ناوى ان شاء الله اشترى ام 11
وكان عندى منذ فترة 516 بس عملت بها حادثة كبيرة ادت الى تكهين السيارة والحمد لله على كل حال
وعايز اسال عن m11 فى عدة نقاط من فضلكم :
1- اولا الفتيس فيه عضة او هزة ام لا .....لأ
2- العفشة ناعمة على الارض اللى فيها تكسير او عين قطة ولا خشنة... الحمد لله بلي
3- التكييف اخباره ايه......رائع ....لو شغلته وانت ماشي في عز الحر بالظبط 5 دقائق و ايدك توجعك من السقوعية ... بس هتضطر توطي المروحة لو عامله علي التبريد الداخلي علشان قوية و قوي صوتها
4- الدريكسيون فيه رجة وتخبيط على الارض غير الممهدة ام لا... الحمد لله لا
5- ارتفاع السيارة عن الارض...هلامي.... مش هتلمس اي مطب الا لو انت بقي قاصد تطلع بيها فوق الترنشات
6- الفرق الجوهرى بينها وبين 516 ايه...
m11اقصر في الطول "2سنتيميتر..
m11اكبر في العرض"5 سنتيمتر..
m11اثقل في الوزن 100 كيلو..
m11جنوط 16 مش 15
الاربعة اللي فوق يقولولك انها صاجها و شاسيها اقوي لانها اصغر بس اتقل.... و كمان يقولك انها اثبت علي الارض لانها اقصر بس اعرض!!!
m11تعليق خلفي رباعي مش ثلاثي ..برضه اثبت
m11 تكييف بكر مش تتش...
m11سنسور نور و مساحات ..
m11اغلي 7الاف جنيه
بالرغم من ان هما نفس الموتور بالتنتوفة .... مغطيين موتور ال516 بفيبر
بالرغم من ان هما نفس الموتور بالتنتوفة... التوب سبيد في الm11 اعلي,حسب الكاتالوج"غالبا ecu software"
الشكل ..... انت و زوقك... بس محدش يقدر يتكلم علي رسوم الطلاينة بالذات في العربيات
مش فاكر حاجة تاني دلوقت......
7- ياريت لو فيه اضافة من حضراتكم اكون شاكر لكم
على العموم انا قرات عنها كتير لكن انا عاوز اصحاب الخبرة واصحاب السيارة ومن جربها يجيب على اسئلتى ولكم ولهذ المنتدى جزيل الشكر
المفضلات