لانسر شارك 2010 أم فورد فوكاس 2010 . ما هى الأفضل ؟
لانسر شارك 2010 أم فورد فوكاس 2010 . ما هى الأفضل ؟
both in the same category bass shark highline is better
فورد فوكاس 2010 افضل من ناحية السبات والموتور والصالون والشكل فى نظرى انا بعشق العربية دى وبحترمها اوى العربية مفيهاش غلطة
بس اللنسر افضل من حيث التصليح وقطع الغيار والشكل الرياضى الهجومى
من وجهه نظرى ..الشارك علشان توافر قطع الغيار وسهوله الصيانه يعنى ممكن تصلحها فى التوكيل او بره اما الفورد فانت مرتبط بالتوكيل وقطع الغيار صعب الحصول عليها بره التوكيل بالاضافه الى نقطه مهمه جداااا يجب عدم اغفالها وهى سعر اعاده البيع يعنى الشارك سهل انها تتباع وتمسك فيها سعر بعكس الفورد اللى سعر المستعمل فيها بيقل جدا واعاده بيعها بتبقى تقيله
اعتقد ان الفوكاس هتبقي افضل والله اعلم بس بحس ان اللانسر رياضيه اكتر
اللانسر شارك افضل من ناحية التحمل والشكل والصيانة واسعار قطع الغيار
ولكن الفوكاس اريح واثبت
كعربيه , الفوكاس اكيد توقع الشارك من فوق جبل المنافسه اساسا
بس كأعتماديه وقطع غيار وتوكيل مضمون شوف حاجه تانيه احسن من الاتنين
بص على الفلونس مثلا يليها السيراتو
انا معاك 100% يا احمد باشا في موضوع الفلونس ولو هنقارنها تكسب فكل اوجه المقارنه ماعدا سعر اعاده البيع وبعض قطع الغيار مع الوضع في الاعتبار ان قطع غيار الفلونس (اوربي) معمره اكتر من اليباني
انا عندي نفس الحيره معايه سيراتو 2010 وعايز اغير لحاجه اعلي ومحتار بين الفلونس اول حاجه في الاوتوماتيك او الشارك برده اول حاجه في الاوتوماتيك او سيراتو هاى لين
والله هو سعر اعاده البيع فعلا مشكله فى الرينو بشكل عام , بس قطع الغيار انا بصراحه اتصدمت لما عرفت ان حاجات كتير قوى قوى فى الميجان ارخص من البومه وان اسعار صيانات الميجان ارخص من البومه ده غير بقا طبعا فرق خدمه التوكيل
يعنى لو واحد بيعمل كل شغل العربيه فى التوكيل هتبقى الميجان اوفرله من البومه فى حين ان البومه بس تتفوق فى ان حاجتها متوفره برا ودى برده الميجان يمكن حاجتها اغلى شويه بس موجوده جديد واستيراد وكله
لو عايز تغير من السيراتو لحاجه اعلى انا رأى تستنى وتدخل فى الفئه اللى اعلى من الفلونس كمان لأن ككماليات الفلونس حاجات بسيطه اللى فيها ومش موجوده فى السيراتو الهاى لاين ونقدر نقول بس كأمان وعزل وراحه تتفوق على السيراتو وطبعا الشارك ابدا مش اعلى من السيراتو ومتستاهلش انك تدفع فرق علشان تجيبها بدل اللى معاك
شاكر جدا علي الرد انا بقالي 4 ايام بروح اتفرج على الفلونس في اماكن مختلفه ومعجب جدا جدا جدا بيها لان حاسس اني لو ربنا قدرني وجبتها هتنقل نقله كبيره اوي
الفضي والرمادى الغامق عجبني اوي
بس المخليني متردد هو اعاده سعر البيع فقط
علي فكره الفلونس فخمه فخمه بجد كانت وقفه جنب السيفك شكلها شدني اكتر من السيفك هو طبعا السيفك اجمد بكتيييييييير
بس يمكن عشان انا معجب بالفلونس بالنسبه للكماليات انا اليعايزها ب125000 فيها مثبت وتحديد سرعه (حاجه جامده موت) و MP3 مرايه كهرباء و ستائر في في البابين الخلفين والكنبه كمان لما بفتح الباب بينورلي الارض لو حاجه وقعت و طاره مالتي arm rest و ABS and EBD
يعني كماليات مش بطاله
انا علي وشك اجبها لو حد شايف اني هتسرع او لو في حاجه احسن ياريت ينصح
شكرا