الموضوع: الى كل مالكى الساجا خش وسجل رقمك

استلمت العربية يوم 30/8
اوتوماتيك
حمرا
اتو العقاد مدينة نصر
70 الف

ساكن في الهرم

كل الأعضاء اللي عندهم فكرة عن الأسعار, برجاء الإفادة ما إذا كانت الساجا هتغلي 4000 جنيه فعلا ف أخر أكتوبر ولا دي إشاعة لجذب أكبر عدد من المستهلكين؟
أنا كنت ف فرع العجوزة من يومين وقاللي المعلومة دي, بس مش عارف ده حيحصل فعلا ولا مجرد كلام دعاية لجذب المستهلك.
ناوي اشتري الساجا ومش متردد بخصوصها نهائيا بعد سماع جميع التعليقات المطمئنة اللي كتبتوها, بس مش عارف أعجل بالشراء قبل أخر أكتوبر ولا أستني شوية لإني لسه مجمعتش تمنها كاش؟

انا سعيد جدا بجودى معاكم فى الجروب وانا صالح احمد من الاسماعيلية إستلمت 5 / 9 اسود مانيوال من عز العرب بـ 65000 .
عامل بيها 400 كيلو والعربية ماشاء الله حلوة جدا بس كان فى صوت طقطقة كدة فى الكورسى اللى جنبى لما ادوس فرامل او لما امشى على طريق مش مرصوف كويس بس انا مش حاطه فى دماغى علشان العربية عجبانى اوى ومش عاوز حاجة تضايقنى منها .
تانى حاجة استفسار هو ال cd اللى بيشتغل على الكاسيت لازم يكون اوديو وماينفعش يبقى مدته اكتر من 80 دقيقه .
وأخيرا شكراً جدا يا جماعه لانكم كنتم السبب فى شرائى الساجا .
وأسف جداً على الإطالة .

المشاركة الأصلية كتبت بواسطة ayman_52

شوف انا لو فى الموقف دا , هحجز لان الحجز بـ 1000 جنيـه بس ... وقابله للاسترداد ... والله اشتريت فى الوقت دا هاستفاد بالعرض , لغيت الحجز هاخد فلوسى وامشــى

أنا ناوي أعمل كده فعلا وألف شكر ع المعلومة

المشاركة الأصلية كتبت بواسطة saleh1983

تانى حاجة استفسار هو ال cd اللى بيشتغل على الكاسيت لازم يكون اوديو وماينفعش يبقى مدته اكتر من 80 دقيقه .
.

أنا شوفت الكاسيت بتاع الساجا وهو فعلا مش بيشغل غير أسطوانات أوديو.
في حاجة إسمها Aux cable
مش عارف هو ممكن يتركب علي كاسيت الساجا ولا لأ, لإنه لازم يكون ليه موود مخصوص ف الكاسيت زي السي دي موود كده. هيخليك ممكن تشغل عليه أي Auxiliary Device زي ال MP3 Player مثلا

السلام عليكم
انا لسه مستلمه الساجا النهارده ودى اول عربيه ليا (ربنا يستر )

انا من اسكندريه واشتريتها من عز العرب
اوتوماتيك بيضاء ب 699000

وعندى كام استفسار كده لو حد يقدر يساعدنى عشان التوكيل ما فادنيش اوى
1-هو السنتر لوك مافيش زرار ليه بيفتحه من جوه العربيه؟
2-فى صف 5 زراير كده فيهم زرار الانتظار و الفوج لايت بس اول زرار من ناحيه الدريكسيون(عليه دايره بيضا) مش عارفه بتاع ايه ولما بدوس عليه مافيش حاجه بتحصل
3-الفتيس حلو و كل حاجه ولما بحركه فى نقطه حمرا بتحدد انا واقفه على انهى مود، بس المشكله انى جيت اركن باليل ماشفتهاش الا لما شغلت نور الصالون وحاسه انت ده مش طبيعى الفتيس فعلا مش باين خالص لو الاضاءه بره العربيه ضعيفه،فهل مثلا فى حاجه معينه بتشغل نور فى علبه الغيار ولا هى ضلمه كده بطبيعتها؟

معلش انا طولت عليكم بس انا فعلا محتاره خصوصا ان زى ما قلت دى اول عربيه ليا

شكرا مقدما