الحمد لله استلمت ماروتى 2010
الحمد لله استلمت العربية النهارده وطبعا لسه ماركبتش نمر فحطيت عليها نمر تجارية لغاية ما اركب النمر فى المرور
ملاحظاتى المبدأيه انها عربيه كويسه تقفلها حلو فى حدود سعرها شدها حلو على الطريق رغم انى ماعدتش ال100كم\الساعه لانها بتلين لسه فيها الاحتياجات الاساسيه لاى عربيه فرشها كويس حسيت ان الدريكسيون تقيل شويه بس خفيف وهى ماشيه الكاست بتعها تعبان اوى والسماعات معجبتنيش وصوت الموتور عالى اوى واعتقد انها بعد فتره الصوت ده حايهدا شويه لان العربيه لسه بتلين استلمت معاها العده بتعتها (بنز+مفتحين صغيرين+الكوريك والزراع بتاعه+مفك) وكمان الولاعه والكتالوج ومفتحين برموتين
وكان تانك البترول على الاخر تحت الe وفولتها 90 عملت 43 جنية بس الحقيقه ماخدتش بالى كام لتر
واذا كان فيه جديد سوف اوافيكم به