لازم القاهرة تتنسف و يعاد بنائها تاني على عشرة أضعاف مساحتها الحالية
هو ده حل الزحمة اللي إحنا فيها
عرفت الزحمة حاتخلص إمتى ؟!!!
عرض للطباعة
لازم القاهرة تتنسف و يعاد بنائها تاني على عشرة أضعاف مساحتها الحالية
هو ده حل الزحمة اللي إحنا فيها
عرفت الزحمة حاتخلص إمتى ؟!!!
الوضع مؤخرا زاد عن حده فعلا و بقى العادي ان كل الشوارع واقفة في كل الأوقات
متوسط المشوار عندنا كان لحد وقت قريب ساعة , اظن دلوقت دخل في ساعة و نص او ساعة و ربع
كل اللي اعرفهم في اغلب المحافظات الكلام ده بالنسبة لهم مبالغ فيه اوي و ما عندهمش كده
احنا اعمارنا بتضيع في الشوارع رايح جاي
و المشكلة على رأي اللي بيقول , و لسه
ما هو طول ما بنعمل معارض فى ازحم حته فى مصر , وطول ما استاد القاهره فى قلب المعمعه , وطول ما المصالح الحكوميه متجمعه فى وضع عسكرى دفاعى فى مناطق معينه هنفضل فى الهم اللى احنا فيه كل يوم ده
انا فعلا بقالى فتره بستمتع جدا انى اخرج واسيب العربيه واركب مواصلات او حتى لو الدنيا زحمه تاكسى او لو واقفه اخدها مشى لحد ما ربنا يفرجها
مبقاش عندى اعصاب انى اقعد فى العربيه بالساعه ونص وانا بينى وبين البيت نص ساعه مشى علشان الدنيا واقفه , امبارح مثلا كنت رايح باب الشعريه والطريق واقف من كوبرى غمره مبيتحركش ونزلت خدتها من غمره لهناك مشى وخلصت المشوار وطلعت وهى واقفه زى ما هى
انا مستنى اليوم اللى اخلص فيه جامعه علشان اطلع من القاهره بفارغ الصبر , وفعلا الوضع من سئ الى اسوء وحاسس ان اليوم اللى القاهره فيه هتوصل لحد الانغلاق وتوقف حركه السير تماما قرب قوى قوى
تخيل الوضع هيبقى ايه بعد 10 سنوات مثلاً ؟؟
حيبقى دماار شامل
الوضع بقاله اكتر من 6 شهور اصبح زياده قوي
احنا كمان سنتين ومش هنعرف نمشي خالص
اكثر الاوقات متعه فى السواقه وتحس ان البلد رايقه
بعد الساعه 2صباحا
مافيش حل غير الخروج من القاهره
نسيت تضيف للزحمة عدد المطبات والحفر اللي في كل مكان وكأننا ماشيين في الجبل
السولقة فى مصر بقت حرق دم والله انا ساعات كتير بسيب العربية واروح الشغل مواصلات