الموضوع: الى كل مالكى الساجا خش وسجل رقمك

همة الدول البروتانوية شكرا استاذ عمرو جدا وبجد يا جماعة الاستاذ عمرو مش بيقول كدة وخلاص الراجل دة فعلا قعد معايا حوالى ساعة يشرحلى ويفهمنى حجات كتير كان اول مرة اعرفها
شكرا استاذ عمرو

المشاركة الأصلية كتبت بواسطة marsguy

بص يا سيدي:

أنا باقيس الإستهلاك عن طريق إني بافول العربيه وباصفر عداد الرحلات وبعد فتره بافول تاني وأشوف عملت كام كيلو والعربيه خدت أد إيه بنزين، وبعد كده باصفر عداد الرحلات تاني وهكذا دواليك.

أنا سجلت كل إستهلاكات البنزين على الموبايل من ساعة أما جبت العربيه وهي كالآتي:



زي ما إنتم شايفين في تفاوت جامد أوي، أنا مش فاهمه:
وعلى فكره، تقريباً كل المرات اللي فولت فيها كانت من إمارات مصر ما عدا مره أو مرتين.

وأنا عارف إزاي أوفر بنزين وإيه هي السواقه الموفره للبنزين، وأنا بطبيعتي سواقتي هاديه جداً.

بس عامة أنا مش حاطط الموضوع في دماغي أوي لسه عشان زي ما أنا قلت، الناس نصحوني أستنى لحد 5000.

وكمان أنا للأسف ما رحتش بنفسي عملت صيانة الألف، بعت العربيه مع واحد صديقي.

بس عامة، إن شاء الله أنا ناوي لما أفضى شوبه أبقى أبحث في موضوع البنزبن ده.

شكراً لمساعدتك يا أخي

انا بفكر جديا فى شراء الساجا وبشوف اراء اللى اشتروها بالنسبة للبنزين فالسياره فى التلين لا يمكن حساب البنزين عليها بس انا شايف فيه تفاوت غريب جدا فى استهلاك البنزين فى المعدلات اللى انت ذكرتها وهى كالتالى لكل 100 ك
9.72
5.36
9.96
9.24
7.86
9.33
وده يعتبر استهلاك كبير اذا استبعدنا النسبة الثانيه اللى كانت على طريق سريع
وبعتقد المتوسط المعتاد لهذه السياره من اللى استعملها بيقول انها بتستهلك 7 لتر لكل 100 ك
وبعتقد ايضا بعد ما تصل الى 5 الف كيلو سيكون استهلاك البنزين اتظبط وانت برضوا فى الصيانه كلمهم عن استهلاك البنزين

ها يجماعة مين قال تسعة
مش معقول يمانية بس الى معاهم الساجا
انتووووووووو فييييييييييييييييين ياااااااا ساجااااااااااااوية ؟؟؟؟؟؟؟!!!!!!!!

على طه
استلام تقريبا 15-3-2010
اسود اوتوماتيك
ب 68000 من عز العرب اللى فى اول الطريق الزراعى الاسكندرية
عامل 575 كيلو
ممتازة و ان كان فى شوية تحفظ على استهلاك البنزين و الفرامل بس مستنى صيانة الالف
الاسكندرية كليوبترا

المشاركة الأصلية كتبت بواسطة marsguy

بص يا سيدي:

أنا باقيس الإستهلاك عن طريق إني بافول العربيه وباصفر عداد الرحلات وبعد فتره بافول تاني وأشوف عملت كام كيلو والعربيه خدت أد إيه بنزين، وبعد كده باصفر عداد الرحلات تاني وهكذا دواليك.

أنا سجلت كل إستهلاكات البنزين على الموبايل من ساعة أما جبت العربيه وهي كالآتي:



زي ما إنتم شايفين في تفاوت جامد أوي، أنا مش فاهمه:
وعلى فكره، تقريباً كل المرات اللي فولت فيها كانت من إمارات مصر ما عدا مره أو مرتين.

وأنا عارف إزاي أوفر بنزين وإيه هي السواقه الموفره للبنزين، وأنا بطبيعتي سواقتي هاديه جداً.

بس عامة أنا مش حاطط الموضوع في دماغي أوي لسه عشان زي ما أنا قلت، الناس نصحوني أستنى لحد 5000.

وكمان أنا للأسف ما رحتش بنفسي عملت صيانة الألف، بعت العربيه مع واحد صديقي.

بس عامة، إن شاء الله أنا ناوي لما أفضى شوبه أبقى أبحث في موضوع البنزبن ده.

شكراً لمساعدتك يا أخي

اخى العزيز اولا استحالة تقدر تقيس معدل استهلاك داخل المدينة و على سبيل المثال لو انت فى طريق صلاح سالم الساعه 1 باليل هاتلاقى الاستهلاك قليل جدا و مثلا نفس الطريق بس الساعه 3 عصرا هتلاقى الاستهلاك يزيد طبيعى لانك وقفت فى اشارات و الدنيا زحمة وده طبيعى جدا عشان تقيس معدل استهلاك العربية بشكل عملى لازم تقيسها على الهاىواى مش داخل البلد و ده اللى الحسابات بتتحط علية يعنى مثلا اى عربية بيقولوا فى البروشور بتاعها انها مثلا بتعمل 5 لكل 100 كيلو فى شروط لتحقيق المعادلة دى مثلا ثبات مؤشر الار بى ام عند 3000 لان من المعروف كل ما الار بى ام بيعلى عن ال 3000 الاستهلاك بيزيد و تانى حاجة ان تكون حمولة السيارة الحمولة الطبيعية يعنى مش تركب 7 افراد فى العربية و تشتكى من استهلاك البنزيين العالى لا المفروض القياسى فى الموضوع السائق و 2 فرد ثالث حاجة لو العربية اتوماتيك الاستهلاك برضوا بيزيد شوية صغيرة و ده طبيعى فى الاتوماتيك و المانيوال كمان الكيك دون فى الاتوماتيك بيساعد على زياده استهلاك البنزين
طيب نيجى لحاجة مهمة و هيا انك لسة مش مكمل ال 5000 كيلو طبيعى ان الاستهلاك مش مظبوط قوى و دة راجع لان المكنة لسة مش فتحت بالبلدى لينت انما مع صيانة ال 5000 هاتبقى تمام و لما تروح تعمل صيانة ال 5000 اطلب من التوكيل انهم يعملوا تنظيف للفلتر و البوابات بتاعت الرشاشات و بكده اكون رديت عليك الرد الشافى المعافى اية رايك فى الرد ده مش خبير سجاواى و لا اية

استاذ طة تسعة
مين عشرة يا ساااااااجااااوية