الحمد لله قدر الله ما شاء فعل
و انا ماشى فى شارع النصر الصبح بدرى لاقيت خير اللهم اجعله خير الكبوت بيفتح و الاقيه رزع فى البربريز القدام و كسره و طبعا ماكنتش شايف حاجة ستر ربنا ماكانش فى حد يمينى او شمالى او ورايا لانى كرد فعل هديت العربية جامد و كسرت شمال
طبعا عملت فيها ايس فنتورا عشان اقف موازى للرصيف طبعا اديت الانتظار المتين و نزلت اشوف ايه اللى حصل لاقيت المفصلة الشمال اتعوجت من شدة فتح الكبوت لانه فتح على الاخر و لاقيت قفل الكبوت اتخلع من عضم العربية وكمان نفس الكبوت لما فتح غرز فى الصاج اللى تحت الازاز
طبعا عملت اللالى عشان اقفله و لو مؤقتا و ربطه بحبل و ماشى بضبش عشان الازاز فى الضياع(لم يقع كان ماسك نفسه اكنه جاله سرطان)
و ركنتها تحت البيت و غطيتها لغاية ما اشوفلها حل(لو حد يعرف حل ما يبخلش عليا)
الغريبة بجد البرود اللى كنت فيه يعنى لما الكابوت فتح و ماكنتش شايف حاجة مكنتش قالقان ولا خايف جاللى تبلد غريب
المهم البربريز سعره كام و احسن واحد يركبه و عايز سمكرى جامد و فاهم و يكون فى الحنين
ملحوظة :السيارة مرسيدس 82 اكيييييييد مش اللوجان