رشيد: أسعار الوقود ستشهد ارتفاعات جديدة

**sokasoon** · 20-05-2007 09:02 AM

رشيد: أسعار الوقود ستشهد ارتفاعات جديدة

قال رشيد محمد رشيد وزير التجارة المصري يوم السبت ان مصر تنوي رفع أسعار مواد الطاقة للعام الثاني على التوالي للمساعدة في السيطرة على المبالغ التي تنفقها على الدعم.

وقال رشيد لرويترز على هامش أعمال المنتدي الاقتصادي العالمي في الاردن انهم يتوقعون أيضا خفض هذا الدعم في موازنة 2007-2008 .

وقال رشيد ان الحكومة المصرية تنفق نحو 40 مليار جنيه (7.03 مليار دولار) على الدعم سنويا. وامتنع عن قول أي منتجات وقود ستتاثر بالزيادة.

(الدولار يساوي 5.692 جنيه)

**Nile Heart** · 20-05-2007 09:40 AM

عادى
حكومه واطيه

بعد 130 قرش هايعملوها كام؟ 150؟؟؟

حسبى الله ونعم الوكيل

**memo_hefnawy** · 20-05-2007 09:45 AM

175 قرش سعر اللتر .......... وبعدين المشكلة مش فى الحكومة و بلاش نشتم فيهم

المشكله فينا إحنا ..... أى دولة فى العالم لو حصل نص إللى بيحصل فينا أقل حاجة الناس تعملها إضراب عن إستخدام السيارات ...و أول حد يعمل ده السائقيين و بكده تتشل حركة النقل كله و يكون ضغط على أصحاب القرار

قالوا لفرعون إيه فرعنك؟؟؟؟؟؟؟؟؟؟؟؟؟؟؟؟؟؟؟ للأسف مالقاش حد يلمه ..... لحد ما يلاقى حد يلمه و يلجمه المشكله فينا مش فى حد تانى

**sh_masry** · 20-05-2007 09:49 AM

لـــنـــا الله

**Nile Heart** · 20-05-2007 10:03 AM

ياعمى ماهم العراقيين عملوا 100 محاوله انقلاب و كان بيرشهم بالغاز والنابالم

حد يلجمه ايه بس

وبعدين مثل فرعون ده عيب على أى مصرى يردده لانه اكذوبه كبرى وتلويث لتاريخ مشرف بالدليل المادى القائم
العامل بتوع الهرم كانوا بيقبضوا اجرتهم قمح وشعير وبوظه ولما بيموت منهم حد بيندفن فى مقابر بجوار الهرم تماما مش بيترمى زى الكلب.
وكانوا بيعملوا فى الهرم فى اشهر الفيضن فقط لما يتوقفوا عن الزراعه ..وبأجر كما قلت..يعنى مشروع قومى اجتماعى وليس مجرد مقبره لتخليد الفرعون كما يروج دعاه التصحر.

ما علينا خلينا فى همنّا

**memo_hefnawy** · 20-05-2007 10:09 AM

أنا مش قصدى إن موضوع الأهرامات كده كما ذكرت إنت خالص ... ولا جيبت سيرته بس لو تفتكر إن مش كل عصور مصر القديمة كانت حلوة لأ كان فى عصور فرعون كان بيبهدل الناس و إرجع لقصة سيدنا موسى :)

بس المهم كما إنت قولت همنا و بعدين موضوع العراقيين و غيره كل بلد ليها ظروفها و بعدين أنا مقولتش إعمل إنقلاب ... أنا بقول ممكن نقاطع البنزبن و الجاز و ممكن نعمل إضراب و ممكن حاجات كثيره :) بلاش تدخلنى سكة الإنقلابات و غيره :) أنا مش ناقص

**محمد المشد** · 20-05-2007 10:39 AM

حصل خير ياجماعة خلينا فى موضوع البنزين 000طبعا هذا شىء متوقع لانهم هيرفعوا الدعم ان عاجلاً او اجلاً بصراحة انا خايف لنرجع لعصر الاقطاع مرة اخرى ! بحيث نصبح طبقتين طبقة الاغنياء الاثرياء وطبقة المعدامين طبعا احنا منهم او اقصد انا على الاقل ! عموماً اذا اتعمل فينا اكثر من كدة نستحق ذلك وخير الكلام
يولا عليكم كيفما تكونوا !!!!!!!!!!!!!!!!

**Nile Heart** · 20-05-2007 11:27 AM

"خايف"! "لنرجع" !!!!

ياعمى تعال معايا 50 كم من القاهره وانا أوريلك الناس بتصطاد الكلاب والقطط عشان عيالها ماتموتش م الجوع

حسبى الله ونعم الوكيل الف مره

**sh_masry** · 20-05-2007 11:46 AM

بحيث نصبح طبقتين طبقة الاغنياء الاثرياء وطبقة المعدامين طبعا احنا منهم او اقصد انا على الاقل !

هو لسه هانقول بحيث ؟؟؟؟ ياعم احنا بقينا كده خلاص ...... مبقاش فيه طبقه وسطيه , احنا بس بنعافر علشان بنتكلم كلمتين انجليزى و اتعلمنا معقول الحمدلله بس يا فرحتى بالعلام و مافيش شغل ......... انا بشتغل من 11 سنه و عمرى ماجبت حاجه كبيره لنفسى (شقه , عربيه , جواز ) و الحمد لله الواحد عايش بحس اهله و من غيرهم كان زمانى بقول لله .......
و عموما ربنا يستر علشان الشركه اللى بشتغل فيها هاتقفل من اول الشهر و مش عارف هاشتغل امتى تانى فى ظل هذه الظروف !!!!!
a7'ookom العاطل من اول الشهر
Sherif

**Nile Heart** · 20-05-2007 11:52 AM

المشاركة الأصلية كتبت بواسطة sh_masry

بحيث نصبح طبقتين طبقة الاغنياء الاثرياء وطبقة المعدامين طبعا احنا منهم او اقصد انا على الاقل !

و عموما ربنا يستر علشان الشركه اللى بشتغل فيها هاتقفل من اول الشهر و مش عارف هاشتغل امتى تانى فى ظل هذه الظروف !!!!!
a7'ookom العاطل من اول الشهر
Sherif

والله ياشريف ربك بيرزق بدون اى توقع ولا حساب
انا كنت راجع من بره من سنه بادعى يارب بس الاقى افتح البيت ب 2000 جنيه
ربك كرمه كان فوق الوصف ودلوقت بافكر اغير العربيه
الحمد لله