الى كل مالكى الساجا خش وسجل رقمك

**elkhouli** · 02-04-2010 11:29 PM

1.اشترى امتى
25-1-2010
2. وبكام ومنين
مانيوال 63200 توكيل عزالعرب طريق الاسكندرية
3. وعامل كام كيلو
3900كم
4. والعربية عاملة اية معاة
لحمد لله على كل حل
مش بالمستوى المتوقع
سحب بنزين عالى - عيوب كثيرة بالصناعه
وحاولت أعدلها في صيانه ال 1000 بلا جدوى - وهشوف هيعملوا اية في صيانة ل 5000 - بالأضافة لأن التكييف ضعيف ويؤثر على اداء السيارة

5. وساكن فين بعد ازنة(عشان لو جنب بعضنا نفيد يعضنا اكتر)
لنزهه لجديدة القاهرة

**powerofhelll** · 03-04-2010 09:07 PM

الحمد لله في حوالي 15 واحد اشتري ساجا بجد العربيه محترمه جدا و تستاهل

**mo7hamedemad** · 04-04-2010 02:41 AM

المشاركة الأصلية كتبت بواسطة galilioz

أستاذ : محمد عماد عبد الجواد
مردتش على سوال السابق ليك

هعيده تانى

سورى يا معلم انا اسف ع التاخير
لا اتعاقدت واختها بعد حوالى 10 ايام ودفعت 1000 حجز فى توكيل مدينة نصر و62000 عند الاستلام
اتمنى اكون جوبت ع الى انت عايزة ع العموم لو فى حاجة تانى انا تحت امرك

**Galilioz** · 04-04-2010 02:02 PM

المشاركة الأصلية كتبت بواسطة mo7hamedemad

سورى يا معلم انا اسف ع التاخير
لا اتعاقدت واختها بعد حوالى 10 ايام ودفعت 1000 حجز فى توكيل مدينة نصر و62000 عند الاستلام
اتمنى اكون جوبت ع الى انت عايزة ع العموم لو فى حاجة تانى انا تحت امرك

انا قولت ان العربيه الجديده غيرتك ومش هترد علينا

لو عايز اساله انا معاك لسنه قدام لانى بفكر جديا فى شرائها

هديك شويه اسائله على السريع كده مدام انت موافق

1- البنزين ايه موقفه يعنى بتاكل بنزين ومتوسط استهلاكها قد ايه؟؟

2- العفشه ايه نظامها فيها مشاكل وله ايه اصلى بسمع ان البروتون كمركه مشاكله فى العفشه

3- هى فيها كمبيوتر رحلات ولا دى اشاعه ؟؟؟

4- اهم العيوب من وجهه نظرك فى العربيه دى ؟؟؟؟

ولو عايز تانى انا معاك بس جاوب على دول

**powerofhelll** · 04-04-2010 02:27 PM

المشاركة الأصلية كتبت بواسطة galilioz

انا قولت ان العربيه الجديده غيرتك ومش هترد علينا :f_eyeb1[1]:

لو عايز اساله انا معاك لسنه قدام لانى بفكر جديا فى شرائها

هديك شويه اسائله على السريع كده مدام انت موافق

1- البنزين ايه موقفه يعنى بتاكل بنزين ومتوسط استهلاكها قد ايه؟؟
استهلاك عادي جدا انا معايا مانيوال مفيش مشكله في الموضوع ده
و الي عنده مشكله بتظبط بعد 5000 لوحدها

2- العفشه ايه نظامها فيها مشاكل وله ايه اصلى بسمع ان البروتون كمركه مشاكله فى العفشه
العفشه تمام مفيش اي مشكله فيها
3- هى فيها كمبيوتر رحلات ولا دى اشاعه ؟؟؟
فيها عداد رحلات بس مفيش متوسط استهلاك البنزين
4- اهم العيوب من وجهه نظرك فى العربيه دى ؟؟؟؟
حتي الان مفيش عيوب ظهرت غير علبة الدركسيون في بعد العربيات و التوكيل بيغيرها علي طول
و عدلوها في الدفعه الجديده
ولو عايز تانى انا معاك بس جاوب على دول

ياباشا اسال براحتك و هات كل الي نفسك تساله

**Galilioz** · 04-04-2010 02:33 PM

المشاركة الأصلية كتبت بواسطة powerofhelll

ياباشا اسال براحتك و هات كل الي نفسك تساله

شكلك هتفيدنى جامد
طيب بص

1- انت عامل كام كيلو بيها الاول؟؟؟
2- التكيف موقفه ايه بسمع انه ضعيف جدا ؟؟؟
3- قطع الغيار معندكش خلفيه باسعارها هل هى عاليه جدا وهل يوجد منها مضروب برا التوكيل؟؟
4- العربيه بتسخن وله بتحافظ على درجه حرارتها؟؟

**mo7hamedemad** · 04-04-2010 07:58 PM

المشاركة الأصلية كتبت بواسطة galilioz

انا قولت ان العربيه الجديده غيرتك ومش هترد علينا :f_eyeb1[1]:

لو عايز اساله انا معاك لسنه قدام لانى بفكر جديا فى شرائها
يا معلم احنا كلنا هنا بنحب نساعد اى حد لاننا كلنا كنا زيك تمام بس هوة المشكلة انى لسة مشترى العربية ولسة معدتش 100 كيلو فانا هحاول اجاوبك ع انا اعرفة وهسيب الباقى لاصحاب الخببرة عشان مفتيش ومضركش

هديك شويه اسائله على السريع كده مدام انت موافق

1- البنزين ايه موقفه يعنى بتاكل بنزين ومتوسط استهلاكها قد ايه؟؟
لسة
2- العفشه ايه نظامها فيها مشاكل وله ايه اصلى بسمع ان البروتون كمركه مشاكله فى العفشه
حتى الان ممتازة
3- هى فيها كمبيوتر رحلات ولا دى اشاعه ؟؟؟
اها بس مفهاش متوسط استهلاك البنزين
4- اهم العيوب من وجهه نظرك فى العربيه دى ؟؟؟؟
لسة
ولو عايز تانى انا معاك بس جاوب على دول

اتمنى اكون جوابتك بس ادينى انت درجة حلوة بقة وراعينى ف اعمال السنة

**mo7hamedemad** · 04-04-2010 08:00 PM

المشاركة الأصلية كتبت بواسطة powerofhelll

ياباشا اسال براحتك و هات كل الي نفسك تساله

حبيب قلبى واخويا الكبير ربنا يخليك لكل الساجاوية وانا الصراحة هاجى اسكندرية مخصوص عشان نفسى اشوف عربيتك (بسم الله ما شاء الله ربنا يخليهالك )

**mo7hamedemad** · 04-04-2010 08:05 PM

المشاركة الأصلية كتبت بواسطة Galilioz

شكلك هتفيدنى جامد
هجاوبك بردة ع الى اعرفة
طيب بص

1- انت عامل كام كيلو بيها الاول؟؟؟
100 (لسة مرخص انهاردة)
2- التكيف موقفه ايه بسمع انه ضعيف جدا ؟؟؟
تمام جدا لا خالص مش ضعيف ف نفس قوة عربيات هذة الفئة
3- قطع الغيار معندكش خلفيه باسعارها هل هى عاليه جدا وهل يوجد منها مضروب برا التوكيل؟؟
بص ايمن كان منزل شوية اسعار وبرضة احنا مكلمين الاخ العزيز الى عامل التوبيك بتاع قطع الغيار(الى متسبت)وهوة قال انة هيجيبهم خلال الفترة القادمة
4- العربيه بتسخن وله بتحافظ على درجه حرارتها؟؟ لسة مجربتهاش
اتمنى اكون اديتك كل الى اعرفة عن الى انت عايزة واكيد الى معرفتوش هيفيدك الى احسن منى فية

**amr1973** · 04-04-2010 09:18 PM

مساء الخير بخصوص كل الاسئلة التى تم السؤال عنها سوف اجاوب بالتفصيل الممل
1- نبدا باول سؤال بخصوص العفشة بصوا انا سافرت مرسى مطروح و كانت شنطة العربية مليانة حاجات و الله لو حاولت تفتحها مش هاتعرف تقفلها تانى و كان راكب معايا المدام و و 2 ولا اخوات المدام و كبار على فكرة 28 سنة تقريبا و لادى الاتنين صغيرين 6 سنوات كل دول ورا على الكنبة و اخت المدام قدام جمبى و الحمد لله و الله ما حصلش اى احتكاك فى اسفل العربية و انت عارفين المطبات الصناعية و كمان طريق العلمين طالع نازل
2- بخصوص السخونية العربية مش بتسخن خالص و الدليل على كده مشوار مطروح من بعد الرست اللى على الصحراوى قطعت المسافة كلها ديركيت و كانت الساعه تقريبا 11
3- بخصوص التكييف يا جماعه لما نيجى نقارن بين قوة التكيف لازم نقارن صح ما ينفعش نقارن تكيف الواجا مثلا بالساجا مش هاينفع انما التكيف معقول جدا طبعا بيؤثر على سحب العربية احنا مش راكبين مرسيدس و على فكرة الموضوع ده فى كل العربيات ذات الفئة المنخفضة اقل من 100 الف جنية و طبعا الموضوع بيزيد فى الاتوماتيك عن المانيوال
4-بالنسبة لاستهلاك البنزين الاستهلاك يا جماعه و الله كويس جدا على سبيل المثال كل الحمولة التى تم ذكرها فى السابق و بالظبط انا قطعت 441 كيلو ب 34 لتر بنزين بحسبة بسيطة العربية هاتعمل 245 الى 250 فى ال 20 لتر و طبعا لو موضوع الحمولة اقل شوية اعتقد انها كانت هاتعدى ال 275 كيلو كمان انا مش كنت ماشى بمعدل 90 الى 100 كيلو فى الساعه انا كنت معدى فى بعض المناطق اللى متاكد بعدم وجود رادار على سرعة 140 كيلو طبعا انا مش مشغل التكيف لانى متاكد انه بيضر اى ماتور و بالتالى مش بشغلة الا فى حالة الاحتياج القصوى للحفاظ على الموتور و كذلك عشان الاستهلاك فى البنزين الزيادة
6- بخصوص قطع الغيار طبعا كان ايمن نزل موضوع باسعار قطع الغيار و كل الناس قالت انها مبالغ فيها طيب دلوقتى عز العرب عمل تخفيض 10 % على كل قطع غيار بروتون و كمان توجد 10% اضافية بالنسبة لاستيكر نايل موتورز يبقى فى اجمالى 20 % تخفيض يعنى قطعة غيار مثلا تمنها 1000 جنية تبقى بعد التخفيض 800 جنية كمان دلوقتى العربية الساجا تم بيع حوالى 700 الى 800 عربية و بالتالى معنى الكلام انها بتنتشر بسرعه جدا و بالتالى تجار قطع غيار السيارات هاتتحمس انها تستورد قطع غيارها من ماليزيا يعنى هايبقى فى منافسة فى سعر قطع الغيار لصالح المستهلك

اتمنى فى النهاية انى اكون جاوبت على كل الاسئلة