نور الصالون(لمبه السقف) مساعده ضروريه

مطلوب مساعده عاجله من ملاك الصني بجميع موديلاتها
المشكله بخصوص نور السقف في العربيه
كنت بنضف الوش و حبيت انضف الزرار لأني شفت عليه رواسب
و اخره الشقاوه دي ان الزرار طلع عليه بليه طارت و فطت و نطت في العربيه و جربت ادور عليها في كل حته في العربيه و تحت الفرش و فكيت حاجات تانيه من الفيبر اللي جوا العربيه و برضو مش لاقيها
رحت للاسطي رضا الكهربائي اللي في السابع قاللي ممكن الاقي زيها عند بتوع البسكليتات!!
سئلت عليها في محلات الكهربا اللي جنبه و مش عارفين حاجه
ياتري ايه العمل هي بليه معدن صغيره قوي بتركب في تجويف في الزرار علشان تتحرك مع جميع اوضاع نور الصالون
اكيد مش هحرم العب في العربيه تاني
بس عايز النور يرجع خصوصا اني نضفت الغطا البلاستك و بقي شكله تحفه فمستني اشوف النور هيكون شكله ايه

شكرا دكتور امير علي الرد السريع
:b4_556:
بص يا سيدي انت تروح للكهربائي اللي انت تعرفه و قوله المشكله و ان شاء الله تتحل

حاضر انا هروحله و اقولك ايه اللي جري

طيب ربنا معاك و متنساش تطمنا

الحمد لله ادي النور اشتغل تاني

طب تمام الحمد لله و شكرا لجميع اعضاء نايل موتورز

(الحوار ده بيني و بين نفسي طالما رديت علي نفسي فمن حقي اشكرها!!!)

السلام عليكم د. امير
لو عايز نصيحتى اسأل عليها فى التوكيل عند السبع وشوف ثمنها كام و اعتقد مش هتكون غاليه بس هتكون الأصليه بدل ما الكهربائى يركبلك اى حاجه شبهها وترجع تبوظ بعد شويه او تبقى مش مظبوطه و بعد ما تاخد فكره من التوكيل لو ما موصلتش لحاجه ابقى شوف مع الكهربائى و اللى شجعنى اقولك كده ان الصيانه عند السبع خاصه اللى فى زهراء المعادى ممتازه و الناس هناك متعاونين و محترمين جدا و بالتوفيق ان شاء الله

معلش لو المشكله اتحلت يبقى مبروك انا علشان انا مفهمتش اوى تعليقك السابق :ma:

ربنا يخليك يا كبير المشكله فعلا اتحلت
و مشاركتي اللي قبل دي كنت بشكر فيها نفسي اني رديت علي نفسي :36_1_35[2]:
مساء الفل يا كبير

اقتباس:

---

المشاركة الأصلية كتبت بواسطة amir

شكرا دكتور امير علي الرد السريع
:b4_556:
بص يا سيدي انت تروح للكهربائي اللي انت تعرفه و قوله المشكله و ان شاء الله تتحل

حاضر انا هروحله و اقولك ايه اللي جري

طيب ربنا معاك و متنساش تطمنا

الحمد لله ادي النور اشتغل تاني

طب تمام الحمد لله و شكرا لجميع اعضاء نايل موتورز

(الحوار ده بيني و بين نفسي طالما رديت علي نفسي فمن حقي اشكرها!!!)

---

ازيك يا دكتور امير
والله انت لخبطني اخر لخبطه وكل ما اوصل لنص المشاركه ارجع اقراها من الاول تاني :dzey:
بس الحمد لله ان المشكله اتحلت
انا فى الحاجات اللى زي دي بسأل عليها فى التوكيل وبعدين عند بتوع الاستيراد واشوف الارخص والاحسن وباعمله
والحمد لله انك حلتها
ولك جزيل الشكر

اقتباس:

---

المشاركة الأصلية كتبت بواسطة aymenseef

ازيك يا دكتور امير
والله انت لخبطني اخر لخبطه وكل ما اوصل لنص المشاركه ارجع اقراها من الاول تاني :dzey:
بس الحمد لله ان المشكله اتحلت
انا فى الحاجات اللى زي دي بسأل عليها فى التوكيل وبعدين عند بتوع الاستيراد واشوف الارخص والاحسن وباعمله
والحمد لله انك حلتها
ولك جزيل الشكر

---

اهلا و سهلا يا باشا
معلش بقي اعتبرها هلوسه
بس صعبت عليا نفسي شويه ان محدش رد عليا و العربيه باليل صالونها كحل و مش شايف اجيب حاجتي منها و كنت مخنوق اني انا السبب و مش عارف احل الموضوع
فبدل ما افقد الثقه بقسم النيسان قلت ارد علي نفسي بالحل يمكن ماخدش بالي ان انا اللي جاوبت علي نفسي!!!
:36_1_35[2]:
ياريت الموضوع ده يطويه النسيان في غياهب القسم علشان بس الناس العاقله اللي ممكن تقراه بعد كده :b4_556: ميظنوش في الظنون

اقتباس:

---

المشاركة الأصلية كتبت بواسطة amir

فبدل ما افقد الثقه بقسم النيسان قلت ارد علي نفسي بالحل يمكن ماخدش بالي ان انا اللي جاوبت علي نفسي!!!
:36_1_35[2]:
ياريت الموضوع ده يطويه النسيان في غياهب القسم علشان بس الناس العاقله اللي ممكن تقراه بعد كده :b4_556: ميظنوش في الظنون

---

ميظنوش ايه بس يادكتور امير ماخلاص اللي ظن ظن بقي بس انا مش عايزك تقلق علي نفسك انت كويس و الحمد لله

بخصوص الموضوع التوكيل معندوش الحاجات الصغيره دي ليييه معرفش انا بقالي فتره بسال علي كليبسة السيخ بتاع الكابوت و مش موجود في كل الفروع تقريبا
و الحمد لله ان المشكله اتحلت بعيد عن انك تجيبها او تشتري بليه زيها و بطل لعب في العربيه لحسن اللعب دا اخرته وحشه في بعض الاحيان يادكتره :T_thum1[1]:

اقتباس:

---

المشاركة الأصلية كتبت بواسطة walidadel

ميظنوش ايه بس يادكتور امير ماخلاص اللي ظن ظن بقي بس انا مش عايزك تقلق علي نفسك انت كويس و الحمد لله

بخصوص الموضوع التوكيل معندوش الحاجات الصغيره دي ليييه معرفش انا بقالي فتره بسال علي كليبسة السيخ بتاع الكابوت و مش موجود في كل الفروع تقريبا
و الحمد لله ان المشكله اتحلت بعيد عن انك تجيبها او تشتري بليه زيها و بطل لعب في العربيه لحسن اللعب دا اخرته وحشه في بعض الاحيان يادكتره :t_thum1[1]:

---

يا صديقى العزيز لو أنا متخيل صح فإن البليه دى اللى بتدى للمفتاح الحركه بتاعته فى كل وضع من الأوضاع التلاته بتوعه و من غيرها المفتاح سايب يعنى مش بيثبت فى وضع أو بمعنى تانى مش بيتك لما تحركه.
لو هى دى المشكله فممكن تجرب أى بليه (رولمان بلى) يكون مقاسها مناسب.
أما موضوع إن الميه مش بتنور فده معناه أن فى حاجه تانيه وقعت غير البليه و أعتقد أى كهربائى نضيف بيفهم يقدر يعملها و إبقى طمننا

انا مع راى الاستاذ emadsamy

انا بقالي فتره بسال علي كليبسة السيخ بتاع الكابوت و مش موجود في كل الفروع تقريبا

انا جبتها من محل مسامير وبيبيع الرفايع دي ب 3 جنيه المحل ده جنب حسن دبوس فى الحرفيين وساعتها اشتريت 5 قطع وكل ما اقابل حد معاه الصني بلاقيها مكسوره عنده اديله وحده لغايه ما خلصتهم :C_laugh[1]:

الكلبسات دي موجوده في السبع زهراء المعادي و مرميه بكثره قوي في التوفيقيه

انا لما روحت التوكيل اللي في شارع الحجاز خليته يلف علي توكيلات نيسان اللي موجوده في البلد علي السيستم عنده و كلهم ماعندهمش البتاعه دي خنقتني والله من قبل ماشوفها بس عموما حلو موضوع حسن دبوس ده ابقي اعدي عليه في يوم
و شكرا للرد ياستاذ ايمن