وقف اجهزة المحمول المضروبه
طبعا يا جماعه كلنا عرفين انه يتم قطع الخدمة عن الاجهزة المضروبه وليست الصينى ولا المهربه واحب اوضح شوية نقاط :
اولا قطع الخدمة بيتم للاجهزة ذات السيريال المتكرر فقط وليست الاجهزة الصينى وليست الاجهزة المهربه ديه القاعدة الاساسية للموضوع
لان ببساطة شركة المحمول بتوقف العدد ذات السيريال المتكرر الى بتظهر فى الشبكة
يبقى يا اخوان العدد الاصلية المهربه او الى حضرتك اشترتها من خارج مصر بس مصنعه فى شركة تلفيونات محمول زى نوكيا او اى ماركة صينى بس تكون شركة مش ورشه تحت السلم
ثانيا الاجهزة التى يتم قطع الخدمة عنها هى التى تصنع فى ورش بير السلم فقط طيب ليه الاجهزه دى عشان السيريال بتاعها متكرر .
عنى شركة المحمول فنيا تستطيع العرف عليها
طيب لو فى اجهزة صينى مهربه بس اصليه وتم صناعتها فى مصنع شركة هواتف محمول صينى رخيص وسعره جميل والناس مبسوطه بيه محدش حيوقفه بس هو مهرب بس اصلى والسيريال مش مضروب محدش حيلمسه ولو يا جماعة حيتم ايقاف كل الاجهزة الى دخلت مصر من غير الوكيل يبقى اى جهاز حد اشتراه من دبى حيوقف وده مش حيحصل
طيب ممكن واحد يقول ليه بقول انه جهاز مصنوع تحت بير السلم ببساطه ورش بير السلم ملهاش سيريال عشان فعشان كدا بتضرب السيريال بتاع اجهزه تانيه وعشان كدا بتكرر
ثالثا طيب ايه مشكلة الجهاز الرخيص الى مصنوع تحت بير السلم ، ببساطة يا جماعه الى فى ايدينا ده ببساطه محطة ارسال واستقبال لاسلكى بس صغيره وليها معايير امان وصحه عديده بتلتزم بيها الشركات المصنعه المحترمه الصينى او الهندى او نوكيا
ولما بيدخلوا مصر بيمروا على جهاز تنظيم الاتصالات بيتأكد من موافقتها لمعايير الامان والسلامة
يعنى جهاز المحمول المضروب الى فى ايدك ده بما انه صناعه رديئه وليس له اى ضوابط تماما ممكن لا قدر الله يسبب كارثه طبيه لحضرتك لو مش مطابق لمعايير الامان يعنى لو الاشعاع الكهرمغناطيسة فيه مش فى حدود الامان حيكون عواقبه وخيمه لحضرتك او ابنك الصغير
رابعا تغير السيريال ليس حل لانه السيريال الى حيتم وضعه حيتطلع متكرر مع مرور الزمن وحيتم وقفه
خامسا نصيحه اخويه ممكن كلنا نجيب حجات مضروبه وده واقع بيحصل فى حياتنا بس ممكن نجيب بنطلون مضروب تى شيرت تيمبر لاند مضروبه جزمة اديدس مضروب تلفزيون مضروب( رغم انه سعت بيكون مضر) ولكن بلاش بلاش بلاش تجيب جهاز ارسال لاسلكى مضروب بلاش
اخيرا سؤالى هنا : هل تحب تخاطر بصحتك انت وابنائك عشان عده محمول:؟؟؟؟؟؟؟؟؟؟؟
ارجوا اسمع اجابتكم