الموضوع: راي حضراتكم في الشيفرولية كروز و في توكيلها

توكيلها منصور
اوحش توكيل طبعا

انا راى ان العربيه ده مبالغ جدا فى سعرها يعنى مثلا الفئه الاولى فيها اللى هى ب110000 ازاى اركب عربيه بالمبلغ ده و الزجاج الخلفى يدوى هل ده يعقل؟
ده غير كمان ان موتورها ضعيف بالنسبه لحجمها و القدره الحصانيه قليله لانها بتنزل بره 2000 سى سى وكمان المشكله الاكبر هو سوء توكيلها فى مصر فهو من اسوء التوكيلات فى مصر كلها
على فكرة و الله ده راى بكل امانه مش علشان معانا سيراتو احنا اصلا كنا حنجيب كروز بس كله قالنا شكل على الفاضى و التاجر قالنا ده نوبيرا لابسه فستان جديده و الله بنفس اللفظ ولكن حضرتك برضه فيه عقل انت ممكن تقارن بنفسك بين الاتنين و فى كمان هنا فى قسم المقارنات مقارنه بين الاتنين وبشهاده الجميع السيراتو كسبت من ناحيه الموتور فهو اقوى بكتير 124 حصان و امكانيات و شكل داخلى و فارق سعر بعد كل ده انما الصراحه الشكل الخارجى الاتنين وحوش وكمان انت مش حتضحى و تجيبها علشان هى المانى مثلا و او يابانى فالاتنين كورى
وسيبك كمان من السيراتو مثال تانى الالنترا مثلا فانا شايف انها امكانيات على قد السعر عكس الكروز تماما فالالنترا مثلا موتورها ايضا اقوى بكتير
وانا راى ان لو حضرتك حتدفع فى الكروز المبلغ ده كله فاولى انك تجيب بقى شارك او كورولا و على الاقل يابانى مثلا و اسم تجارى اعلى (مع العلم ان ده وجهه نظر السوق المصرى و انا مش مقتنع بالحكايه ده لان الصانع الكورى فى 10 سنوات الاخيره تفوق جدا و الدليل على كده حصول اللالنترا على افضل عربيه لعام 2008 و السيراتو انجح عربيه لعام 2009 هى و اللوجان(فرنساوى))
وطبعا لحضرتك الراى الاول و الاخير و ده والله راى بكل امانه و حضرتك برضه ممكن تجمع معلومات عنها و عن الالنترا و السيراتو و الشارك و الكورولا و الافضل ربنا يكرم بيه و على العموم مبروك مقدما

انا معرفش حاجه عن العربيه ..
بس التوكيل يعتبر اسوا توكيل ممكن تشوفه فى مصر و العالم العربى ..و قاره افريقيا و اسيا و اوروبا و القطب الشمالى و الجنوبى و غرزه عم احمد ...

التوكيل دا واخد المرتبه االاولى ف النصب ف العاااالم كله يا خااالد هههههه

السلام عليكم اخي الكريم بجد العمليه دي أزواق وأنا بصراحة متناهيةكنت محتار جداً بين الكروز والسيراتو بس بعد مناهدة وتفحص لقيت الكروز عربية تصميم gm ونفس شاسية الأوبل وكمان الفتيس ستيبترونيك 6 نقلات أول مرة أشوفة في مصر يعني ممكن تقول تكنولوجيا ألماني وتقفيل كوري وللعلم الكروز دلوقتي كلها 4 زجاج كهربا حتي المانيول وكمان فيها تكنولوجي عالية جدا في الكهربا وكمبيوتر رحلات مش موجود في السيراتو الفاضية دا غير الثبات المتناهي جداً وأسئل مجرب الفرق في الثبات بين الإثنين السما والعما وكمان عفشة تمام وتقفيل فوق الممتاز وفي الأول والأخر لولا إختلاف الأذواق والأراء لبارت السلع وربنا يوفقك للي فيه الخير والصالح إن شاء الله بس في ملحوظة هي فعلاً الكروز سعرها غالي يعني لو كانت أرخص عشر تلاف بس كانت إكتسحت بدون منافس فعلاً بس الله يسمحة منصور وكمان متنساش إنها واخدة 5نجوم في إختبارات التصادم والدرجات النهائية تقريباً وشكراً وأسف للإطالة

عربية حلوة جدا لكن توكيلها في ناس معندهاش مشكلة معاه وفي ناس عندها مشكلة معاه يعني العملية كدة واضح انها بختك يا ابو بخيت