عرض للطباعة
يا جماعة انا عايز اعرف ميكانيكى للبونتو ؟؟ انا معايا بونتو 98لسه شاريها والميكانيكيه جننونى محدش فاهم حاجه كله بيفتى ... ويقولوا دى عايزة كهربائى علشان العربيه كلها كهرباء فياريت لو حد يعرف ميكانيكى وكهربائى يكون بيفهم فى البونتو ياريت يقولى عليه ...العربيه بتاكل بنزين زياده و بطلع دخان اسود جامد من الشكمان ولازم اقعد ادور فيها ساعة غلشان تدور ....ارجوكم افيدونى وشكرا مقدما للمنتدى الرائع الى بجد بيفيد ناس كتير وجعله الله فى ميزان حسناتكم
محدش م الميكانيكيا قال لك ان دة عيب البوردة(الكمبيوتر)و شيك ع الموتور عشان الدخان معناة ان الموتور عايز ع الاقل نص عمرة
اهلا بيك
تعالى جنبنا على الدكه وانضم للقطيع
دنا لسانى اتدلدل عشان حد يدلنى ولا حد عبرنى وعندى نفس مشاكلك الا ان العربيه بتتاخر فى الدواره ثوانى بس
شوف ياباشا احنا ضرورى نظبط بعض ونتقابل ونطلع على الشركة الهندسية اللى هو توكيل العربيه القديم
الناس بتقول ان كل الناس هناك حافظين العربيه وشغلهم نضيف بس انا لا اعرفلهم تليفون ولا طريق
لو قدرت تجيبهم يبقى خير وبركة وننزل سوا
بس الاول لازم نعرف رقم التليفون عشان نتصل ونسال على الاسعار لحسن فى اوماترا بيخيبوا وبيقوللك الكشف على العربيه بس ب 350 جنيه
moody
انا بعتلك رساله على الخاص
يا جماعة انا بصراحة مخضوض من الكلام اللى انتم بتقولوه ده:B4_564: لآن انا لسة شارى بونتو مو 95 من ثلاث ايام وعندى إعتقاد انها عربية إعتمادية وقطع غيارها متوفرة وبما انها فيات فأى ميكانيكى هايشتغل فيها ، وعلى فكرة انا جبت المعلومات دى كلها من هنا ، قصدى المنتدى :shyy: ، لكن طبعا كلامكم وقع قلبى ، ياريت حد تانى من ملاك البونتو يرد علينا ويفيدنا عن مكان ميكانيكى وكهربائى يكونوا فعلا بيفهموا فى البونتو ، وعلى فكرة انا سكان فى الهرم يعنى ياريت يكون حد فى الحدود المجاورة ، ومستنى الرد :007:
بصو يا جماعه
كنت سألت قبل كده عن ميكانيكى بيفهم فى الفيات الحديث
فى حد نصحنى بيه و قالى عليه كلام كويس بس انا لسه ماروحتلوش
هو فى صقر قريش فى المعادى على الاتوستراد بعد نزله الدائرى تانى ناصيه يمين اسمه عادل سيينا - وعنده سكانر لكشف الاعطال وحراق فى مصنعيته بس بيفهم وده الاهم
انا كام مالى ومال الجديد منا كنت معايا ال 131 وكانت فل
يلا بقى اللى حصل
انا بقى انيل واحد فيكوا لانى عامل حادئه والعربيه مش بتدور اصلا يا ريت يا جدعان تقروا الموضوع بتاع
لحقونى يا خبراء الفيات < انا صاحب العربيه اللى عملت الحادثة> وتقولولى الحل ايه
انا من اسكندريه
السلام عليكم
الظاهر ان احنا كتيير اووى واللى واضح ان مفيش ولا واحد لقى حد يفيده فى مشكلته فياريت المشرف العام للمنتدى يحل الموضوع دا ..انا جاى المنتدى دا وعارف اد ايه هو كبيير ومفيش حد بيتاخر عن افادة الناس اللى عايزة افاده.. بس كده بقى فى كلام تانى!!!
انا معايا بونتو و باعمل الصيانه عند مركز اسمه امير و جوزيف فى شارع ابوداود الظاهرى عند حديقه الطفل فى مدينه نصر, المركز ده واخد صيانه كذا نوع عربيات منهم البونتو و اسعاره مش بطاله و بيراجع صاحب العربيه قبل ما يعمل اى حاجه و قبل كده كان عندى مشكله فى ان الموتور عالى ضبطوا الموتور بجهاز و خدوا حوالى 30 جنيه بس من حوالى 3 سنين و ده كان ساعتها سعر ممتاز
لو سمحت ممعاكش رقمه اساله عن حبه حجات ؟اقتباس:
المشاركة الأصلية كتبت بواسطة aliyehia
وصلت ياباشا ياؤيتك كنت قدمت شويه انا لسه راجع من الحرفيين امبارحاقتباس:
moody
انا بعتلك رساله على الخاص
ماتقلقش من الموضوع ده مش هاتندم ولو ثانية انك اخترت العربيه دىاقتباس:
يا جماعة انا بصراحة مخضوض من الكلام اللى انتم بتقولوه ده:b4_564: لآن انا لسة شارى بونتو مو 95 من ثلاث ايام وعندى إعتقاد انها عربية إعتمادية وقطع غيارها متوفرة وبما انها فيات فأى ميكانيكى هايشتغل فيها ، وعلى فكرة انا جبت المعلومات دى كلها من هنا ، قصدى المنتدى :shyy: ، لكن طبعا كلامكم وقع قلبى ، ياريت حد تانى من ملاك البونتو يرد علينا ويفيدنا عن مكان ميكانيكى وكهربائى يكونوا فعلا بيفهموا فى البونتو ، وعلى فكرة انا سكان فى الهرم يعنى ياريت يكون حد فى الحدود المجاورة ، ومستنى الرد :007:
هى فعلا اعتماديه وقليلة الاعطال جدا بالنسبة لموديلات الفيات الحديث
والعربيات اللى بنتكلم عليها كلها ماشيه وشغاله بالرغم من انها عاوزه تتظبط بس احنا عارفين ان العربيه دى امكانياتها اعلى من كده وعاوزين نوصل بيها لاحسن وضع نستفيد منها فيه
يعنى لما تبقى العربيه قليلة الاعطال وثابته على الطريق وشيك يبقى حرام عليا ابقى عارف ان سحبها تحت 100 ممتاز وممتع واسيبها بتقطع وتنتش هو بس الظبطه محتاجه واحد بيفهم مش اكتر
وانا فى الحرفيين امبارح لقيت واحد نعاه بونتو شكلها نضيف كده
قمت رامى نفسى قدامه زى الغريق وسالته بيعمل عربيته فين قام قاللى علىميكانيكى اسمه صلاح تقريبا فى الزتون خلف مصنع البيبسى
هاظبط كده واقولكم
وياريت لو حد يعرف يجيب رقم الشركه الهندسيه عشان نسال حتى على المصنعيات كام فى الساعه يبقى خير وبركه عشان انا سامع انه بيتعامل بالساعه زى ماكان ايام التوكيل بس هو ارخص بكتييير من التوكيل الحالى اوماترا
بتبعنى كده من اولها يا موودى بيس يا مان .. طب قولنا عملت ايه فى الحرفيين ..تقرير بسيط كده وايه الاسعار ؟؟ ولو فى اى حاجة جديده ابقى عرفنا ؟؟؟ مستنى ردك
اشكرك جدا يا ميدو ريحت قلبى شوية احسن كان ها يفط ويطلع لبرة ، المهم ان دلوقت فى حوالى 3 اماكن لميكانيكية البونتو ( م نصر - الزيتون - الشركة الهندسية ) وللأسف انا من الهرم يعنى لازم آخد يوم اجازة من الشغل مخصوص عشان اروح لآى ميكانيكى منهم ، لو فيه حد اين حلال يعرف ميكانيكى شاطر ناحية الهرم او حتى بالقرب من الهرم يكون له جزيل الشكر لو دلنى عليه ، ومستنى الرد
يا باشا الشكر لله بس لو تقول فين عنوان الشركة الهندسيه علشان انا عايز اعرفة يبقى كتر خيرك والله