بصراحة انا لسه داخل المنتدى دة جديد وتقريباً ده يعتبر أول موضوع ليه فأتمنه من الناس ان يردو عليا غلشان يشجعوني اني اهتم بالموضوع أكتر
أنا مصطفى من أسكندرية معايا أوبل فكترا c موديل 2007 العربية كانت تعتبر جديدة بس أتخبطت في الرفرف اللى قدام والبابين الشمال المهم أتفتح 3 أيرباجات الدريكسون والتابلوة والكرسي الشمال :dzey:
المهم طبعاً انا مرحتش لمنصور لان طبعاً كله عارف ................... :36_1_40[1]:
المهم الحمد لله عملت العربية والتابلوه والديكسون والكرسي مفيش أي أثر لأي حاجة خالص الحمد لله بجد روحت لصنايعي بمعنى الكلمة
المهم برضه دخلت النهاردة التوكيل في طريق أسكندرية القاهرة الصحراوي علشان عايز أعمل السرفيس بتاع 30000 كلم دخلت من على البوابة سيبت العربية ودخلت علشان مكنتش حاجز من قبلها دخلت الأستقبال قبلني موظف محترم قالي أديني الرخصة وقعدت قدامه دخل بيانات العربية على الكومبيوتر وقالي في حاجة تاني غير صيانة 30000 قولتله اه عندي لمبة التشيك انجين منورة قالى حاضر بس كدة حضرتك قولتله لا شكرا قالي أتفضل حضرتك وأداني الرخصة وقالي أتفضل حضرتك دي دعوة لمشروب مجاني لحضرتك في الأستراحة ودي علشان صحبك اللي معاك قلتله شكراً ورجغت لقيت الكرسين اللي قدام متكيسين ومفروش كرتون فوق الدواسات وكياس على الدريكسون وفرامل اليد والفتيس المهم ركبت ودخلت على مكان الصيانة قبلت مهندس كده شاب ومظبت شعره ولابس نضاره وشكله محترم قولت بس هو ده دا شكله كان الاول في كليه هندسة دخلت عليه قاللى اهلا وسهلا يا افندم قولتله كويس والله قاللي ايه نوع عربيتك قولتله فكترا c قاللى المشكلة ايه قولتله عايز أعمل صيانة ال 30000 وعندي لمبة التشيك منورة قاللى ماشي قاللي ممكن المفتاح قولتلة اتفضل اخد العربية وطلع جره بيها ورجع قالي تمام قولتله وبعدين قالي اللمبة نورت قولتله ما أنا عارف قاللي حجيب الكومبيتر قولتله ماشي دخل قعد شوية قالي طيبهو في مهندس تاني بيستخدمة اتفضل حضرتك في الاستراحة وأنا حاجيلك أخد صاحبي ودخلت الاستراحة اتفرجنا على التلفزيون وبعد ساعة جالي المهندس قالي تحب تحط زيت 5000 ولا 10000 قولتله 5000 قاللي ماشي قولتله والكومبيوتر قالك ايه قالي حخلص الصيانة وبعد كدة حشوفة ...............:B4_592:
وبعد نص ساعة تاني جالي بتاع البوفية قالي حتشربو ايه قولتله انا عايز واححدة حاجة سقعة وصحبي قاله عايز قهوة مظبوط المهم راح وبعد نص ساعة تانيه جاب الحاجة قعت نص ساعة تانية وبغد كدة روحت أبص على الغربية لقيتها لسة بينزلو الزيت والمهندس بيجرب عربيات تانية المهم قعت شويه في الاستراحة لما الساعة بقيت 3 روحت لقيتهم بيقفلو الكبوت سألت الصنيعي لان طبعاً المهندس مش موجود علشان الظاهر انه بيجرب العربيات بس المهم قلتلة عملت أيه قالي غيرت الزيت والفلاتر والبوجيهات قلتله والسير قاللى لسه مش حيتغير المهم قاللى أتفضل حضرتك واحنا حنقلك لما نخلص روحت لحد لما بقن 3 ونص روحت تاني لقيت المهندس ركبها وبيركن على جمب قولتله خلصت قالي اه قولتلة والعفشة قاللي سلام والتيل والطنابير قاللى كله سليم المهم لقيته ماسك الكومبيوتر وقالي اللمبة دي علشان الأيرباج قاللى هي العربية دي كانت عاملة حدثه عملت عبيط وكأني مش سمعه قعد يبص على التابلوه والدريكسون ويبص على الكومبيوتر وبعد كدة قالى يا أستاذ هي العربية دي فتحة إيرباجات قولتله انت شايف ايه قالي بس الكومبيوتر بيقول انها مفتوحة قولتلة يبقى مفتوحة المهم قعد يتفرج على التابلوه نص ساعة ويقولي الله ينور ويسألني عملته عند مين والكلام اللي ملهوش لزمة دة قولتلة المهم عايز أطفيها مشي شويه وبعد كدة جابلي صنايعي ولقيت الصنايعي بيبص وبيقوله لا يا بشمهندس مش حتططفا إلا لما يغير الايرباجات قولتله غريبة ما انا طول عمري باطفيها قاللى لا مش حينفع ولقيت المهندس مش فاهم حاجة وهو كمان بيسمع للصنايعى سبتهم وقولتله متشكر انا حطفيها بره ورحت علشان احاسب قعت تلت ساعة عقبال لما الفاتوره جت وحسبت لقيه بيقولى 945 جنيه المهم دفعت وسألتة على الفوج الشمال قالي الواحد بيعمل 760 وتستلمة بعد 3 أسابيع قلتله والمرايه الشمال برضة قالية عاملة 3255 ودي الحكايه مع أول تعامل ليه مع منصور على الرغم انه الصيانه غير فيها الزيت والبوجيهات والفلاتر بس:dontudear::dontudear::dontudear: