لانسر شارك 2010 أم فورد فوكاس 2010 . ما هى السيارة الأفضل ؟
لانسر شارك 2010 أم فورد فوكاس 2010 . ما هى السيارة الأفضل ؟
طبعا بتسال في قسم فورد طيب تتوقع الرد ايه ؟
أنا رأي فورد لو هتستحمل توكيلها واسعار قطع الغيار وإستهلاك البنزين
انا سمعت ناس كتير بتشتكي من الشارك والله اعلم
طيب التوكيل انا معرفش عنهم حاجة عمرى ما دخلته
موضوع استهلاك البنزين اولا الفوكاس الي عندنا مش امريكاني ديه اوروبي
و موضوع الشكوي من البنزين مينفعش اجيب عربية 6 سلندر و نص مليون سي سي و اطلب انها تكون موفرة في البنزين و كمان مينفعش اجيب عربية 1000 سي سي 3 سلندر و اطلب اني احملها و اسافر بيها
الفوكاس الموجودة في مصر 1600 سي سي و لو تم مقارنتها باي عربية ليها نفس السعة انا واثق ان استهلاك الفورد هايكون اقل
اعتقد الفورد احلي
اركب العربيتين واسئل بنفسك عن اسعار قطع الغيار في التوكيل وبرا وفي الاخر صلي استخارة وسيب الحكم لنفسك:36_1_37[1]:
أعتقد الفورد أفضل و موضوع البنزين و قطع الغيار مش فارق كتير بين الاتنين
التوكيل 10 على 10 فعلا مفيش غير 6 اكتوبر (ده بالنسبة لفكرى ..أتو ماجد معتمد بس معرفش مكانه) وفى واحد هيتفتح فى العبور كمان شهرين على كلامهم وإستهلاك البنزين عملت معايا 17 لتر فى مسافة 208 كم ولو انا حسبته يطلع تقريبا 8.5 لكل 100 كم على الطريق السريع.
قطع الغيار الخارجية فوكاس أرخص من لنسر شارك والداخلية الله أعلم
العفشة أنعم فى لنسر بحكم انها يابانى لكن الثبات للفوكاس طبعا
الفخامة والأوبشنز طبعا حسب الفئة بس لو قارنا الأعلى فى كل عربية الفوكاس برضه تكسب
الشكل ودى أذواق انا شايف الفوكاس تكسب
فى الأخر الفوكاس أوروبى ولنسر اسيوى
التسارع من الصفر لصالح لنسر شارك ولو أن تسارعها أسوء من البومة بس بعد الـ90 تيجى الفوكاس بقوة
ورأى انا البسيط المحدود يعنى لو تسمحوا أن احنا للأسف بنقارن الأوربى بالأسيوى عادى وشوفنا ناس هنا بتقارن ألمانى بكورى برضة عادى كل ده عشان احنا بنقارن بالفئة السعرية
لكــــــــــــــــــــــن
وده راى الشخصى برضه
الى مركبش أوربى مركبش عربية
تحياتى للجميع وأرجو الأعضاء ملاك العربيات الغير أوربية ميزعلوش من وجهه نظرى البسيطة
fouad programer انت قولت كلمة جمدة ألى مركبش أوربى يبأ مركبش عربية وانا معاك جيداً بس صدقنى احنا بلد الكورى و الأسيوى للأسف
فى حاجة مهمة ناس كتير نسيها و هى الأمان جرب تخبط بأيدك ساج الأبواب بتعات العربيات ( الفوكس الباب بتعها فى عمودين فولاز ) انا عملت بفوكس 2009 حدثة على الطريق الصحراوى 180-200
و بص على العربية فى توكيل أسكندرية و انت تعرف بس برده سوق اللنسر احسن بكتير جداً ( بيع و شرى و قطع غيار أستعمال)
معلش ياباشا ثقافة بلدنا كده هنعمل أيه بقى نيجى عند راس القرد بس أظن الى سافرو بره حتى لو الخليج شافوا وفهمو كويس
ولا الهوا إبن عم الريح نحن فى عصر الكورى اللذيذ... واحد بيكلمنى إمبارح عايز يشترى عربيتى وبيقول انه قدامه إختيار تانى لو مشتراش منى(قال يعنى بيعرفنى انه جامد ومش هيتغلب فى البيعه) ألا وهو السيراتو قولتله لا طبعا روح أشترى السيراتو أحسن يمكن تركبها 40 سنة وتبيعها أغلى ما اشتريتها
فورد فوكاس
بس بنزينها 95
انا نفسى اعرف حاجه....ليه الناس فاكره الفورد اللى هنا امريكانى....تيجى تقول لاى حد الفوكس عربيه كويسه...يقلك لالالالالالالالالالالالال الالالا الامريكانى فظيع فى البنزين...يا جماعه العربيه مش 6 الاف سى سى...مهياش امريكانى ولا مواصفات امريكى....الفورد نوعين...نوع امريكى ونوع انجليزى...الاسكورت والفيستا والكا والفوكس انجليزى...فى نسخه فوكس امريكانى ودى طبعا مبتنزلناش
الفيستا الجديده المانى بالكامل.....
الامريكانى مش بينزلنا خالص...احنا مش قد مواتيره ومش قد قطع غياره...احنا غلابه
واكيد طبعا الفوكس احسن من الشارك ولا مجال للمقارنه
بدون كلام تماما اليابانى زى الفل بس مش زى الفورد (اوروبى حاليا)
انا اول مرة اعرف ان استهلاك الفورد للبنزين عالي انا معايا فورد اسكورت 1300 cc سحبها للبنزين اقل من الكولت 1300 كاربراتار و بالنسبة الي قطع الغيار فقطع غيار فورد بات موجودة وسعر قطع غيار فوكس احسن من الشارك
الفورد الاسكورت ال 1300 مصنع في روسيا البيضاء
الاسكورت زيتيك 1600 الماني
الفيستا 1100 كلاسيك اسباني و خامات الماني
الفيستا 1300 97 و 98 الماني
الفيستا 1300 99 و 2000 اسباني
و معظم قطع الغيار المستخدمة الماني و فرنساوي و انجليزي و اسباني و برتغالي
الفورد الامريكاني مبيجيش عندنا مصر خالص و ده زي التوراس و الجراند فكتوريا و التاون كار
و طبعا الامريكاني بتداء سعة المواتير من 3000 سي سي
الفوكاس الموجودة في الوقت الحالي على ما اعلم الماني و الماني تقفيل اسباني و بلجيكي
المونديو في منها بلجيكي و روسي بس معرفش الروسي بتيجي مصر ولا لا
فورد اكيد هتحس انك راكب حاجة مش منتشرة و جمال الشكل احلي بكتير من الشارك
قد يكون رايك ان الفوكس افضل من الشارك وهذا غير صحيح بالمرة لكن يوجد اكثر من مجال للمقارنة منها الفوكس تصنيع اوروبى وماله لكن اى بلد فى اوروبا فى الغالب ستكون دول الدرجة الثانية فى اوروبا مثل رومانيا واخواتها بينما لانسر يابانى ( اليابان بها اكبر مصنعى السيارات على مستوى العالم) الفوكس من اكثر السيارات بها مشاكل لمالكيها زى اختها الميجان الاورويى بعكس اليابانى عامة ولانسر يصفة خاصة
الاخوة مالكى فورد فوكس 2010 موتور 1600 100 حصان اخبارة اية فى السحب و التكييف لما بيشتغل بياثر على السحب
[overline]
استاذ احمد انا فعلا معايا شارك لكن دا مش سبب دفاعى عنها انا ركبت قبل كدة بورا 2002 المانى وميجان 2001 فرنساوى وميجان 2006 تركى امتلكت هذه السيارات الاوربية لفترات مختلفة بجانب مختلف السيارات اليابانى وعن تجربة اقول لك ان هذه السيارات الاوربية تمتاز بالقوة والفخامة لكن مع تكنولوجى مرتفع لا يتناسب مع الطرق والشوارع المصرية وانا معاك ان الفوكس افضل من الشارك فى الشياكة والفخامة مع ان دى ازواق برضه لكن لكن عندما نقييم سيارة ناخذ فى الاعتبار عوامل مختلفة منها سعر الشراء وسعر اعادة البيع وتكلفة تشغيل السيارة ونوعية وحجم المشاكل الميكانيكية والكهربائية التى تنشا عن تشغيل السيارة منسوبا لعدد الكيلومتر المقطوع سوف تجد ان السيارات اليابانى تتفوق على السيارات الاوروبى التى تتقوق فى الشياكة والفخامة وقوة المواتيير
ولك افضل تحية
[/overline]
مش عارف ليه العربيات الزيرو عموما بتبقى حظوظ.....يعنى واحد يجيب لادا زيرو تبقى تمام معاه و100 100 وواحد يجيب كرولا مثلا او افيو او بروتون يبقوا فيها عيوب الدنيا....
العربيات دلوقتى بقت انت وحظك...