عايز اعرف ايه رايكم فى موديل هوندا سيفيك 2005 ويا ترى اسعارها فى حدود كام
عرض للطباعة
عايز اعرف ايه رايكم فى موديل هوندا سيفيك 2005 ويا ترى اسعارها فى حدود كام
انا الموديل دة فى السيفيك مبحبوش لسببين اولهم واهمهم ان الموتور بتاعه 1500 وده اضعف كتير من الموتور ال 1600 فى ال هور باور والتورك ايضا
وثانى سبب (بس انا مش متاكد 100% ان العربية دى من 2001 الى 2005 مش يابانى ، تايلندى ذى السيتى) وده طبعا لو صح هيفرق كتير فى الفنش والجودة
انصحك بالسيفيك ال فى تى اى 96--98
و بالتوفيق ان شاء الله
شكرا على الرد بس انا عايز حاجه موديل حديث طب ايه رايك فى موديل 2006و2007 ويا ترى اسعارهم ايه
سعرها فى رينج كام
أ. محمد
اولا احب ابدى اعجابى بمشاركاتك الدائمة اللى بشوفها تقريبا فى كل المواضيع .
اكيد العربية ممتاذة انا من عشاق السيفيك ، بس حضرتك متأكد من موضوع انها يابانى ده ، لان انا عرفت الكلام دة من حد فى التوكيل وخصوصا لموديل 2001 / 2002
و هل موضوع الموتور ده مبيفرقش معاك
السييفيك ال 2007 تقريبا فى حدود 105--110000
انا راى لو الفرق مش هيبقى كبير بالنسبا لك هات ال 2007
او ال فى تى اى --- او ال ... اس اى ار من 96 الى 98
فى منها لحد موديل 2000 بس فى بعض التغييرات فى حجم الفوانيس والشبكة والرفارف ، والكبوت ولا انصح بها لقلة توافر هذه القطع
العربية ديه جميلة اوي و كل حاجة فيها رائعة من سحب لعفشة لفينش كل حاجة فيها تحفة انا ركبت ال 2005 فعلا عربية جمية اوي بس للاسف اتظلمت اوي في مصر و ده لسببين اولهم نزلت في وقت الفطيم فيه كان نايم علي الاخر و تانيهم ان الفطيم مقدرش ينافس الكورولا اللي كانت في الوقت ده مع انهم كانوا قريبين اوي في السعر و التويوتا كانت 1300 كمان
السلام عليكم يا استاذ هيثم
ربنا يكرمك و يجازيك خير على الكلام الجميل ...برضه حضرتك اضفت كتير لقسم الهوندا منذ إنضمامك للمنتدى و بأحترم أراء حضرتك الموضوعية و خلاصة تجاربك اللي بتنقلها للأعضاء الجدد
بالنسبة لعربيتي طبعا متأكد إنها 100% ياباني "مكتوب عليها" و ايضا متأكد بالنسبة لباقي الموديلات اللي شفتها ..و أول مره بأمانة أسمع ان السيفيك يتم تجميعها خارج اليابان...
على العموم انا ححاول أتأكد من الموضوع ده و أبلغ حضراتكم
بالنسبة لموضوع الموتور ..اقولك بأمانة كان فارق معايا أول ما أشتريت العربية على إعتبار إني نازل من SiR96 بس مع الوقت إتعودت عليها و كمان لما موتور 1500 بيطلع 110 حصان و فتيس أوتوماتك يطلع م 0-100 في 10-11 ثانية مش وحش مقارنة بعربيات كتير 1600 في السوق...دا غير انها مريحة في السفر و عفشتها ممتازة و إستهلاكها للبنزين ممتاز
أنا كنت حشتري 2009 VTi لكن حصل ضروف و مقدرتش اظبط اموري المادية ...فقررت اني أهدي سيارتي الحالية لزوجتي و أقوم بشراء سيارة 2005 سيفيك أخرى لي شخصيا و يصبح معنا سيارتين بدلا من واحدة وفعلا بادور من فترة على 2005 بس تكون بفتحة سقف علشان اضمن انها تكون + ABS فرامل+VTEC+ اكياس هوائية
أعتقد لو العربية دي مش قد كده كنت غيرت رأيي أو دورت على حاجة تانية.....و الشي الوحيد البديل ليها حيكون اني أشتري SiR تاني....
ربنا يكرمك يا محمد بك وتلقى حاجه تمام 2005 ولو قررت تجيب SiR ثانية قولى وطلبك عندى حاجه اصلى بس لو مكنتش لسه أتباعت :)