الموضوع: ريحة بنزين عند بداية التدوير

طبيعي مادام لما بتسخن وتمشي شوية بتروح

أمال ليه بيقولوا لما تشم ريحة بنزين ني يبقى في حاجة مش مضبوطة.

عادي جداً
هو الموضوع فعلاً له سبب - بس يطول شرحه.

المشاركة الأصلية كتبت بواسطة mohammad_alshamy

ياريت لو تقولنا السبب , لان الفضول يقتلني

شوف سيادك انا حاقول شرح مبسط على قدر ما أعرف.

السيارات الحديثة المزوده بوحدة كمبيوتر بتعمل في 3 حالات تشغيل
Open Loop
Closed Loop
Limp Home

اللي يهمنا هو الحالتين الأولتين

أول ما بتشغل السيارة وهي بارده الكمبيوتر لا يعتمد على الأشارات الواصله له من الحساسات وبيشتغل بناء على ثوابت مبرمجه عليه من المصنع وبيكون فيها فتح مجرى الهواء وزيادة ضغط البنزين اكثر من الطبيعي وهي دي حالة Open loop وبتساعد على انك تمشي بالسيارة مباشرة بدون تسخين او ما يعرف بـ Cold Start.

اول ما السيارة توصل لدرجة التشغيل الطبيعية الكمبيوتر يبدأ في قراءة إشارات الحساسات المختلفة ويبدأ ضبط مخلوط البنزين والوقود للنمط الطبيعي وتدخل السيارة في حاجة اسمها Closed Loop

في الحالة الأولى طبيعي نشم من العادم ريحة بنزين عاليه شوية بس مش طبيعي اننا نفضل نشمها في الحالة التانية بعد السيارة ما تسخن والحالة التانية تبدأ تشوف العادم في شكل بخار مياه او نقط مياه من الشكمان.

في ناس كتير عربياتها ماشية على طول Open Loop ومش حاسين وبيشتكوا من استهلاك بنزين عالي، والعربية السليمة لازم تكون تدخل Closed Loop بعد فتره من التسخين.

مع الأسف لا يظهر اذا كانت السيارة في حالة Open Loop أو Open Loop إلا من خلال جهاز سكانر.

أرجو اني اكون ساهمت بمعلومة كويسة... عشان مش عايز الفضول يقتلك ولا حاجة!

تحياتي

الاول ممكن نعرف انت عربيتك كاربراتير واللا انجكشن

المشاركة الأصلية كتبت بواسطة mohammad_alshamy

مشكووور على اهتمامك وردك وتوضيح المعلومه :s_thum1[1]: لاني فعلا مكنتش اعرفها

بس اتمنى ان حكايه (عشان مش عايز الفضول يقتلك ولا حاجة) متكونش تريقه !!!

أستغفر الله
انا مش بتريق طبعاً وكلنا هنا اخوة

وبكره انت هتقولي معلومة والعملية ماشية كده يعني...