كلام من الاخر فعلا
المشكله فى الزوج مش الزوجه
لوانت مقتنع بيها ميه فى الميه كبر دماغك هى الى هتبقالك وربنا يباركلك و يسعدك
عرض للطباعة
سيبك من ابوها وخليك فيها هي
وزي ماالأخوه قالو - لما يسترخص احسن ميا يحط رجل علي رجل ويتنك عليك
وهي اخرها اول ماتاخد مراتك بيتك وبعد كده الزيارات وابقي روح متعشي ياسيدي
بس بصراحه لو البنت كويسه زي مابتقول يبقي اوعي تضيعها عشان دي مش حاجه سهله الويميين دوول
يعني يا جماعة لو البنت كويسة، ممكن يرتبط بها عقلانياً ولا لازم يكون قصة حب زي روميو وجوليت ؟؟ مع ظروف الاب دي.
الاخ العزيز
اولا مبروك على الخطوبة
ثانيا انت شايف انك ممكن تسيب البنت علشان السبب ده؟
لو ممكن يبقى خلاص تسيبها لانك مش متعلق بيها وغالبا بعد الجواز هاتلاقى نفسك بتتصيد لها الاخطاء بمناسبة وبدون مناسبة
لكن لو شايف انك متعلق بيها يبقى تبتدى تفكر بشكل ايجابى
اولا الاب فارش بيته ازاى يعنى واضح انه بيسترخص فى الاشياء اللى بيملكها والا لا
ثانيا مستوى معيشتهم من ملابس واكل وعربيات متناسب مع وضع الاب المالى والا لا
لو لقيت ان الاجابات فى صالح الاب وانه بيعيش بطريقة ملائمة يبقى تعرف انه بيتقل عليك مش اكتر علشان يبقى طلع شاطر وهو بيجوز بنته ومحدش ضحك عليه
لكن لو الاجابات مش فى صفه ساعتها تبتدى تفكر واكيد انت عقلك ممكن يقولك اذا كانت البنت متأثرة بابوها فى بخله والا هى رافضة الاسلوب ده
وفى الاخر صدقنى لازم تبقى مرتاح نفسيا جدا للبنت واسلوبها لانى مش عايزة اقولك قد ايه التفاهم والتقارب الفكرى بيبقوا مهمين اوى فى نجاح الزواج واستمرار السعادة لاطول فترة ممكنة
انا وزوجى بقالنا 15 سنة مع بعض ومعانا 3 اولاد ولحد دلوقتى علاقتنا حميمة جدا وبنحب بعد ومحدش فينا بيقدر يبعد عن التانى يوم واحد
بس اوعى تحسدنا
انا باقولك كدة لان انا لاحظت من علاقاتى مع الناس اللى حولى ان الازواج المتوافقين فكريا واجتماعيا بجد بجد والله علاقتهم بتنجح لابعد حد
واخيرا ربنا يوفقك لما فيه الخير
واسفة على الاطالة
لازم تستخير ربنا سبحانه وتعالى قبل متاخد اى خطوة لانى موافقه تماما مع الاراء أ/ احمد ياقوت و أ/ احمد كمال مع العلم انك لازم تعودها على ان يكون فى راى ومناقشه فى اى حاجه عشان انا شفت فى رد من ردودك ان ملهاش راى مع احترامى ليك ده مش صح مستقبلياً لو انت بتحب البنت ديه بجد ومتعلق بيها وكويسه زى مانت بتقول زى مقلتلك استخير ربنا سبحانه وتعالى وتوكل على الله وربنا يقدملك الخير لو هى نصيبك
بلاش الباب ده أحسنلك
الطبع يغلب التطبع
اللى اتعلمته وشافته فى بيت اهلها 20 سنه او اكتر
محتاج 50 سنه علشان يتغير
هو لسه مفيش خطوبه حصلت و انا ماخرها علي قد مااقدر
مهو مش متصور ان اروح اخطب و ميجيش معايا حتي خالي و عمي
تقريبا انا بين البينين لسه معرفش البنت الا من شهر و حكايه متعلق بيها ده ناتج عن التعارف و الاحساس بيها و الاحساس بجو الارتباط
اولا الاب فارش بيته ازاى يعنى واضح انه بيسترخص فى الاشياء اللى بيملكها والا لا
منطقتهم كويسه بس بيتهم مش شيك
يعني طربيزة الاكل صغيره جدا جدا و مفيش نيش ولا بوفيه بس في مكتبه كتب كبيره جدا و مليانه كتب
ثانيا مستوى معيشتهم من ملابس واكل وعربيات متناسب مع وضع الاب المالى والا لا
متناسب و لبسهم شيك و محتشم و الاب معاه عربيه كويسه
البنت متأثرة بابوها فى بخله والا هى رافضة الاسلوب ده
اعتقد ان البنت متاثره و هي لا تعارض في اي شي يقولها الاب
وفى الاخر صدقنى لازم تبقى مرتاح نفسيا جدا للبنت واسلوبها لانى
اعتقد ان ممكن نصنف الجزء ده الي ثلاثه خطوات
1- الانبهار و ده بيبقي في اول لقاء و مينفعش يتاخد عليه قرارات
2-التعارف و انا وجدتها ممتازه بس بعد كده اكتشفت كذب و عدم صراحه في اشياء مهمه
3-تالف و ده لسه بدري عليه
لو البنت كويسة و انت متأكد من دة
اوعى تفرط فيها
الاهل مش باقيين و العيب دة بالذات متاخدش البنت بذنب ابوها - هى ملهاش يد فية .
اهم حاجة البنت نفسها - دينها و شخصيتها و تفكيرها و اخلاقها .. هى دى اللى هتخلى حياتك جنة او جحيم
و متظلمش حد عشان متتظلمش