صيانة ال80 الف فى مركز السبع

انا يا جماعه رحت يوم 16\3\2010 اعمل صيانه ال 80000 فى مركز السبع فى زهراء المعادى و طبعا مش محتاج اتكلم عن الذوق و الادب و الاحترافيه فى التعامل مع الزبائن و بالاخص المهندس حاتم و مهندس الاستقبال و للاسف مش فاكر اسمه و حتى صبحى بتاع الامن هناك.
انا بس احب اذكر موقف هوه ده اللى فعلا عرفنى انهم ناس محترمه.
انا رحت هناك الساعه 8:10 و كان معادى الساعه 9 المهم انى استنيت و فعلا كنت اول عربيه دخلت و التانيه دخلت بعدى بنصف ساعه على الاقل.
المهم المهندس حاتم طلع قابلنى و اتعرفنا على بعض و وضحلى ايه اللى حيتغير :hlopaet_prv: و كان الحساب 950 و قاللى لو حنغير تيل الفرامل او اى حاجه تانيه لازم نبلغك بالتليفون الاول و بلغنى بعدها ب ساعه ان فيه كاوتشه التراب للمساعد عاوزه تتغير فنزلت الورشه معاه علشان اشوفها و فعلا لاقيتها مقطوعه و قاللى ان ثمنها 100 جنيه و المصنعيه بتاعتها 80 جنيه فاقلتله مادام تيل الفرامل كويس و مش محتاج يتغير ماشى غيرها.
اللى عاجبنى قوى انه كان فيه مفاجأه و انا بحاسب, المهندس حاتم قاللى انه غير زوج المساعدين اللى قدام فى الضمان من غير و لا مليم و كمان انه شال ثمن مصنعيه تغيير الكاوتشه لانهم كدا كدا فكوا المساعدين علشان يغيروه و بالتالى انا دفعت ثمن الكاوتشه بس لان المساعد بيجى من غيرها :biggrin2: :coool::10D5C8~1107: و بصراحه انا كنت مبسوط جدا و كان لازم اشكرهم كتير و خصوصا بعد مسألت على سعرهم لو حركبهم على حاسبى طلعوا ب 1870 بالمصنعيه و الضريبه.
الحمد لله و 1000000 شكر ليهم.
بصراحه انصح اللى عاوز يعمل صيانه لعربيته النيسان يروحلوهم بس بصراحه انا معرفش هوه فيه توكيل تانى ارخص و لا لأ بس حتى لو هما اغلى فامعامله و الأمانه يكفيان.

انا بردو تم معايه كده في صيانة ال70 الف وتم تغيير المساعدين الامامي وكمان المقصات في الضمان ومن غير ما ادفع اي حاجه والناس هناك ماشاء الله عليهم وخصوصا مهندس حاتم
انا كنت خلصت العربيه الساعه 5 وكان كل الناس روحت الراجل فضل معاياه ومش كده بس ده كان بيغسل الغربيه بنفسه بصراحع الراجل ده احرجني جدا بزوقه انا بصراحه دخلت جوه لما شوفته بنشف العربيه بنفسه وحاولت اخد انا الفوطه حلف ميت يامين انه هو الى يعملها
الناس دي محترمين جداااااااااااا
مصطفى

بصراحة كنت ناوى اعمل موضوع منفصل و لكن بما ان الموضوع مقارب
فاحب انا ايضا اشكر اولا م.كريم الذى عن طريقة غيرت حجزى من الثلاثاء الى الاربعاء و للأسف لم اتعرف علية هناك و اتصل بى يوم الربعاء المغرب علشان يطمئن انى دخلت فى ميعادى
و كمان م.حاتم الذى تعارفت عليه منذ فترة طويلة بالمنتدى و لم يعد يدخل بعدها انما بصراحه شخص تتمنى انك كنت تعرفه من زماااان قمة فى الذوق و الادب و ادانى دفتر كوبونات خصم 50 جنيه كل مرة اعمل فيها صيانة الى 100000 بس للأسف لم يغيروا لى اى حاجه فى الضمان :(
دى اول مرة لى مع السبع كنت قبلها مع يونايتد و لم استطع ان احكم و اقول السبع احسن او يونايتد لأن للامانه الاتنين معاملتهم جيده جدا و لم ادخل صالة انتظار السبع و فضلت اجلس بالحديقة انما ما لفت نظرى
كم العربيات الغالية فئة x-trail & lumina و جيب تانية مش فاكر اسمها و دوول بصراحه لم ارهم فى يونايتد من قبل
فمعنى ان ناس عندها العربيسات دى و بتوديها السبع يبقى توكيل محترم لانها اكيد هاتخاف عليها من اى حد يلعب فيها
المهم دفعت حوالى 1040 جنيه , تغيير زيت زو فلتر و تيل امامى
حاجه بس لم تعجبنى
طبه الزيت من فوق كانت متسخة قليلا "هى من الاول " فى يونايتد من غير ما يقولولى بيدوا الحوض لو لم اطلب غسيله بيدولة غسلة سريعه مجانيه
فى المجمل
كفاية مقابلة مهندس حاتم و ذوقة فى الاستلام و التسليم

شكراً لكل مركز خدمة محترم

عندي المساعد في الأوبترا بعد 20 الف كم خرب وجاب زيت ورفضوا تغييره في الضمان

,,


تمام يا نيسان ,,, تحية كبيرة