا حاجة زى ماتكون نقرة) .. والموضوع دة وارد فى اى شركة والناس اللى بتلاكب طيارات كتير تبص حوالين الابواب فى اى طيارة , يمكن اللى مكبر الموضوع ان الطيارة لسة جديدة وكان عليها هيصة كبيرة
رابعا اول رحلة طيران طلعت بالفعل امبارح لنيويورك
خامسا انا سمعت اة انهم عملوا احتفال انما موضوع الدبح دة لأ .. موضوع زى دة كان سمع فى الشركة كلها وكان بقى حديث الشركة
سادسا حاجة بالعقل كدة ازاى العجول دخلت المهبط !!! .. ازاى هيتم دبح العجول اسفل الطائرة ورحلات الطيران شغالة عادى والناس طالعة ونازلة تتفرج وخصوصا السياح .. المهبط مش ملك لشركة الطيران
مش عارف حاسس ان الموضوع فبركة
بس ماشاء الله الطيارة شكلها جامد
ربنا يهدى حلوة المعلم صاحب الشركة عايز يبعد العين طيب ومين اللى خد الكبد والطحال والكرشة ;)) p: