مشكلتين ماعتققدشي ليهم علاقه ببعض

انا دلوقتي كل لما ادور العربيه الصبح او بعد اي مره اسيبها مطفيه ب ٤ او ٥ ساعات
ماتدورشي الا لو فصلت الكونتاكت و شيلت الكابل السالب بتاع البوبينه و وصلته تاني ... ليه كده و تفتكرو العيب فين ؟؟؟

مشكلتي التانيه هي ان دلوقتي كل لما اجري بالعربيه و ادوس فرامل علشان اهدي اشم ريحة زيت شببه ريحت زيت الباكم .. بس لما ببص علي علبه زيت الباكم مش بتنقص منها حاجه
علي فكره انا من شهر تقريبا غيرت تيل الفرامل القدماني بس لغايته دلوقتي لما احود شمال بيعمل صفاره جامده (من العجله الشمال) زي فرامل مترو الانفاق تقريبا .. و كمان العجله الشمال بشكل عام بتقفش مع الفرامل اكتر من اليمين :dzey:(يعني لما بدوس فرامل بلاقي الدركسيون حود شمال )

معلشي طولت عليكم لكن انا حسافر بيها بعد كام يوم و مش عاوز مفاجات

حد يعبرني بقيييييي :mad2:

كان نفسي اساعد بس مش هقدر افيدك

اقتباس:

---

مشكلتي التانيه هي ان دلوقتي كل لما اجري بالعربيه و ادوس فرامل علشان اهدي اشم ريحة زيت شببه ريحت زيت الباكم .. بس لما ببص علي علبه زيت الباكم مش بتنقص منها حاجه
علي فكره انا من شهر تقريبا غيرت تيل الفرامل القدماني بس لغايته دلوقتي لما احود شمال بيعمل صفاره جامده (من العجله الشمال) زي فرامل مترو الانفاق تقريبا .. و كمان العجله الشمال بشكل عام بتقفش مع الفرامل اكتر من اليمين :dzey:(يعني لما بدوس فرامل بلاقي الدركسيون حود شمال )

---

هنا أنت حتعالج قفشان الفرده الشمال

والريحه حتروح وتنظبط معاك الفرامل

اقتباس:

---

انا دلوقتي كل لما ادور العربيه الصبح او بعد اي مره اسيبها مطفيه ب ٤ او ٥ ساعات
ماتدورشي الا لو فصلت الكونتاكت و شيلت الكابل السالب بتاع البوبينه و وصلته تاني ... ليه كده و تفتكرو العيب فين ؟؟؟

---

دى عاوزه منك
تجسلنا جسم البوبينا قبل ماتدور وشوفها بتبقى سخنه ولا أيه نظامها

وجارى التفكير فى هذه القصه

اقتباس:

---

المشاركة الأصلية كتبت بواسطة powerofhelll

كان نفسي اساعد بس مش هقدر افيدك

---

الف شكر ياباشا <<< هو انا كانت حالتي صعبه كده ؟؟

اقتباس:

---

المشاركة الأصلية كتبت بواسطة samirayad

هنا أنت حتعالج قفشان الفرده الشمال

والريحه حتروح وتنظبط معاك الفرامل

---

ماشي انا كنت واخد بالي من القفشان ده و مطنش بس اتخضيت لما شميت ريحه الزيت ده
بس ايه علاقه القفشان بريحه الزيت ؟؟؟؟

اقتباس:

---

المشاركة الأصلية كتبت بواسطة samirayad

دى عاوزه منك
تجسلنا جسم البوبينا قبل ماتدور وشوفها بتبقى سخنه ولا أيه نظامها

وجارى التفكير فى هذه القصه

---

ماشي حشوف الحكايه دي
بس هو فيه احتمال ان اللي يكون يايظ هو الكوندنسر ... انا علي العموم غيرت الكوندنسر بواحد قديم عندي الناهرده الصبح

عيد على اسلاك البوبينا ممكن تكون بتهرب كهرباء

اقتباس:

---

المشاركة الأصلية كتبت بواسطة semsem kane

عيد على اسلاك البوبينا ممكن تكون بتهرب كهرباء

---

يعني ايه اعيد علي اسلاك البوبينه ؟؟
هي اسلاك البوبينه متوصله و سليمه

اقتباس:

---

المشاركة الأصلية كتبت بواسطة samirayad

هنا أنت حتعالج قفشان الفرده الشمال

والريحه حتروح وتنظبط معاك الفرامل




دى عاوزه منك
تجسلنا جسم البوبينا قبل ماتدور وشوفها بتبقى سخنه ولا أيه نظامها

وجارى التفكير فى هذه القصه

---

انا نزلت دلوقتي و حسيت البوبينه و كانت بارده اوي و معندهاش دم .... اقصد كانت ساقعه عادي يعني و لا سخنه و لا حاجه

اقتباس:

---

المشاركة الأصلية كتبت بواسطة khaled_sabry

يعني ايه اعيد علي اسلاك البوبينه ؟؟
هي اسلاك البوبينه متوصله و سليمه

---

انا اقصد السلك اللى بيتركب فيها ممكن يكون بيهرب كهرباء

اقتباس:

---

المشاركة الأصلية كتبت بواسطة semsem kane

انا اقصد السلك اللى بيتركب فيها ممكن يكون بيهرب كهرباء

---

لا اسلاك كلها متركبه كويس
و حتى السلك الرفيع (سالب البوبينه) صنفرة الاطراف بتاعته و كل حاجه لكن برضه العربيه مش بتدور الا لو فصلت الكونتاكنت و فصلت السالب ووصلته تانى
بجد حتجنن :44:
هى حاجه فى الكهربا بس مش عارف ايه

طيب ناخدها خطوة خطوة :
العربية لما تيجى تدورها بعد مثلا يوم كامل ماخرجتش بيها او مدورتهاش بتدور من اول مرة ,يبقى بتعمل كدة عشان بتكون فضت الشحنة الكهربائية الزايدة اللى فيها فبدور من غير مشاكل (دة تحليلى الشخصى )
ولما حضرتك بتوقفها وتيجى تدورها بعد خمس ساعات مثلا او فترة قصيرة مابتكونش لحقت تكون فضت الشحنة الكهربائية اللى عندها فالعربية مش بدور غير بفصل البطارية لانها بتخرج كل الشحنات الموجودة فى العربية
يبقى كدة ممكن نستنتج ان البوبينة الفولت بتاعها اعلى من المعدل الطبيعى واللى هايوضح دة انك تقيس البوبينة وتشوفها هل هية 14 ولا اعلى

شيك على الابلاتين لو عندك ،،،انا العيب ده كان فيه شبيه ليه فال١٢٧ و غيرت الابلاتين و اتحلت المشكله

اقتباس:

---

شيك على الابلاتين لو عندك ،

---

كلام سليم ووارد جدا

انا عندى ابلاتين ... بس ايه حيكون دخله بالقصه اصلا؟؟؟
دى حاجه غالبا ليها علاقه بالشحن ... يعنى حاجه كهربيه ... الابلاتين بيوصل و يفصل بس

اقتباس:

---

دى حاجه غالبا ليها علاقه بالشحن ... يعنى حاجه كهربيه

---

طيب وضحلنا أزاى

وكيف تصورت هذا السبب

اقتباس:

---

المشاركة الأصلية كتبت بواسطة samirayad

طيب وضحلنا أزاى

وكيف تصورت هذا السبب

---

لا ببساطه لأن انا لما بدور مش بتدور حتى لو قعدت ساعه ...بدور بعد لما افصل السلك و اوصله تانى
فواضح ان بحركه فصل السلك ده فيه شحنه بتتفضى بسبب الحكايه دى
يتهيألى الموضوع ليه علاقه بحاجه متوصله بالكوندسر (الكوندينسر فعليا عباره عن مكثف كهربى)
و خدو بالكم ان السلك اللى بفصله ده بين البوبينه فى طرف و الطرف التانى الاسبرات و الكوندينسر
انا جربت و غيرت الكوندسر بس كان نفس المشكله هى هى فواضح ان فيه حاجه تانه متأثره منه

إفصل كهربة جهاز الإنذار عن العربية و فك قيطاش البطارية الموجب ووصله مرة تانية. لو عمل شرز كهرباء مع قطب البطارية الموجب يبقى في ماس كهربى في كهربة العربية ولازم تكتشف مكانه و تعالجه. ثم تكشف على طرف الأرضي للعربية و على جميع كليبسات الكهرباء"واصلة جيدا و مش مصدية او مملحة"في العربية و الأبلاتين و خلوصه مضبوط و الكندنسر يكون مش مرطب و البوبينة كهربتها صح و كابلها الخارج منها بيطلع شرر كهربى مزرق خفيفا مع اي ارضي في حوض الموتور اثناء محاولة الدوارة.
و تكشف على حرارة البوبينة اثناء العربية دايرة ،لازم تكون حرارتها متوسطة لاسخنة اوي"معناه ان المادة المبردة و العازلة للملفين الداخليين لاتعمل كما ينبغى فتؤثر على شدة وكمية التيار المتولد على الملف الثانوي والعمر الإفتراضي للبوبينة" و لاساقعة قوي"ومعناه ان التيارالكهربى المتولد على الملف الثانوي ذات شدة تيار ضعيفة جدا ولاتتناسب مع التيار المطلوب لإشعال البوجيه " وفي كلتا الحالتين يستوجب تغيير البوبينة واستبدالها بأي بوبينة اخري اصلي او مضروب "كله خيأخذ عمره وحيتلف ويستبدل وهكذا"
و لازم تشيك على البوجيهات و وقت تركيبها "ممكن تكون كلها او بعض منها مرطب و مابيحرقش كويس و يحرق كويس لما يسخن ولما يبرد تاني يحرق وحش زى الأول"

ياريت حد يساعدنر بجد
انا امبارح روحت عند الميكانيكي علشان يظبطلي العربيه
المهم قالي ان الرشاشات بتاعت الكربراتير مسدوده من جوه و عاوزه تتسلك ... و ان المفروض اروح لحد بتاع كربراتيرات علشان يسلكهولي و ان هي دي سبب تآخير الدواره
و كمان غيرلي الابلاتين و الكوندنسر بالمره
المهم هو ظبطه و ظبطلي الكهربا حلو اوي
و انا روحت بيها و الدنيا و العربيه هاديه اوي كآنها جديده
و اول لما طفيت العربيه قومت فكيت العمه و جبت شويه بنزين و دلقتهم جوه الكربراتير علي اساس تنظفه
و سبت العربيه و تاني يوم الصبح العربيه مش راضيه تدور نهاي
اشتريت منظف الكربراتير من البنزينه اللي جنبنا و رشيته و ماعملشي اي تآثير
و المشكله كمان ان الناهرده الاحد و مافيش ميكانيكي ينجدني
ياريت حد يساعدني بدل بهدله المواصلات :mad2:

اقتباس:

---

المشاركة الأصلية كتبت بواسطة khaled_sabry

ياريت حد يساعدنر بجد
انا امبارح روحت عند الميكانيكي علشان يظبطلي العربيه
المهم قالي ان الرشاشات بتاعت الكربراتير مسدوده من جوه و عاوزه تتسلك ... و ان المفروض اروح لحد بتاع كربراتيرات علشان يسلكهولي و ان هي دي سبب تآخير الدواره
و كمان غيرلي الابلاتين و الكوندنسر بالمره
المهم هو ظبطه و ظبطلي الكهربا حلو اوي
و انا روحت بيها و الدنيا و العربيه هاديه اوي كآنها جديده
و اول لما طفيت العربيه قومت فكيت العمه و جبت شويه بنزين و دلقتهم جوه الكربراتير علي اساس تنظفه
و سبت العربيه و تاني يوم الصبح العربيه مش راضيه تدور نهاي
اشتريت منظف الكربراتير من البنزينه اللي جنبنا و رشيته و ماعملشي اي تآثير
و المشكله كمان ان الناهرده الاحد و مافيش ميكانيكي ينجدني
ياريت حد يساعدني بدل بهدله المواصلات :mad2:

---

::U_thin1[1]: مين قال لحضرتك على الفكره الجهنميه دي :Y_hi_3[1]:

اقتباس:

---

المشاركة الأصلية كتبت بواسطة macdiv

::u_thin1[1]: مين قال لحضرتك على الفكره الجهنميه دي :y_hi_3[1]:

---

انا كنت بسمع كتير في المنتدي ده علي ناس بتغسل الكربراتير بالبنزين
و علي فكره في احدي المشاركات احد الاعضا قال ابقي حط ربع كبوبايه بنزين في الكربراتير في الصبح قبل ماتدور
و ده اللي عملته بس انا عملته و العربيه سخنه << فهل ده بوظلي حاجه و لا ايه ؟؟

عشان تنضف الكربرتير لازم يتفك و يطلع بره ,,, هات سفنجه و اشفط البنزين من جواه على قد متقدر و المفروض لما ينشف البنزين هتدور عادي ،،لا البنزين مش هيبوظ حاجه

اقتباس:

---

المشاركة الأصلية كتبت بواسطة macdiv

عشان تنضف الكربرتير لازم يتفك و يطلع بره ,,, هات سفنجه و اشفط البنزين من جواه على قد متقدر و المفروض لما ينشف البنزين هتدور عادي ،،لا البنزين مش هيبوظ حاجه

---

ماهو انا علشان كده مستغرب
البنزين حطيته بقاله اكتر من ٢٤ ساعه ... مستحيل يكون مانشفشي
و بعد كده لو العربيه شرقانه بعرف اتصرف معاها ( بثبت رجلي علي البنزين للاخر و انا بدور و بعد شويه بتدور) لكن دي ابدا رافضه تماما

انت سايب الكربيتيير مفتوح و لا اقفله ....لو قفله مش هيطير البنزين !! طب بص لو تعرف تفك بيك السلانسيه و الهوا و السرعات العاليه ،،فكهم و نضفهم و ركبهم تاني ... وشوف

اقتباس:

---

المشاركة الأصلية كتبت بواسطة macdiv

انت سايب الكربيتيير مفتوح و لا اقفله ....لو قفله مش هيطير البنزين !! طب بص لو تعرف تفك بيك السلانسيه و الهوا و السرعات العاليه ،،فكهم و نضفهم و ركبهم تاني ... وشوف

---

تقصد مفتوح يعني ايه ؟؟؟
افتح العمه نفسها و لا عاوزني افتح جسم الكربراتير نفسه ؟؟
العمه كده كده مابتكتمشي الهوا ... لو كنت بتقصد جسم الكربراتير نفسه فماشي اول لما اروح اجرب و افتح فيه علي قد ما اقدر
وشكرا للاهتمام يا باشا

.ياباشا طالما العربية اتظبطت رشيت بنزين لية
وانت كدة شرقت العربية جامد فحضرتك فك الخرطوم اللى واصل من بعد فلتر البنزين للكربراتير

ماشى انا حعمل كده دلوقتى
على فكره انا اول لما جيت من الشغل فكيت عمة الكربراتير و فكيت خرطوم البنزين و شديت دواسة البنزين على الاخر (كأنى دايس بنزين لاخر الدواسه) و سبتها مده ساعه و نص تقريبا و نزلت ادور برضه مش راضيه تدور
انا على فكره فكيت اسلاك البوجيهات و لاقيتهم بيطلعو شراره ... و بالتالى العيب من الكربراتير اكيد
و انا لاحظت ان لما بشد شداد البنزين مش بتبخ بنزين .. ده بسبب موضوع الشرقان ده و لا معنى كده البيك اتسد خالص ؟؟؟
برضه فيه منظر افتكرته انا فى اللحظه المشؤمه اللى دلقت فيها البنزين فى الكربراتير بعد ماوقفت العربيه لاحظت ان النزين كان بيغلى لما كان فى الكربراتير و بعد كده شديت شداد البنزين معرفشى بقى راح فين
السؤال التانى بقى هل تفتكرو ان العوامه حصلها حاجه بسبب ان البنزين كان بيغلى من حراره الكربراتير ؟؟ لأنى اسمع ان ممكن تكون العوامه بلاستك و تكون العوامه علقت و هو يكون ده سبب المشكه دى كلها ؟

شوف عشان ماتتعبش البطارية والمارش من كتر التدوير
1:طلع طرمبة البنزين وشوف مدى كفاءتها ,عشان تضمن ان العربية بيوصلها بنزين الاول
2:شوف لو عندك شفاط الخاص بتسخين السيارة بدون تدخل منك نزلة ممكن يكون مرفوع ودة كافى انة مايقومش العربية
3:اتاكد من كفاءة فلتر البنزين ممكن يكون اتسد
4:شيل اى خراطيم ممكن توصل بنزين للكربراتير ودور وخلى البنزين اللى هايطلع من الخراطيم ينزل فى اى اناء مثلا

خلاص يارجاله المشكله اتحلت :biggrin2:
طبعا موضوع الفرامل لما روحت للراجل بتاع الفرامل اكتشفنا انه كان مركب التيل بتاع العجله اليمين غلط و اني لما كنت بدوس فرامل كان فرده واحده بس من التيل اليمين هي اللي كانت بتقفش علي الفرامل ... و الفرده التانيه الراجل طلعها لي كآنها لسه جديده
طبعا الكلام ده كان قبل قصه الشرقان دي
نيجي بقر للمشكله الاهم ان العربيه ماكنتشر بتدور
انا لما حطيت البنزين في الكربراتير علشان انظفه و شديت شداد البنزين البنزين كله دخل في السلندرات و كان واصل للبوجيهات (بوجيهاتي سن طويل) .. و بالتالر ماكنشي بتطلع الشراره اصلا لآن البوجيه غطسان في البنزين
يعني العربيه كانت شرقانه صحيح بس شرقانه من الموتور مش من الكربراتير زي ماهو معتاد ... و بنا عليه كل الحلول اللي جربتها مانفعتشي لآن كان كلها علي الكربراتير
الميكانيكي بمنتهي البساطه فك البوجيهات و حلقهم بالباشبوري (خطوه مش شايفلها لازمه اصلا .. هو لو كان سابهم ١٠ دقايق كانو نشفو لوحدهم) و ساب العربيه من غير بوجيهات نص ساعه علشان البنزين اللي في السلندرات ينشف .. وخلاص
والعربيه دارت من اول تكه :coool:
بس بجد دلوقتي العربيه سحبها ممتاز علي فكره ... الظاهر ان موضوع تنظيف الكربراتير جاب نتيجه زي ما بتقولو :S_thum1[1]:

الحمد لله والف مبروك ياباشا