و نعم بالله....ألف شكرا على ردودكم يا رجالة. :S_thum1[1]:
عرض للطباعة
و نعم بالله....ألف شكرا على ردودكم يا رجالة. :S_thum1[1]:
الحمد لله انا رجعت بالسلامة بس لسة معملتش حاجة :)
لظروف خارجة عن الإرادة
طبعا حاولت مع كنتاكت كار بس مش لاقي حد استفسر منوا قبل مل اقدم طلب
السؤال للأخ ahmedez88 بصفتة الخبرة ربنا يبارك فيك :)
انت كنت بتتعامل مع مين في عز العرب؟
يعني عقد البيع بينك و بين مين ؟؟
و لو ممكن تقولنا التفاصيل بالضبط
و يا سلام لو فيه رقم تليفون لكنتاكت كار يبقى كتر خيرك
و جزاكم الله كل خير جميعا :)
بصراحة الفضل كله يرجع للمنتدى بعد ربنا فى اختيار العربية التحفة ديه التى لاتقارن بكل العربيات اللى فى فئتها
مبدئيا كده:
كونتكت كار بقت شركة قابضة يعنى ايه؟.....لما تروح اى توكييل فى مصر هتلاقى واحد منهم او هتلاقى الApplication بتاعهم موجود.......انا بقى هاقولك انا عملت ايه بالظبط من الاول
1-روحت عز العرب اللى فى العجوزة هتلاقى اللى ماسك مبيعات بروتون إسمه "احمد مجدى" قولوه بس انا من طرف احمد حسن اللى لسه مستلم الساجا الفضى الاوتوماتيك هو فاكرنى كويس علشان انا صدعته تليفونات بصراحة :)
2-هاتدفع 1000 جنييه حجز 100 App بتاع كونتكت
3-بعد يومين كده هتلاقى واحد من كونتكت هيكلمك و يجييلك الشغل عشان الإستعلام تكون انتا بقى محضر HR Letter و صورة بطاقة و وصل نور هيدردش معاك شوية وبعدين يمشى (مش هيقولك بقى على إكرامية او حاجة زى كدة) آخره واحد شاى و شكرا :)
4-هيتصلوا بيك بعديها هيقولولك انتا Accepted
5-اول لما العربية تيجى من ماليزيا بالسلامة هتروح كونتكت اللى فى طريق مصر اسكندرية الصحراوى تدفع المقدم و معاك الورق المطلوب
6-هما هيجهزوا شيك و يشتروا العربية و بيعملولك تفويض عشان تستلم العربية
7-بعد يومين كمان واحد هيكلمك عشان يجييلك المرور عشان الترخيص و ده بقى راجل برنس
هتروح هتلاقيه مخلص كل حاجة فى المرور انا دخلت مرور العجوزة الساعة 12 خارج 12:30 بلا مبالغة
8-تكلفة الترخيص حوالى 490 من غير الطفاية (سنة واحدة )
لو فى حاجة مش واضحة قولوا متكسفووش انا وراكوو لغاية لما البلد كلها تركب ساجا :)
بص يا معلم
1- لازم يكون عند حساب فى البنك
2- بتروح البنك تتطلع دفتر شيكات بتحتاجه فى كونتكت
3- انتا بتكتب على نفسك شيكات بالمتبقى فى ثمن العربية بس مش ثمنها كلها
4- طرق الدفع بقا
- تروح كونتكت نفسها و تدفع القسط + 10 جنييه مصاريف تحصييل
- هما هيدولك طلب تقدمه للبنك و البنك يخصم القسط فى ميعاده و يحوله على حساب كونتكت و ديه احسن طبعا لو بتقبض على بنك
جزاكم الله كل خير جميعا
بس يا ترى مفيش حاجة مفيهاش تدخل من اي بنك؟!!
عايز معاملة بالبطاقة و بس :) يا ترى حالاقي؟
قولوا ان شاء الله :))